[مسفر العدواني]

[align=right]استحلاب السحاب

قبل عامين وأنا في الطائف (القمرية) تأملت السحابة..! وسألت نفسي هل

سينجح الغرب في استمطارها؟! مع العلم أنني مؤمن بقوله تعالى:

( أفرأيتم الماء الذي تشربون ، أأنتم أنزلتموه من المزن أم نحن المنزلون...)

حينها تذكرت القائل :

( أمطري حيث شئت، فسيأتيني خراجك ولو بعد حين )[/align]



[poem=font="Simplified Arabic,5,#4800FF,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
[poem=font="Simplified Arabic,5,#2900FF,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
(عرب ..حنّا)(طرب..حنّا) صباح الغرب والدولار=مساء السيل يا ((هارون))ذاك اللي غرقنا فيه..

(عرب ..حنا) وتحت( الصفر) لازلنا نشب النار..=متى يا صفرنا اللي فوق..عجز.. ا/عقولنا نشويه..؟ّ!

يا فاهم لا تفهّمنا.. حياتك خلّها ..مسيار=(طرب ..حنا) ومن ينوي يشوه فننا..ننفيه

تحرر..لا تعقدنا..ترانا عايشين.. أحرار=تقدم ..لا تأخرنا ..ترى من باعنا ..نشريه

كشفنا وضعنا للناس ..لا تنشد عن الأسرار=ترى ما عندنا ( طاقة)ولا(يورانيوم) ..نخفيه

يا طيبتنا ..بساطتنا ..سذاجتنا.. نخون الجار=(عرب..حنا ) ولا نقدر نهدّ الجدر.. أو نبنيه

ترى ما به.. ولا قوة ..ولا فكرة.. ولا.. إصرار=ولا ماضي نحاضر به ولا حاضر لنا نمضيه

حكاية مجدنا ضحكة ..! عشقناها و(حنّا) صغار= حكاية ..جيشنا.. معروف ..لكن ربنا.. يحميه..!

حكاية أرضنا ..ما هي حكاية عرض أو أشرار=حكاية نفطنا ..غالي ..وغصْب أرواحنا تغليه ..

حكايتنا ورب البيت خطوه مالها مشوار=يحاول دربنا يركض و(حنّا ) للورى نمشيه..!

شف العالم ..بلاش تشوف!.. خايف بعدها تنهار=شف أرحم واحد(ن) فينا يخرّب موطنه بيديه

شف العالم ..(كلاشنكوف)..آسف .مصطلح كفار ..!!=شف أقوى واحد(ن) فينا يخاف الليل ما يسريه

شف المسئول لا منّه فشل قدم لنا ..أعذار=و(حنّا) أففف يا (حنّا) رغم ذاك الفشل نعطيه..!

صباح الأخخخ يا هذا ..موقّف راتبه..محتار .!=مساء الآااه..يا هذا( العريف) اللي فقد عينيه..!

يا خي خلّ العرب ترقد ..كفاية زحمة الدوّار=أمانه ..لا تصحيّهم..(أمانه) .. ساكنه ..شاليه ..!

طلبتك لا تزوّدها..! تعال اسمع صدى..أخبار=يقولون المطر رحمة ..تعال اجلس هنا يا هيه .!

خلاص أبشّرك زانت وجتنا فكرة.. استمطار=(عرب ..حنّا )ولا تسأل متى أو فين أو..أو ليه ..؟!

فتحنا بالخطب دنيا ..بنينا مجد بالأشعار= تعودنا ..تعودنا.. كلام(ن) ..للمدى نحكيه..

شف الكفار يا مسلم يسوووا بالسحب..أنهار=و(حنّا) (يا مسهّرنا ) .. هلا.. يا سمّ .. يا لبيه..!

(عرب ..حنّا) ومن يقدر يقاوم وقفة الإعصار=(غ .....حنا)ومن ينكر مريض.. وربنا.. يشفيه [/poem][/poem]