[العندليب]

علومنا خير ياعم يحيى ..
مايمنا الى خير بساطة والعافية تامة في ارضنا والله ربنا لا نغدي ولا نجي الايمت الله
الديرة والسيرة واحدة لا واردة ولا شاردة لامريض ولاعريض
سارة قارة في وادينا والله هادينا الارض غبرة وعند الله الشبرة
الامطار واقفة والبيار ناشفة والمشكى على الله

اسواقنا دب فيها الغلا ان قلت في طلبات البيت
ولا في غيرها كل شي سعرة نفر وهذه طامة لحقة بنا الله يحمنا
والحلال ماعد حد ياخذة عند بيتة ولا يربية الاقليل
واليوم سعرة في السوق ماحد يقدر علية الخرفان ب
1100 و1200 والمهنوي من فوق 600 و700 ريال

والناس هجو للمدن وتركو اراضيهم لين غدت المسقوي مثل العثري
ماعد حد يقرب لها احقل فيها الطلح
والعرفج وطاحت عرقها لا عد حد يحرث ولايزع ولا يخبز ولايلبز
الناس اليوم في وظايفهم رايحين وسارحين
ماعد فية حركة والحريم رابضات ماعد فيهم البركة
تنفخو من القعاد الاكل ياجيهم وهنة قعادات الوحدة غدت كنها المصراع من السداح
وشبا ب هذا الجيل اختلط الحابل بالنابل وتشابهو في لبسهم وفي صفاتهم ماعد نعرف الذكرمن
الانثى
وماعد الواحد ينفع اهلة ولا نفسة ولاتتكل علية في ثنتين من الغنم والله يمكن تعود ماعاد هو



وعاد خلينا الى اليوم وقلنا نجي نسلم عليكم وناخذ بكم عهد
وأني دخيلك ياعم يحيى تفكنا من الغزله
علي بالطاق مايندر نحريه يكون من عشا البيت
والله ياعصيده من عندك إنها تسوى ثلاث من الطليان
ها جاك العلم
والإ غيرها
مثل ماقلت جينا نسلم عليك
وهذا واجب علينا في اللي مثلك وشرواك
سمعنا إنك تقاعدت وريحت عمرك
ولكن ياعم محمد ودنا نعرف علومك بعد التقاعد وش عملت بدنياك وكيف تصبح وكيف تمسي

عطنا علومك وأخبارك بعد التقاعد ياعم محمد وغيرها سلمت