[سعيد بن سالم]

[align=center]الـقـريـه القـديـمـه [/align]

[poem=font="Simplified Arabic,5,#F9F9DC,normal,normal" bkcolor="" bkimage="images/toolbox/backgrounds/21.gif" border="none,4,#400000" type=0 line=0 align=center use=ex num="0,#400000"]
ياليت الخطى ما حرضتني على المشـوار=لذاك المكان الي غديت اعتـري خوفـه
ظلام الاماكن وحشة الارض والاشجار=حقايق أشاهدها غدت غيـر مألوفـه
بذاك المكان الي غدى يوحش الانظـار=دموعً نزفها الوقت لين احرقت جوفـه
يئن المكان وصرخته ذكـر واستغفـار=ودمعة عزيـز ذلـه الدهـر بسيوفـه
وقفت استمع للصوت في حالة استنفار=وكن الرياح تسمع الصمـت معزوفـه
دعاني بنبرة صوت شايب! جلس في غار=وانا من قريب اوحيه ما كنـي اشوفـه
اناظر يمين وكن طرفـي يـرف يسـار=وافكر واقول اش فيه طرفي على كيفـه
اداري وأرجع خطوتي واخلق الاعـذار=وكن المكان يقول يا هيـه ! تصريفـه
تعال اقترب مني هلا يـا اول الـزوار=أنا الماضي الي يشتكي قسـوة ظروفـه
أنا المجد والتاريخ عن سيـرة الا خيـار=انا شاهـد الماضـي لسانـه وتعريفـه
يسولف وانا ما كنـي الا خبيـر آثـار=أنقب عن اسـراره وأنبـش سواليفـه
غريب المكان الي غدا بالحكـي ثرثـار=على كبر سنه ما بعـد جـاه تخريفـه
معالم لقرية شيدت من خشب واحجـار=وزوايا حصونً شامخه فوووق ومنيفـه
تناديني الأبواب في غيبة اهـل الـدار=تحسب إن وقت فات رجعوا غطاريفـه
تبين عتب وانا غديت أخلـق الاعـذار=بلا شك بعض العذر يا صعب تلطيفـه
شواهد فهل من معتبر يا أؤلى الابصـار=عسى الله يكفينا من الوقت وصروفـه[/poem]