ان قلك ابجم فأتفل ابليس وابجم -... قصيدة في سيرة , احد رجال بني حرير الافذاذ
[frame="8 80"]
ان قلك ابجم فأتفل ابليس وابجم
_________________________
قصيدة في سيرة , احد رجال بني حرير الافذاذ , واحد علاماتها البارزة عبر التاريخ
عبدالله بن محمد الصعيدي , رحمه الله.[/frame]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
راعد على الصعدان دمدم ودمدم=ليته على الصعدان ماينقطع ماه
الصبح فيها مرتسم رسمة الفم =والأرض مفروشة على شكل مصلاه
والصخر يتكلم ويشعر ويفهم = والشمس ترعى العشب , والرب يرعاه
دار الصعيدي دار سلّم وعلّم = وياهلا ياضيف , واقلط بمهلاه
ادخل تغدىّ عالسمين المدسّم = وعليك وجه الله عشانا ذبحناه
الضيف يعرف بيتنا ليش نهتم =الضيف يعرف بيتنا لونسيناه
بيتٍ من احمد لاعلي ماتهدّم =رايته بيضا , مثل بيضا نواياه
والبيت ونعم وانجب انسان ونعم =انسان وقّفني على غصن ذكراه
عبدالله عبدالله ولاتحمل الهم =عليه عنّز , واعتنز فوق مركاه
ابوعقاب الليل الاظلم والادلم =اللي قلوب الانس والجن تخشاه
اذا تحزّم شفت شمرخ تحزّم =وصدر شمرخ ظهر عبدالله غطّاه
عبدالله القهوة وعبدالله الدم =يسار عبدالله طويلة ويمناه
واحد يعشّيه اللحم وابيض الشحم =وواحد(ن) بيده خبطه وتعشّاه
واللّي بعبدالله الصعيدي تلزّم =ماتقربه بقعا وعبدالله ويّاه
ان قلك اسلم فاتفل ابليس واسلم =وان قلك ارجع فأنتبه لاتعداه
وان قلك ابجم فاقصر الشر وابجم =وان قلّك اهجد لاتقل هاه ماهاه
معقّل اللّي مخ راسه منسّم =وكاشف اللي شرشف الكبر غطّاه
يخرم لدخانه وللمجد يخرم =دخانه اخضر مثل خضرة سجاياه
اذا بكى عبدالله صوته يتمتم =واذا ضحك عبدالله بانت ثناياه
الضيغمي صقر الجبال المخدّم =الصابه الزيزوم كمّام الأفواه
عري المعادي ستر جسم المعدّم =ظهر الخوي , ياحلو سيرته حلواه
تاريخ مالملمه تاريخ لملم =ياليتنا متنا معه او لحقناه
اللي اذا اقسم على حاجة اقسم= وان قال والله ماحنث قول والله
اذا تكلّم دوس بعده تكلّم =وشور بلخزمر بكيفه وبهواه
عن مات اومامات فالله يعلم = عبدالله مات وموت عبدالله احياه
طحيننا بين القرايا تقسم = وحبّنا في روسنا ماطحناه [/poem]
ـــــــــــــــــــــــــــــــــــــ
|