سلام لاهل الدين والطيب والذوق = واهل الادب والمعرفه والعداله
مثل السحاب اللي يسوق المطر سوق = واحلى من الروض الخضر في جماله
ياهل الوفا منزالكم عندنا فوق = مثل القمر عالي بليل اكتماله
ياصحابنا ياللي لكم عندنا شوق = واحساس راقي ما ندور بداله
يامن على الميقاف ما يعوقكم عوق = العز و النوماس وانتم رجاله
اقولها من صافي البال والروق = ياحظ من معكم يحقق وصاله
يامن عن العذروب من حولكم طوق = الكاسب اللي عدكم راس ماله
راشد الجمعان ( المحيط )