ليت الأدب والذوق يشرا ونهديه = للمعدمين من الضماير والأخلاق
ونعلم اللي ماكسب من مرابيه = ولا جالس اصحاب المبادي والأذواق
ما صادق الا اللي يغره ويغويه = ساقه معه وامسى ورا خطاه منساق
لا طاب له مبدا ولا طاب طاريه = ولا له مع دروب الرجاجيل مشراق
والحر طيبه من منابع مراويه = والا الردي مرواه مر ولا يطاق
بعض البشر مثل العسل من مجانيه = له عند ربعه علم وافي وميثاق
وعزي لمن طبعه عن الطيب منحيه = يعيش طول العمر في قل واخفاق
راشد الجمعان ( المحيط)