[الهنوووف]

اهليييييييييييييين بأحلى و أروع بنـااااااااااات
اللي مهما اشغلتني الدنيا عنهم احن واشتاق لهم
لدرجة اني افرح اذا جربت طبق جديد واعجبني علشان القى عذر اقابلكم فيه

موضوعي اليوم كله حــلا بـحــلا

واتمنى من كل قلبي انه يعجبكم ويكون عند حسن ظنكم


قبل ما ابدا بالحلايات فيه اشياء مهمه بذكرها ،،

** الشكولاته اللي استخدمها هيfaly من شركة العطير
تحصلينها باغلب السوبر ماركت وعن تجربه هي افضل نوع استخدمته وهذي صورتها :



و مكتوب عليها كم جرام وزنها ، انتِ شوفي اللي عندك كم مكتوب عليها وقدري على حسب المطلوب بالوصفه ..
- في حالة ذوبتيها وتكتلت عليك فمعناته وحده من الثنتين :
يا انه جاها مويه من الحمام المائي وهذا اكبر شي يخرب الشكولاته
او انها قديمه فماتذوب زين << غالبا تصير مع الشكولاته البيضاء ،،
والحل هنا انه تضيفين عليها شوي زيت بتلقينها تذوب معاك طوالي

** في وصفات الفروستينغ اللي بالاخير ..
ضروووووري تستخدمين السكر البودره الجاهز ، مو اللي انتي تطحنينه في البيت
لانه مهما طحنتيه ونخلتيه ماراح يعطيك نتيجة السكر الجاهز وماراح يذوب معك



Chocolate Cups **</B>

طريقه جديده لتقديم الشكولاته
عليها طعم خرااااااافي لا يمكن احد يصدق انها شغل بيت
مع انه مافيها اي منكهات قويه او سكر لكن ماتتخيلين الطعم اللي بيطلع لك

** المقـاديـر ..
شكولاته خام غامقه + جالكسي لتلبيس الاوراق
100 جم شكولاته خام غامقه
4 م ك جبنة فيلادلفيا
1 م ص سكر بودره

** الطـريقـهـ ..
اول شي نلبس القوالب بالشكولاته ،،
وبذكر لكم طريقتها بالتفصيل الممل لانها هي اكثر شي انسئل عنه عالخاص
ذوبي شكولاته خام ومعاها شوي جالكسي على حمام مائي ،
والسبب هنا لانه لو بتحطين جالكسي لحاله صح انه مررره لذيذ
بس عيبه يذوب بسرعه ويوسخ اليدين
والشكولاته الخام لحالها كويسه وماشي حالها بس الجالكسي يخفف شوي من مرارتها
مالي مقدار معين بخلط الثنتين ، على حسب اللي عندي واللي احصله ،،
بس غالبا لكل 100 جم شكولاته خام احط حبة جالكسي وحده..
جيبي الورق وبملعقة الشاي حطي شوي بالورقه وبظهر الملعقه ابدي اطلعي عالاطراف حتى تتغطى :



اذا حسيتي الطبقه مره نحيفه وبغيتي تثقلينها << خاصه ان بغيتي تشيلينها عن الورق بعدين ،،
بعد ماتجمد ارجعي عيدي الخطوات نفسها علشان تشكل طبقه عريضه ،
ودخليهم الثلاجه يبردون وممكن تتفرزن لوقت طويل من دون ماتتغير

نجي للحشـوه ::
ذوبي مقدار الشكولاته الخام على حمام مائي حتى يذوب تماما..
- ممكن اذا انتي حابه تضيفين لها شوي نسكافيه يعطي الشكولاته طعم لذيذ -
في هالوقت اخلطي جبنة الفيلادلفيا مع السكر البودره مضبوط حتى مايصير فيها كتل
صبي عليها الشكولاته واخلطيهم ، بتحسينها ثقلت مره والملعقه بصعوبه تتحرك ،
وحتى لو لقيتي فيها كتل بسيطه مو مشكله ، تتروح مع التشكيل



حطيها بالكيس حق التزيين وشكليها فوق الاوراق الملبسه



وزينيها من فوق بالمكسرات اللي تحبين ، ودخليها الثلاجه تبرد حتى وقت التقديم
من جد ماتتخيلون ان الطعم اللي بتذوقونه بس شكولاته وجبن











Snow Balls **</B>

بسكويت شكولاته مرررره لذيذ وطعم
و تغيير عن الكوكيز العادي اللي يتصلح دايما ..

** المقــاديــر ..
خليط كوكيز بيتي كويكر ابيض
اصبع زبده مذوبه
بيضه
ربع كوب دقيق
ربع كوب كاكاو بودره
نصف كوب مكسرات مجروشه << استخدمت جوز
سكر بودره للتغطيه
شكولاته هيرشي كيسز ساده مثل اللي بالصوره :



** الطـريقــهـ ..
خوذي خليط الكوكيز الناشف وانخليه من الشكولاته اللي فيه
- لو بتحصلين علبة كوكيز بالسكر فهو افضل لكن للاسف نادرا ماتنلقى -
اخلطيه مع النواشف اللي بالمقادير بعدين اعجنيه بالزبده والبيضه حتى تطلع معك عجينه متماسكه ،
جيبي شكولاته هيرشي وخوذي شوي من العجينه ولبسيها فيها وحاولي قد ماتقدرين تكون طبقه نحيفه مررره



وحطيهم بصينية مدهونه بالزيت ودخليهم الفرن على درجة حرارة 350 لمدة 8 - 10 دقايق بس
انتبهي لاتطولين اكثر او تنتظرينها تحمر او تقولين لسه لينه ترى لو طولت بتصير زي الحجر وماتقدرين تاكلينها
بعد ماتطلع بخمس دقايق وهي حاره قلبيها بسكر بودره ..
واتركيها تبرد وارجعي قلبيها مره ثانيه حتى يمسك السكر فيها مضبوط ،،
احفظيها برا الثلاجه بعلبه مسكره زين ،، وبالعااااااافيه