[عبدالمحسن بن عطية]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

بسم الله الرحمن من قبل البداية والشروع=وأعوذ بالله من شياطين(ن)توسوس ماتريح
يكويني الهاجس بضرم النار مابين الضلوع=يحرمني النومه وانا من قبلها نومي شحيح
ويقول سر وانا معك لا للتخاذل والرجوع=أرم الهدف كانك تبي من كل هم(ن) تستريح
الرمية اللي ماتصيب أهدافها لازم تروع=إن مات ولا عالأقل يبقى بعد رميه جريح
كل الطيور العاليه بيجي لها وقت الوقوع=طول زمان إقلاعها ولا قصر لازم تطيح
شف حسني امبارك بعد ما كان شابع لايجوع=دارت عليه الدايره وأصبح بعد ضحكه يصيح
كان الرئيس وصار في سجن الندامه في سبوع=في يوم جمعه قالو الريس مع أعوانه نزيح
جمعة غضب تجمع جموع القوم وتفرق جموع=جمعة تنادو لأجلها جوها بسرعة هب ريح
جمعة تخلف بعدها سيل الدماء مع الدموع=هذا نزيح وذا طريح وذا جريح وذا ذبيح
الأمر واضح والضحايا ياعزيزي في طلوع=ابن علي ومعمر وصالح وبشار المليح
ثقافة الثورات صارت في انتشار وفي شيوع=والبوعزيزي وجه العالم إلى الخط الصحيح
كل الشعوب اتريد تسقط انظمة ذل الخضوع=واتو لها من منطلق واضح ومعروف وصريح
الراس لامنه سقط تسقط معه كل الفروع=راس الدواب اليا قطعته ينقطع صوت الفحيح
إلا السعودية حماها الله من كل الصدوع=ولو اكثرت بعض الكلاب النبح مافاد النبيح
دار الرساله والنبوة ساطعه بأقوى سطوع=نسجد لرب الكون فيها ماسجدنا للضريح
يامدعي الاصلاح نارك تنخمد قبل الدلوع=ومن يتبعك مثلك غبي جاهل مفغل واستريح
حنا حماة الدين والاوطان نوقف كالدروع=تقصم ضهر من فكر لامن المواطن يستبيح
ويالله تديم الامن في كل الاماكن والربوع=ابعزتك وابقدرتك ياخالق الكون الفسيح
واختامها صلو على خير البشر هادي الجموع=محمد الهادي الامين القائد الشهم الفصيح

[/poem]

وسلامتك جميعا
عبدالمحسن بن عطية