[يحيى محمد الزهراني]

بسم الله الرحمن الرحيم
اخواني واخواتي لاشك ان من اهم ما روثناه من الاباء والاجداد ( العلم والرد فيه ) وهذه طريقه تماثل الاخبار هذا اليوم حيث كان الرجل اذا ذهب من قريه الى مكان اآخر وسوق او سافر فانه عند عودته يعلم كبير الجماعه او من يجده عند عودته عما صار له وما صادفه وما شاهده منذوا بداية رحلته الى العوده 0
ونحن هنا نريد ان نحيي هذه العاده الجميله ولا ما نع ان يشاهد اخواتنا ويشاركن
لأن العلوم تكون بين الرجال لاكن نادرا تكون هناك امرأه تجيد البدع في العلم والرد
مثلما كانت والدة الشاعر والحكيم ابو رزق حيث كانت تجيد العلم ويرد عليها الرجال

ما هي الفكره
هي ان ابداء بالعلم انا حيث اتخيل انني تسيوقت في سوق الباحه الشعبي مثلا هنا اعلم والمشارك او العضو اللذي بعدي يرد علي :ـ

بسم الله نبدأ
(( علومنا خير والله كان لنا مهباط الى سوق الباحه الشعبي واستعنا بالله ومشينا اذان الفجر الى سوق الباحه الشعبي الديار من يوم حزبنا الين وصلنا السوق حالها واحد الامطار قليليه والثمره مليحه عادت حق الصرام ونسال الله ان يحميها من البرد ولله الحمد الشجر اخضر والخضره في الجبال متلازمه نسال الله ان يسقيها وصلنا الى السوق ولم يتعرضنا بأس حصلنا سوق بندر هباطته من كل ديره والتجاره من كل ما يحتاجه الزراع وجدناه سوق منظم في جهه سوق المواشي وجهه اخر سوق الحبوب والعسل والسمن وفي الجهه الثانيه البساطه من غير الدكاكين اول ما تسيوقنا في سوق المواشي وجدنا مجلبه كبيره من الابل كبار وصغار وفحول وكانت اسعارها ما بين 5 الاف الى 15 الف كل سلعه حسب حالها اما البقر فكانت السواني كثيره واسعارها حسب جودتها وكبار اجسامها اللي للحرث واللي لسوق والدياس وكان سعر السانيه من 7 الاف الى عشره الاف والبيع ماشي حاله والبقر اسعارها ما بين 3 الاف الى 5 الاف للمنيحه والوالده خاصه الجذعه والثنيه اما الحسلان قيماتها من 2 الفين ال 3 الاف ريال وكانت جلبه جيده درجنا على سوق الغنم وكان سوق بندر وجلبه من الضان والتيوس والنعيمي والاسعار للحريات اقل شيء 800 ريال حق الثلاجه واغلاها يصل 1500 ريال والمنايح مع سخلانها ما بين 700 الى 900 والله انه غلا يشيب الراس ولكن السبب في قلة الامطار وغلا الاعلاف ومرينا على مسعارة الحبوب ولقينا من كل نوع الذره والحب حاج والدخن والدجر والحنطه والشعير والمشعوره والسعر حسب نوع الحبوب الربيع من 3 ريال الة 5 ريال والله وحصلناه سوق بندر ولا يخفى عليكم درجنا السوق كله الين اذن الظهر ومرينا على قهوه احمد سعيد وشربنا الشاهي وصلينا الظهر وجيانكم حازبين الى ذي المكان والحمد لله على كل حال 0
هذا ما نعلمكم به وبقاكم والسامعين 0))
هيا لو تكرمت ياللي بعدي رد حتى ولو ما تعرف تعلم ياخي