أهلين .. تو اللي تذكرت غاليك
تسأل وعاش اللي سمع صوتك اليوم
يا قـو عينك تمرض اللي يداويك
وعقب البطى تفرض على صاحبك لوم
يعوض الله .. قلبي اللي طمع فيك
مالي عتب غير المحبة لها سلوم
أن رحت عني بطلب الله يعطيك
وأن عفتني أنا بعد عنك .. اشوم
أخذ الوعد .. روح ولا جيب طاريك
عندي غناة النفس آغلى .. على الدوم
هذا الصحيح أتعبت .. وانا اداريك
كثر الخطا ولا العطاء منك معدوم
لا يخدعك قلبك اذا كنت .. شاريك
ماني على دربك مقيد .. وملزوم
حان الوداع وعفتك اليوم مابيك
درب النهاية صار واضح ومرسوم