رد: ( السفل او السفول )
وعليكم السلام ورحمة الله وبركاته
والله ياللي اعرفه عن السفل من ذكريات سفل بيت جدتي الله يرحمها زماااان .. أنه الدور الأرضي من البيت
وماحد يسكنه من اهل البيت .. حتى مافيه فراش عشان احد يقدر يتربع
اصلا كيف يتربع ؟ أنا اذكر أن ريحته معفنه.. يعني ريحة بقر وغنم ودجاج وارانب "حديقة حيوان بالعربي" !
لأن جدتي كانت مخصصة هذا الركن من اسفل البيت لتربية الحيوانات الأليفه 
اذكر بعد أن هذا السفل في احد زواياه كان في شي مثل العلف طويــــــــــل مدري وشسمه ؟! كانت هالأعلاف واقفة على الجدار
اقصد ماهي مرميه على الأرض .. مع العلم أن هذا العلف لونه اصفر يعني هاريته الشمس وجاف
اممممم واتذكر أن السفل بعد مظلم مافيه نور من بين كل البيت
حتى اذكر لاقالت جدتي لأمي تعالوا البيت من السفل تحت عشان الباب اللي فوق فيه مشكلة
اسمعها وأنا صغيرة واخاف وابكي .. ماودي ادخل في هذيك الدهاليز والظلمة .. الله لا يعيدها
ابواب السفل مدري ليه خشب وفيها قفل كبيـــر ومرزبـّه مدري زرفال
يمكن عشان جدتي تخاف على العلف وإلا البقرة احد يسرقها بالليل !
وش بعد ياطوق وش بعد ؟!!
إيــه تذكرت ....
السفول بيئة صالحة لتكاثر العقارب ..
اتذكر أن اخوي سوى جولة سياحية اثريه لأحد سفول البيوت القديمة قبل كم سنة وكانت آيلة للسقوط
واسقفها طايحه وبغى ينخرش تحت في حاجة يسميها "الخوّه" لأن اخوي الكبير مسوي مرشد سياحي
هذا طبعا في السفول اللي تحت البيوت الحجرية القديمة .. لكن بيت جدتي مسلّح إلا أنها تملك سفل تحت
في بعض السفول عند بعض الناس يحولنها بعد التطور إلى مشبّ لعمل الخبزة المقنّاه
وريحة هذي السفول تعجبني فيها ريحة شوي وحنيذ و"شويطه" وداخلها دواليب لحفظ المكبّ والصلاه حقات الخبزة
ورماده بعد "تكرمون" 
وهذا كل ما اذكره حول "السفل"
وإن تذكرت شي وإلاااش جيت من ثاني
وألف شكر لك اخوي صدى البشائر على هذا الموضوع الرائع
تذكرت الديرة وسفولها .. الله لا يخلينا منها !
أختك
ـــــــــــــــــــــــــــــــــــــ
|