[خالد رجب]

[align=center]محاوره بيني وبين مسفر بن درّام منقوله من ملتقى أمراء الكلام
http://www.omraalklam.com/vb



سلام يا ابو بدر ياعالي الشـان
يالشاعر اللي كل ابونـا نحبـه
شفتك دخلت السوق وفتحت دكان
عساك وانا صاحبك مـا تكبـه

خالد رجب

يا مرحبا وأهلين من قلب ولسان
بالشاعر اللي شبّ للعـزّ شبّـه
ما دام أنا ربّان والربّ رحمـن
لا يحزنك حال الشراع ومهبّـه

مسفر بن دراّم

انا ادري إنك كفو واحصانك احصان
لكـن يـا ابـن العـم ودي تنبـه
وش فايده لاصار في البيت حبـان
واللي يديـر البيـت مـاذاق حبـه

خالد رجب

أحيان يأتي من جحر ضبّ ثعبـان
والجحر من ينبيـك دابـه وضبّـه
يا الله دخيلك جعل ما هو بـحرمان
مـا للفقيـر إلا مقاسـيـم ربّــه

مسفر بن دراّم

يا مسفر انا قلت قم يـا نعيسـان
خل الرقاد ان كان جفنك فرحبـه
فتح عيونك وارقب اللي م الاعيان
عساك وانا اخوك تسعـد بقربـه

خالد رجب

ما فيه نار تشبّ من غير دخـان
والنصح فيه أصناف مثل المسبّـه
لولا رجا الله كان ما عاش الإنسان
ولا سعى مع كـل خبّـه وغبّـه

مسفر بن دراّم

ترى الحذر يا شيخ من كثر الايمان
ليت العرب تحذر شياطيـن أُرُبـه
واللي هبا للمـاء خـدود وفلجـان
لايحرف الماء لاسقى عن مصبـه

خالد رجب

بلاك لى صارت من أصحاب وأخوان
من حيث لا تحتـاط للجـرح طبّـه
بعض اللباس يسبب هموم وأحـزان
الله يعين اللـي شـراه ونشـب بـه

مسفر بن دراّم

دانه علم دانـه ودانـه علـم دان
عصر الطرب ياكم فواد ولع بـه
واللي ولع بالمسجد و صوت الاذان
الله يجمـع بيـن قلبـك وقلـبـه

خالد رجب

هذا متى اللي توّك تقولـه الآن
يا ما سمعتك عن مُحيطك تذبّه
وأنا على خاتم رسالات الأديان
تبّاً لمـن تبّـت يدينـه وتبّـه

مسفر بن دراّم

انت الذي غلطان مانيب غلطـان
ترى السنع ماعمري اخطيت دربه
نشدت عن علم البضايع والاوزان
والسيف ماودي عليك احتزم بـه

خالد رجب

لا والله ألا صارت أشكال وألوان
من بعد ما كانت خُطىً مستتبّـه
أقول لك كسبان وتقول خسـران
وراك قمت تطوف في كل قبّـه

مسفر بن دراّم

ماكني إلا وسط شارع بريمـان
الشارع اللي ما يجون العرب به
يالله في شيخ عليـم بالاديـان
اما دعا للحـق وإلا شهـد بـه

خالد رجب

اليوم يادوب انتجـوّد بالارسـان
بين أربعين أشبـاه غيـر التشبّـه
بعض الدعاة اللي على غير برهان
أيّـاك وأيّـا طيحـة فـي مطبّـه

مسفر بن دراّم[/align]