|
|
والله ما اطب عليهم يا محمد بعد ثلاثين سنة من هندسة الطيران :
مقعاد مع أم عيالي وآخر العنقود ( مهند ) تسوى وظائفهم مجتمعة وأنا ما أبي اشتري بلاد أحد جماعتي ما هم ممن يبيع البلاد ولهذا كل تسده ديرته .
وللمعلومية أبا خالد ( طائرة ف15 ) رقم ( 617 ) مقعدين ,, جابوا لها فريق من امريكا وعجز عن إصلاحها بعد شهر من مكوثة عندها وصلحها أخوك سعيد ونخبة من الفنيين السعوديين وكنت على رأسهم كرئيس وموجه وعندي شهادة شكر برقم تلك الطائرة خلهم يدورون غيرنا هكذا نهاية السعودي ياخذونه لحم ويردونه عظم والخواجة إذنه حمراء ما هي كما أذنيه و لا أذنك يا صبي دوس وفعالنا تشهد لنا ,,, وإلا غيرها حليبها راح للرعيان وتواصلوا به هههههههههه
اشكرك على الإعلام يا أبا خالد .
دمت في حفظ الله ورعايته .
|
|
 |
|
 |
|
الله يسعدك اخوي سام وربي ضحكتني وحزنتني بنفس الوقت
لكن احسن ماسويت اشتريت راحتك والله يعطيك طوله العمر والصحه والعافيه
عندنا خمسة اجانب غربيين في العمل والصراحه ارتاح اذا سولفت معهم
تحس ان الادمي من يوم يولد وحتى يصير شايب عايش حياته بنمط واحد جميل لايختلف
وكل ما اكبر في السن صار يكشخ اكثر
المهم
نظامهم في الاجازات السنويه شهرين لكل عام
وايضا يأخون اجازة عيد الفطر والاضحى والكريسمس يوم
والعيد الوطني معنا
وايضا من 25 رمضان اجازة غير انهم يداومون 5 ساعات مثلنا في رمضان
سكنهم دائما فنادق لاتقل عن خمس نجوم
خبراتهم برامج اكسيل فقط ولم ارى اي برنامج اخر يشتغلون عليه
بعضهم اذا اعطيناه معلومه يفوت بعد عشر دقائق بحكم اعمارهم فوق الستين
مايهمني في الموضوع هي اجازاتهم اخر اجازه رسميه اخذناها انا واغلب الزملاء
كانت بشعبان ورمضان 1432هـ
وهذولا الاجانب كل شهر يختفي واحد ويرجع واحد
ومايرجع ذاك الا الثاني مثله اجازه
مقسمينها 15 يوم او عشر ايام بطريقه غريبه جدا والتذاكر درجه رجال الاعمال
هم والعائله
يعني مافيه امل يحس الواحد انه بغربه ذكرني بولد عمي له سنه ونص في استراليا مبتعث ماشفناه
الحسره
انا وزملاي جانا الوسواس في العمل ماعندنا غير شهر بالسنه واذا جاء الصيف
تهاوشنا فوقها من يطلع ومن يجلس
