[سقيا]

في احدى العصريات الجميله وبعد عودتي الى البيت أجتمعنا على قهوة العصريه

اقبلت على أبويه وأنا مبتهجه فرحانه ..مما اضمر في نفس ابويه اني معي علم <<خبره

..ولكن سرعان ما انكشف الخبر

قلت.. أبويه حبيبي ونظر عيني سمعت انهم سمحوا بالترشيح في المجلس وابغى اترشح

قال.. روحى الميلس واقعدى فيه ارشحى والله ان ودى يندر مع عيونك

قلت ..لا ماقصد المجلس حقنا قصدى المجلس اللى اعلنوا عنه في التلفزيون

قال.. طيب مذا او تعبين في المجلس ذيه..

قلت .. اناقش قضايا المراه ومتطلبات المواطنين واشيل هم الامه

قال...نقشوا عين العدو ام انتى سديتى في بيتنا ومدرستش علشان تتفرغين لقضايا المسلمين..

والرياييل ذولا فيه ماسدوا او تجين انتى وعيانتك تسدون ...سدوا بكم احد القتر .

وزيد المجلس ذيه على مافيه من البركه من قبل بيدخلون فيه النسوان

علشان زيد ربي يمحقه مره واحده واتوقع لو يصكونه انه احلى

والله انى اجتمع انا وشيبانن معى في القهوة وانا نناقش قضايا ونصدر قرارات احلى منهم

وهم ميلا روياهم في البيئه والمناخ وكيف يحجرون على هذا المواطن ضعيف

لكن انا نجتمع حن واياهم في شي واحد انه ماخذ انسان من حطبنا عود

قلت ماعليك اعطنى فرصه وخلنى اثبت جدارتى قال طيب كيف تسوين او تترشحين

قلت عايدي با علق صورى في كل عامود وشارع واعلن عن برنامجى الأنتخابي

قال علقوك بريللك كيف لى محلا المشادق والله مايقلون الا سبعه والوجه ..

من ذاهو الخبل ذا يرشح تيه..

قالت لا انى باكون متغطيه !!!!

قال .. والله انى اول من يعترض مادام عزموا يرشحون ويسمحون بالصور...نبغى نشوف

العضوة هى تحق التصويت والا لا ودنا بشى دواء او نلقى شى ما نتلفت فيه والله يالمرشحين

المعلقه صورهم ان كنهم مطلوبين وزيد بعضهم على زين الويه متقبض كذيه كنه قد اخرعه شي

قلت طيب كيف اترشح علمنى !!!

قال اولا الترشيح هذا ماهو للك انتى وعيناتك من بنات القبائل ..

اللى الله اكرمهم بالستر والحشمه والحجاب..

هذا خاص للمتسعودين من عائلات طاشكندى وخوشكندى

وماشاهندي <يارب مايقربون لاحد هنيه ..

لانهم عارفين انه مافيه رجال حر يقبل على نفسه هذا الوضع وان زوجته تروح تجلس بين رجال

وتقترح وتناقش وصوتها يعلى وماخذها راحتها في كل شي وتنسى هموم المواطنين وتهتم

بذولا معها في المجلس وعلشان تتخيلين الوضع ..بكره باجمع الجماعه والجيران في

المجلس ام اتحداك تجلسين بينهم و تتشتورين معهم في النوابه وعلوم اهل الديره ....وهو على

مستوى بسيط فكيف عبر الاقمار الصناعيه

قلت .. طيب ليش تحرمونا وهم كانوا النسوان يشاورون في عهد الرسول عليه افضل الصلاه

والسلام قال اللى شاورت هى ام سلمه رضى الله عنها وشاورت اشرف

الخلق عليه السلام واللى كانوا معه صحابه ويشوفونها ام

المؤمنين...هم ذولا في المجلس صحابه .ويشوفون اللى معهم امهم ..الامجلسنا ذيابه وكلن عينه

بهذا النعجه بينهم وبعدين هى شاورت مره واحده لا قبلها ولا بعدها ....واما انتوا

تبغون تقعدون في المجلس اربع سنين في شور ودور...بيجى وقت تمرض والا تحتد..

والا تولد ...حلوة...ويوم يسئلون عنها يقولون عضو المجلس نفاس

وتعاين الا اعضاء المجلس معك في البيت وكلن معه حافظه عريكه ويتسرر للك

بالسلامه ...ويرون مولودش.

قلت طيب ليش سمحوا بترشيح المراه في المجلس مدام عارفين انها مابتقدر

تربع أبويه ...واعطانى رائيه بكل صراحه ووضوح

اللى في المجلس كلهم شيبان تعدت اعمارهم الستين ومن الاوامر انها تنقل جلساتهم عبر

التلفزيون علشان العالم يشوفون الديمقراطيه عندنا..لكن الشيبان ذوليه فضحوهم ..

مايرقدون في الجلسات ..اهبوا لهم فصفص ..ام اهبو لهم بلاك بيري ..ولا خلوا بهم طريقه ...لكن

مانفع معهم..جابوا دكتور نفسي قال الشيبان في السن تيه عبا تيوس

التهمان اذا طلعت الحجاز يقعد ينطط وينقز اذا شاف الانثى لكن

ماعنده سالفه فالحل وجود الجنس الناعم..

يعني اني مابأدخل المجلس ذيه بتاتا البته

ودمتم في خير والى خير...