يالله طلـبـتـك فـــي الـتـقـى والـهـدايــه
وانـك لنـا تكتـب مـن الذنـب غـفـران
يـامـن بـنـورك تـشـرق الشـمـس آيــه
والبحـر موجـه لــك يسـبـح وشفـقـان
يـالـلــي الــيــك الـمـنـتـهـى والـبــدايــه
يامن لاجل عبادتـك صغـت الانسـان
ارفـــق بـنــا بـيــن الـفـتـن والـغـوايــه
فـي وقـت فيـه القتـل سـنـه لـلاوطـان
مـن قرنـنـا الخـمـس عـشـر للـروايـه
باكتب لتاريخ العرب وصـف باتقـان
فـي الـف واربـع ميـه هجـري نـدايـه
واثنيـن وثلاثيـن فـي شهـر الاحسـان
الـعـصـر فــيــه الـطـايــره والـقـرايــه
وفـيـه فــوق الارض مـوتـر بـنـيـران
تـلـفــاز فــيــه الـكـاسـيــات الـعــرايــه
والظـلـم كـنـه لـبـس قـمـصـان كـتــان
نـفــوس حـــب الـمــال فـيـهـا كـفـايــه
لاقـامــت الـمـلـه ولاشـــدت اركــــان
الــقــدس مـحـتـلـه لـصـهـيـون رايــــه
والرافـديـن احتـلـهـا جـيــش صـلـبـان
من تونس اسقط زيـن لاجـل الجنايـه
ومصر حسني صار فالحبس غلبـان
فـــي ليـبـيـا لـلـحـرب سـتـيــن رايــــه
وبشـار بـارض الشـام يقتـل وينـعـان
وارض اليـمـن للقـتـل فـيـهـا عـوايــه
والوضـع متـردي وانـا منـه حـيـران
مـــادري عـــلام المسلـمـيـن الـنـفـايـه
تحتل اراظيهم وعرض العرب هـان
والــذيــب يـاكـلـهـا وهــــي بالـغـفـايـه
زد ياغثاء السيـل فـي كيـل الاحـزان
يالله وانــا عـبـدك تـجـيـب ال دعـايــه
واجمع لنا شمل العرب عقب فرقـان
واحـفـظ بلـدنـا وانـشـر الـعـدل غـايـه
وحرر لنا المقدس وعز اهل الايمان
هــــذا ونـطـلـبـك الـتــقــى والـهــدايــه
واجعل لنـا يالله مـن الذنـب غفـران .
----------------------------
الشاعر فلاح منشار
م/ن