بدع / جار الله القرشي :
يقول جار الله يا ( ورد الهدا ) فيك رغبان
عزّالله إنّي نويت اشريك مِن حُرّ مالي
واغليت فيك الثّمن لكِنّ خانوني اهلك !
السّاعي اللي يودِّي مِنّي العِلم ويجيب
عسى يوصِّل له المكتوب .. وعسى يقول لّه
--
رد / عيدان الكِناني :
يا سايق الجيب ما جاء خاطِرك في ( كرا ) اغبان
شديد عزمك في الطّلعات .. وإلاّ الرِّمالي
عسى الذي يِحسِدك تعمى عيونه ، ويهلك
حلفت ما ابدِّلك بـ (الفُورت) يا جيب يا جيب
الفُورت يبقى في التّغريز مع سايقٌ لّه
--
بدع / محمد بن جحلوط :
قال ابن عبدالله ضيّفنا سجينٌ مع آسير
امسوا في الحبس ؛ فالاطلاق ما عِندهُم مّال
القلب مبسوط لامسوا اهلي ، وضيفي معشّي
باعطيهُم الزّاد ، واجلاء همُّهُم لو طال ابهم
وآبلِّلُه مالابِل ؛ وإلاّ مِن اشاه ابُلّه
--
رد / عيدان الكِناني :
يا ونّتي ونّة (المديون) بين المعاسير
يشكي عليهُم هُمومه غير ما عِندهُم مال
والنّاس ما عد يحُبّون الذي ما معه شيّ
مجهِّزين (الحُلاء)، واعذارهُم .. لو طلبهُم !
تعذّروا مِنه .. واهل العُسر وِش ياهبون لّه ؟ !
--
بدع / فهد عيدان :
شاهدت فاالمزرعه زهرٌ ، وبِركٌ ، وكادي
نبغيك لو كان نظره في غُصونه وشمّات
وغرسة (النّيفلاني) ضَايِقه ما (الرّياحين)
ماكِنّ فا المزرع إلاّ غرسة النّيفلاني
--
رد / عيدان الكِناني :
يقول عيدان عاندني حبيبي وكادي
وِدّه يضحِّك علينا كُلّ حاسِد وشمّات !
قلبي تعذّب معه لا تِحسِبُه مالرّياحين
مِن تعبة القلب لا واشكي على (النّيف) لاني !
--
بدع / فهد عيدان :
خُذ مِنّي امثال ما فيها نواقِص ، ونحساً
إلاّ فبعض المثايل قِد كِرِهته وشِنته
امثال تُسند على عِرفٌ ؛ ومنشى متِينا
( شيهان ) ماهو بطيرٌ خايفٌ ؛ تحت قِرناس
والبحر ماهو بمايٌ ناقِعٌ تحت قِربه
--
رد / عيدان الكِناني :
اليوم كُلاًّ يقول : آنا رشيدٌ ؛ وانا احسن
يا صاحبي لا تكبّر ع الخلايق .. وِش انته ؟
ولا تسمّع هروج الكِذب مِن شامِيتِنا
ياكم لي انصحك لا تُظلُم ؛ ولا تِحتِقِر ناس
وكُلّ شيٌّ خلقه الله لا تِحتِقِر به
--
بدع / فهد عيدان :
ما كُلّ مايٌ طلع ماالبير ع الغرب نقواء
ولا جميع الحناجِر سدّها الله بااغداد
يا ليت ربّي يِساعد ع المسايل وتحتلّ
والصُّحبه ماهي بِماهِلاّ شرابٌ وقوّات
والشِّيخه ماهي بثوب ، وبِشت ، وشُماغ زينا
--
رد / عيدان الكِناني :
يا ليت الاسلام يتوحَّد ؛ وللغرب نقوى
ويرجع القُدس ، والجولان يرجع ، وبغداد
وِش عُذرنا اليوم ؟ ويش العُذر قُدّام تحتلّ ؟
ياالله تِبيد ( اليهود ) اللي غزونا بقوّات
قُدّام تِغزي جيوش الكُفر ؛ وِش ما غزينا ؟
--
بدع / فهد عيدان :
قال ابن عيدان بازوِّد بعِلمي واضيفه
وآمُدّ مدّه تجمِّل ؛ وافيه مِن جرى يد ّ
والكِلمه الطّيِّبه احلى مالعسل مِن شهاده
لزوُمٍ آكرِّر الموضوع ، والعِلم ، وآعيِد
لجل إنّ مِن فُرقة الاصحاب مِنحاس بالي
--
رد / عيدان الكِناني :
مسكين يا مِن تخرّج ما لقي له وظيفه !
لو كان بعض الدّواير صرحّت بالجرايد
نبدأ بتعريف مالعُمده ، وصورة شهاده
مِن بعد تاخُذ ( ملفّه ) تِشغِلُه بالمواعيد
وتقول : ما عِندكم خِبره ، ولا حاسِب آلي !
--
بدع / فهد عيدان :
الله يِسامِحك يا مِن صادم (البُرج) وانهار
وقالت امريكه : اقوى طايره ما تِقِلّه !
تحطّم (البُرج) ؛ وامسى يِشتِعِل في دخايِن
و (بوش) ضاعت عليه الحِكمه ؛ وانهزّ ماله
--
رد / عيدان الكِناني :
ترى الصّديق الوفي ما غيِّره ليل ونهار
يقضي لزومك نهار الزّحمه لو ما تقول لّه
اباانصحك لا تومِّن حاجتك فيد خايِن
اقطع علاقتك بالغدّار ؛ وانهى الزّماله
--