[شذى الريحان]

[ALIGN=CENTER][TABLETEXT="width:70%;background-image:url('http://www.zahran.org/vb/backgrounds/11.gif');"][CELL="filter:;"][ALIGN=center]قصيدة
البدرة


للشاعر البحريني الرائع عبدالرحمن رفيع





لابسه دفه، يوم في درب ******** (دفة *عباية)
شفتها تسحب ريلها سحب ********(رجلها)
ماشيه حزة مغربية
والعجب وياها جلب (كلب)
قلت في نفسي هذي صيدة
سهلة مول مافيها صعب
يله يامنحوس مراجلك
لي متى اتلين وأنت صلب
أرفع الفرمن >>وعليّ الهوى
من اشويه هب
عمره مافاز باللي يبي
اللي دوم ماعنده قلب
خوض ترى الدنيا معارك
والعشق لو تدري حرب
قربت منها وقلبي
في الصدر أسمع له ضرب
وهي ماتدري كأني
في القنص باصيد لي ضب
قلت : وازين هالجلب ( هاالكلب) واحلوه ;كلب أصيل من أم وأب
ليتني كركوشه في رقبته
وإلا طوق صابينه صب
ياسلام كأنه غزالة
هذي كلب مافوقه كلب
هذي أكله لحوم قواطي
مب مثلنه عيش(رز) وحب
لندني هذي ياحلوة؟
لندني ؟ قالت لي جب(شب)
قلت أفا ! لكن في لحظة
الأمل في عروقي دب
قلت : أكيد هذي اتدلع
والدلع ثلثينه سب
قلت لها: ليش جب يابدرة؟
أحنه يعني مالنه رب
من دقيقتين مب دقيقة
في هواك أفادي(فؤادي) طب
وخري الدفه عن ويهج
طفي شي في صدري شي
أنتي لو تنفخين في ميت
كان من الموت قام و خب
أنتي شمس ماشاف مثلها
قيس ولا اللي قبله حب
يله آمري بس وطلبي
لو القمر آجيبه غصب
ورحت أسمعها واخويك
لين صبغ بالسانه ذرب
...
وأنا وياها في حاله
شافني صدفة صديج
صاحبي ، روح بالروح ولكن
شوفته ذيك الساعة ضيج
قلت له: والله لو بغيتك
مالقيتك في الفريج
يعني مالقاك إلا قانص
ول ترى الصيد في الطريج
ورحت أسب حظي وأتمتم
حظي زفت حظي عتيج
قال لي: ذي أم دفه صيدك!
ياسبع صدت الجمل
وراح يأشر لي ويضحك
ضحكة داخ منها وسعل
قلت له :لتكون هذي أختك
وأنا كثرت الغزل
قالي : لا قلت خطيبتك
أوصديقة للأهل
قال :لا قلت له فهمني
هالضحك ليش يابطل
قالي : ذي كلبها وعصاتها
عمره ما مل العمل
وهذي ذي أمي العودة
عميه ماتشوف ياخبل



[/ALIGN][/CELL][/TABLETEXT][/ALIGN]
عدلت بعض الكلمات البحرينية اقصد غيرت بعض الحروف

المقطع للشاعر