عذرا رمضان
لفيت ياشهر الصيام ولاعرفتـك فـي وجيـه النـاس
لفيـت والدنيـا تعـانـي ماتغـيـر شــي بالدنـيـا
حتى أنا في عين غيري صورتي مسلوبـة الاحسـاس
ماحركـت وهـج المشاعـر داخلـي ترحيبـة اللقيـا
لي عام متحريك ماشـيٍ تغيـر غيـر شعـر الـراس
واخلفت وعدي لـك بتوبـه صادقـه مايعتريهـا ريـا
ادري بتزعل بس ماهو فـي يـدي ترتيـب ماينحـاس
حاولت جهدي لين كل الحيل منـي مـا قـوى جريـا
أعـذار ماتنقـال واسبـاب البـلا ماتنحسـب بقيـاس
يبي يجي لي يوم واشرح كل شـي مـن الألـف لليـا
ما تدري ان الشعر تغشاني صنوفه لاطرى الهوجـاس
ماهـو مخلينـي بحالـي يمتحنـي لاطـرى طـريـا
تدري وش اللي حل بي من كارثه وش صابني من باس
تعال صبح العيد واعطيك الخبـر وش صـار بالدنيـا
|