|
|
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
عايش لحالي ألم واحزان = من وحدتي حيل متبرم
ماغير أنا والهموم أخوان = من الخوي خالي ومعدم
ومن الأخو آخ مـالأخوان = وابن العم السم والعلقم
ياضيقة الصدر بعض احيان = من حيث تعلم ولا تعلم
تاتيك بالويل ليل دان = من الظلام احلك واظلم
مايانس انسان دون انسان = ينسيه همه وبه يهتم
حاولت ليله أنام وكان = النور خافت وانا معتم
وسدت راسي تعب غلبان = الصمت زاده عذاب وغم
غمضت عيني وقلت الآن = ارتحاح لو ساعتين اغنم
وشفت حلم يشيل أضغان = شفت البشر تصرخ وتلطم
واحد يقول انته الغلطان = وذا يقول انت ماتفهم
وذاك جاني وهو زعلان = تركته يسب وتحطم
يقول وش قصتك يافلان = جبان والا غبي واطرم
وقال ثم قال حتى بان = وجهه من الغيظ متورم
يغلي ويغلي كما البركان = واحلم عليه احلم واحلم
اعرضت ولاني بندمان = وشهوله آرد واتندم
طبقت نص المثل باتقان = ماني لحب الجدل مغرم
(الخسران يقطّع المصران ) = ياجاهل افهمه واتعلم
قابلت زلته بالاحسان = ولو بغيت الجمه يلجم
ياما سقيت الغصون اليان = غضه طريه تقل مرهم
أرويتها والشجر عطشان = جفت عروقي وهي في جم
نمت وفصل الربيع الوان = والطير فرحان يترنم
يعزف على افنانها الحان = والزهر كالثغر يتبسم
قابلتها منتشي فرحان = وقابلت فرحتي بالهم
ما احسبت من طبعها النسيان = وشلون ماتشكر المكرم
ظنيت (حالي جناها) حان = وخاب ظني بها ما تم
اخشوشنت كنها شيطان = شقت كفوفي وسال الدم
من شوكها كشرت نيبان = أعوذ بالله ماترحم
استغلظت واستوت من شان = لاجيتها ماتقل ياعم
ماباقي الا انتخي النسوان = لاغاب خل وفي ونعم
وان كان بعض الحريم احيان = من رجل ما هو رجل أكرم
ياليل وش قصة الأحزان = حتى في الحلم ماتحلم
أحسن لي أسري معك سهران = يمكنّه من المنام أسلم [/poem]
|
|
 |
|
 |
|
[align=center]
الاكيد ان المعاناة هي من يخلق الابداع والابداع ليس له حدود
قصيده لامست شغاف القلب بالنسبة لي واعتقد ان الجميع سيشاركني الرأي
دمت بود[/align]