[الراس الصغير]

اذكر سالفه صارت لي يوم كنت في الرياض قبل 25 سنه

كنت حاصل على الكفاءة المتوسطه وسافرت الرياض ابحث عن لقمة العيش <<< قال يبغى يتوظف مخاطان

وصلت الرياض وسكنت في بيوت الشباب

الله يازمن بيوت الشباب كنت اسكن فيها ب 8 ريال في اليوم

وبدت رحلة البحث عن الوظيفه من مكان الى مكان
ماخلينا ولا قطاع عسكري مامريناه وملفي الاخضر معاي وفيه شهادة المتوسطه ومعاها حسن سيرة وسلوك وبعض الصور الشخصيه << وجهن يبغى يسجل في العسكريه

والمهم
وتمر الايام والشهور وانحن نحوم في الرياض بدون فايده
تصلخت وجوهنا من الشمس وانحن نمشي في الشوارع

لا عندنا سياره ولا نقدر ندفع اجرة تكسي لقلة الحيله والفقر الله لايعيده

ويجيك ذاك اليوم ونسمع ان فيه تسجيل في معهد الجوازات

نكمل القصة بعدين