[طوق الياسمين]

[align=center]






أنا اذكر اول مرة صمت فيها وانا رابع ابتدائي
اصوم بس الخميس والجمعه هذا على حسب تعليمات امي عشان المدرسة
وانا خامس صمت 27 يوم وجلس ابوي يقول انتي صلختي رمضان صلاخة العبيد
قلت يعني ايش صلاخة العبيد .. قال صلخوا الخروف لين رقبته قالوا تعبنا وتركوا الذبيحه معلقة
قلت ولا يهمك يبه رمضان الجاي اصومه كله
وفعلا صمته كله


اتذكر وأنا رابع ابتدائي سفّحت لي بيومين من غير ماحد يدري
اليوم الاول اتذكر إني :
قدام اهلي مسوية صايمة وبيني وبين نفسي اقول يابنت توك صغيرة افطري >>> شيطانها عيا يتصفّد مع اخوياه !
اما اليوم الثاني :
ضربني الجوع بعد العصر وامي بالمطبخ تقلي وتطبخ واشم ريحة الكشنة واتبعها لين المطبخ
واقول يمه جوعانه وتقول لي اصبري ماعد على المغرب شي
إلا واشوف اللقيمات والقط لي حبة وآكلها ورى باب غرفتي ويقفطني اخوي الصغير
عاد اخوي هذا لعنة نزلت علي من السماء كل شي ينكبني فيه
قال طيــــــــــب طيب .. والله لاعلم ابوي
وطبعا مستحيل اترجاه لاني اذا ترجيته يعلم والعكس صحيح
بس يوم جينا على السفره ويقوم البزقة يطالعني ويضحك واحنا ننتظر الاذان
قال اعلم ؟ اعلم ؟ >>> لعين
قلت وش تعلم ؟! .. تراي كلت لقيمات يومه بس حبة بس !

عاد ابوي طيح وجهه قال عادي انت وش دخلك فيها اصلا
اذكر من ذاك اليوم ماعاد يعلم علي يدري ان وراي من يطيح وجهه




اتذكر موقف مضحك سواه اخوي بتخطيط مني وهذي اكبر جرية سواها في حياته
قلت له وش رايك نسجل في شريط صوت الاذان لان المسجد قريب من البيت ولا جا قبل المغرب نشغله
ولا قربوا اهلي يفطرون طفه وعلمهم اننا شغلنا المسجل .. قال تم ..! >> مايرفض لي طلب
ويجي هذاك اليوم الاسود ويشغل الشريط قبل المغرب
ويوقوم ابوي ويسمي بالرحمن ويلتهم التمرة ويتبعونه باقي العايلة
يعني مامدانا نقول لهم تراها لعبة وخلينا الشريط لين انتهى
ويوم اذن المغرب صدق قال ابوي وشنهوا ذاك اللي اذن لحاله حتى ماحد اذن معه من المساجد
ويجي اخوي يوعترف >>>مشكلتنا لاغلطنا مانخبي نعترف
ويوم رجع ابوي من الصلاة واحنا نتنافض من الخرعة نعرفه مايمشيها لنا وهو يجي يمعط اذن اخوي ذيك المعطه اللي مينساها
إلين اليوم واذنه اليسرى اطول من اليمنى وانا بغى يجيني نفس العقاب بس ربي فكني وشردت
طبعا وابوي يمعط اذنه وهو يقول دفاعا عن نفسه " والله انها هي اللي قالت لي" على باله يشفع له


الله .. ذكريات حلوة ماقدر انساها

ولي عودة >>> عجبني الموضوع ![/align]