[نسيم السروات]

أقول صاح الله عليك هويه ماخليتينا نلعب عليهم شوية
بس ماعليك شره ماصدقتي يفعلونك من البارح وأنتي تصيحين
وترتحين فوقنا خلوهم يفعلوني خيلهم يفتحون لي .

هيا أدخلي يامن جاب من حلاله علاله .

هلا هلا والله خشي خشي يايختايه وبرجلك اليمنى
وسمي بالرحمن ترى يوجد هنية مغزلة نعمة الله في ذا النادي
قصدي المنتداي يووووه المنتدى المنتدى صقيعة والحياة ماعرفت أنطقها
هاه قلي لي يايخته وش علومك وش أخبار أميه وأخوانية وعوانيك كلهم
والسفان ودواهيك ذيك أخذتيها معك أخاف أحد يسرقها <<<شئ بيني وبين أختي بلا لقافه.
وبعد تشرطين في المنتدى بالمفاطيح والمطاعم أقول تحمدي الله أنهم فتحوا وفعلوك
خلينا من ضيافتهم ليتنا نعيش كذيه من غيرتحكمات.
بعدين وش تاك الصورة جبتيها جنز وحركات والله ياذاك الجنز اللي عليك أنه حقيه نسيته
عندكم ذاك اليوم هيا جيبيه قبل ماعلم أمي عليك ياسرقه وبعدين أخاف تشوفه الإدارة فوقك
ويلطخون فوقه بوية صفراء والله ماعد تقوم حتى مغاسل الرهدن ماتقدر عليه
هيا يايخته باجيكم ذالحين وأكمل السواليف عندكم في البيت سمعت أنك عندأهليه
وباجيكم أكمل السهرة عندكم .
تمسون على خير -- والساري يلقى يخير .