الـتـّـزلـُّـف ، والتـّـذلـُّـل

[عبدالله الطنيني]

إسمحوا لي بهذه الإ جتماعيــــــّـة

مع الشكر والتحيــّة

الـتــَّـزلــُّـف ، والـتـــَّـذلــُّـل

[poem=font="Simplified Arabic,6,green,bold,normal" bkcolor="transparent" bkimage="" border="double,4,indigo" type=1 line=0 align=center use=ex num="0,black""]
ما اخضع الاّ للإلـه وْلا رجيـت الا الإلـه=دامت ان الحال مستورٍ ترى الدنيـا بخيـر
والقناعة والرضى فيما قسـم ربـي غنـاة=ما نمدّ العيـن للّـي يقسمـه ربـي لغيـر
شفت بعض الناس يتشكّى ولاادري وش بلاه=واخبره مرتـاح ماهـو لا ذليـل وْلا فقيـر
رفعة النفس العفيفة تكسـب الرجـال جـاه=والتزلُّـف والتذلُّـلْ كلهـا طبـع الحقيـر
التزلُّـف يخـدش الرجـال ويقلّـل حيـاه=يمدح النمّلة ويكبرها على وصـف البعيـر
والحيا لاقل مـن لنسـان سـوّى ماطـراه=يخدعه تصفيق جمهور التزلُّـف والصفيـر
والذليل الّي يعيش عْلـى المذلّـة مـن رداه=ينحني راسه لمثله مِ البشـر عيـبٍ كبيـر
مادرى ان الرزق بيد الّي ولا يرزق سـواه=حين يتوكّـل عليـه ابيرزقـه رزاق طيـر
سِرْ مع مَن عَزّ نفسه لو يكون الما عشـاه=كن مع مَن عَفّ نفسه لو ينام عْلى الحصير
لا يغرّك من تعلاّ يـوم غُـزر المـال جـاه=واصبح الشيخ المقدّم عَ الصغير وعَ الكبيـر
فان بعض الناس فيما فات يسوى ضِلْف شاة=ليس له في العيْر لا إسمٍ ولا له : في النفير
قام ينسى الماضي المعهود لوّل مـن غبـاه=يوم زاد المال حتى كـاد مِ الكبـرة يطيـر
ما يشوف المجتمع من ثروته حتى الزكـاة=وفي دروب الخير ما يبذل ولو حفنة شعيـر
وان حصل شانٍ يكابر فيـه والكـل ازدراه=كلمـا زاد التعالـي شافـه العالَـم صغيـر
ما مشى في درب ابوه وقام يهدم مـا بنـاه=وان يسافر خارج ارضه كان يا بئس السفير
فاخبر المتذلّل المسكيـن لا يرجـي عطـاه=يرجي العطوى من الّي عنده الخير الكثيـر
مكتفل بالرزق كلّه ما يخيـب الـي رجـاه=يمتحن بالمال بعض الناس والبخل الشهيـر
مايـدوم العـز والا جـاه بالمـال اشتـراه=لو يجاريه الزمن ويساعـده وقـتٍ قصيـر
وانقلاب الوقت بالمغـرور لا يآمـن جفـاه=فالزمن في حكمة الله فانه العـدل البصيـر
كلهـا ايّـامٍ يداولهـا تعالـى فـي عُـلاه=الذي يعلم خفايا النفس واسـرار الضميـر
والقناعة والتواضـع فيـه معنـى للحيـاة=للكريـم ان كـان راعٍ للغنـم والاّ وزيــر
وارتياح النفس له ذوقٍ وله طعـم وْحـلاه=والتّحلّي بالقناعة يمهـد الـدرب العسيـر

[/poem]
وسلامتكم

[فهد سعود الزهراني]

صدقت صدقت ياشاعرنا المبدع

ان من البيان لسحرا

وان من الشعر لحكمة

ابدعت في توصيل فكرتك على احسن ما يرام

لله درك

[احمد صعمود]

كلام كبير من شاعر كبير

حكم ودرر بجزاله وفصاحه وبلاغه متقنه

لله درك وكثر من امثالك ايها الشريف العفيف الكريم

تقديري

[بن حكمان]

صح لسانك وأبيات في غاية الرقي والجمال

[العقربه]

كلمات لها وقع وطنين سلمت ياشاعر صغتها بحرفنه

[عبدالله الطنيني]

اقتباس: المشاركة الأصلية كتبت بواسطة فهد سعود الزهراني      صدقت صدقت ياشاعرنا المبدع ان من البيان لسحرا وان من الشعر لحكمة ابدعت في توصيل فكرتك على احسن ما يرام لله درك

*****************

اخي الأستاذ : فهد الزهراني

غمرتني بكرم الحضور ، وجميل الإشادة

فلك مني جزيل الشكر والعرفان

بارك الله فيك

[عبدالله الطنيني]

اقتباس: المشاركة الأصلية كتبت بواسطة احمد صعمود      كلام كبير من شاعر كبير حكم ودرر بجزاله وفصاحه وبلاغه متقنه لله درك وكثر من امثالك ايها الشريف العفيف الكريم تقديري

*******************

أخي الشاعر الوفي الأستاذ : أحمد بن صعمود

ماعليك زود بارك الله فيك

ثم إنني أشكرك ، وأقدر إشاداتك الغالية ، وأعتز بها

وفقك الله وأكرمك يالوافي

[عبدالله الطنيني]

اقتباس: المشاركة الأصلية كتبت بواسطة بن حكمان      صح لسانك وأبيات في غاية الرقي والجمال

الجمال ، كل الجمال ، هو في تواجدك

أخي الشاعر الأستاذ : بن حكمان

شكر الله لك

[عبدالله الطنيني]

اقتباس: المشاركة الأصلية كتبت بواسطة العقربه      كلمات لها وقع وطنين سلمت ياشاعر صغتها بحرفنه

أخي العقربة

تسلم تسلم

وفقك الله ولك الشكر الجزيل

[سعيد الكناني]

رفعة النفس العفيفة تكسـب الرجـال جـاه

والتزلُّـف والتذلُّـلْ كلهـا طبـع الحقيـر

الله الله

على هذا النص الشاعري الجزل

بيض الله وجهك

ياشاعرنا القدير /عبدالله الطنيني

نص حمل رساله ساميه

لا يجيد صياغتها إلا شاعر متمكن بما تعنيه الكلمه

تقبل جل إعجابي وودي قبل إبداء ردي

مع فائق التحية

والتقدير