(( يابن غرم الله ))

[غريب الوادي]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
(( يابن غرم الله ))


يابن غرم الله اخاف انه يجيك المشيب = من بلى ماتشوفه يابن غرم الله
كل شئٍ تشوفه لابدى لك عجيب = والعجب والعجايب قد بها خلّه
عند ناس ٍتخبّي النجم خلف الضريب = لين يرجف رعدها والمطر هلّه
وتحسب ان الفرج من علمها لك قريب = والمسافه طويله لو بدت قلّه
يابن غرم الله لاتطلب علاج الطبيب = لان مابه طبيبٍ يبري العلّه
مابه الا ردي اصلٍ بعلمه معيب = عايش العمر بالزلات والذلّه
ماتلاقي رفيع الراس يقبل مجيب = ياسعيد انتهى علمك على حلّه
في ديارٍ تغيّب عن رباها العريب = يوم شاف البواطل بارضها فلّه
يقربون البعيد ويبعدون القريب = بكذبهم ينفخون رمادة الملّه
وسط مجلس يراوده المريض العطيب = لاجل براد شاهي وقهوة الدلّه
صدّ عنهم ودوّر للكريم اللبيب = في مجالس هل الطولات والجلّه
في ديارٍ هبايب خيرها ماتغيب = نسيمها عابراً ونجومها طلّه
صدقها دايراً بين اهلها والغريب = سعد من هو لفاها ضيف وتظلّه
سمّحوا له طريقه وابعدوه الذريب = ماتوهو به دروبٍ مالها دلّه
(( والله يحفظك من شر الحسود المريب ))= الخايب اللي رمى باسمه في السلّه
وراعي المصلحه يقبل بصورة حبيب = ولا انتهت من عوير الحظ ماشلّه

(( غريب الوادي ))[/poem]

[مترف]

الله عليك
ليتني شاعر كان ارد عليك . بس للاسف

[البارود والبيردآن]

صح لسانك
ابيات جميله والشيب قادم لا محاله