..آهـ ياوطني .. .

[هـاوي زهـران]

المرسل إليه : وطني



الرساله :



..آهـ ياوطني .. ..


.. كل عام وأنت بخير ياوطني ..




تصدق أني أحبك رغم اللي تسويه فيني ياوطني ..



..آه ياوطني يمكن إنك ماتصدق بس الله العالم إني أحبك ..



..صحيح إن عليك حركات بس ماعليه تمون ياوطني ..



..صحيح إنك قهرتني أكثر من مره لكن أبمشيها لك ..




.. تذكر ياوطني يوم تتبرع للدوله الفلانيه وحنا يالله لاقين شي ناكله ياوطني .
.



..وغيرنا مليون بعد مايلقون شي ياكلونه ..


.. أكيد تذكر تصدق إني ساعتها جتني ضيقة صدر ..


.. ماتوقعتك تسويها ..


.. طيب ليه ..


.. مايقولون الاقربون أولى بالمعروف ..


..وإلا إنت جايك شي مني وتبي تقهرني ..



.. طيب ماتذكر يوم إني أتخرج من الجامعه وأقدم لك أبي وظيفه و تطنشني ..



.. وتعين اللي أقل مني عشانه من آل فلان وعنده واسطه ..


.. ليه ياوطني مو إحنا كلنا عيالك وإلا أنا ولد الشغاله ياوطني ..



.. أكيد بعد تذكر ياوطني يوم ابوي يطيح مريض ويقولون علاجه في احد المستشفيات الكبار ..



.. وأجيك أبي فزعتك وتقول آسف ماأقدر عندنا زحمه ..




.. وبعد يومين أقرى في الجريده وأشوفك جايبن سوداني تعالجه على حسابك ..



.. وفي نفس المستشفى صدقني في ذاك اليوم ماجاني النوم من القهر آه ياوطني ..



..أفا عليك بس ياوطني ..



.. لهالدرجه حنا رخيصين عندك ..



..لاتقولي ماتذكر ..



..أو أخاف إنك تقول إنك تمزح معي الله يرجك ياوطني مزحك ثقيل ..


.. طيب بهالمناسبه يابعد قلبي ياوطني شرايك نفتح صفحه جديده وننسى اللي فات ..



..هاه وش رايك ..



..بس على شرط حركاتك ومزحك الثقيل خلها عنك ..



.. وياليت بعد تسوي فينا خير وتدبر لنا وظايف قسم بالله ذبحتنا العطاله والتبطح في المقاهي ..



.. ترى حنا شبابك نعجبك بس عطنا فرصه ..



.. وياليت تكمل معروفك ياوطني وترحم ابناءك وشعبك وتخفض من أسعار البنزين والغاز ..



.. تكفى ياوطني والله ذبحتنا ويكون بعلمك ترى شعبك مو كلهم تجار وعيال نعمه ..



يمكن إنت ماشفتهم معذور ياوطني ولكن والله موجودين وبكثره لاتنساهم الله يرحم والديك ياوطني..



..وبعدين سالفة الواسطات والعنصريات هاذي ياليت تتركها بعد كلنا عيالك وكلنا عيال تسعه ..



.. ترى الواسطات والله ماوراها إلا الظلم والقهر للمساكين خلك عادل يابعد قلبي ..



.. أنا داري إنك بتقول صعبه وإن المخرج عاوز كده ..



.. صدقني داري ياوطني بس ياليت تحاول تفكنا منها على قد ماتقدر والله يعينك..



.. وحط في بالك ياوطني إنا ابناءك واللي يمسك يمسنا وحنا نفديك باأرواحنا واموالنا وكل مانملك ..



.. تامر شي ياوطني أنا إنتهيت من رسالتي ..



.. وابيك تعرف إني أحبك وأموووووووت فيك ياوطني ..



المرسل : إبنك

منقول لروعة الرسالة

[القـــــناص]

قلبي على وطني وقلب وطني على الحجر
اضحك الله سنك ياهاوي؟؟؟؟؟
قطعت بطني من الضحك رسالة جميلة وفي غاية الروعة ولكن
هل من مطلع لها او يلقي لها بال
صبرا اخي
تقبل مروري ودمت بود

[قلم ناشف]

[align=center]

هاوي زهران
عندما اتحدث إلى احدهم وارى انه لا يلقي لي بالا
قد أتركه حينها وابتعد عنه لكي يعيد حساباته .
لكن
عندما اتحدث إلى وطني
و ارى انه لا يلقي لي بال و لايتجاوب معي
حينهاااا
إلى اين سأبتعد ؟!!

نقلك جميل هاوي زهران.

[/align]

[الفقار]

المشكلة ليست في الوطن
المشكلة في من استخدم اسم المواطنة للمحاباة والمصالح الشخصية
الوطن بدو شك أغلى وأفضل وطن على وجه الأرض

[الهيثم 07]

هاوي زهران
اصلح الله الشأن00
.. صدقني داري ياوطني بس ياليت تحاول تفكنا منها على قد ماتقدر والله يعينك..

صح لسانك وسلمت اناملك الذهبيه

[قصايد ليل]

تصدق أني أحبك رغم اللي تسويه فيني ياوطني ..




هاوي زهراااان



موضوك راق لي كثيراُ



اعجبني حتماً واطمع منك بمزيداً من التميز في طرحك


لكن :


للوطن حب رغم مايحدث ...مثل حظن الام تماماً

كل الشكر لك

[الحـــاوي]

هذا هو حال الطفل حينما تعاقبه أمه على أمرٍ ما أو حتى حينما يزن على أُذنها وهي مشوشة البال وتضربه .... يهرب منها إليها .

ذاك هو الحال مع المواطن والوطن

ولكن شتان بين عقابٍ وعقاب

سلمت الأيادي أخي هاوي

دمت بود

[ابو عادل العدواني]

هاوي زهران
الوطن غالي والوطن مضلوم
والوطن مجروح
ولكن من يتلاعب بالوطن والمواطن
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

[هـاوي زهـران]

اخواني الاعضاء
(القناص-قلم ناشف-الفقار-الهيثم-بنت حرب-الحاوي-ابو عادل العدواني)

تشرفت بمروركم الكريم وانطباعاتكم واراءكم على موضوعي
يعطيكم العافية جميعا

[ألفاهم]

..صحيح إن عليك حركات بس ماعليه تمون ياوطني .

يعطيك العافيه احي الغالي على هذا النقل الجميل