ون أبن جدلان ( قصيدة رائعة جداً )...

[The Lion]

[align=center]ون أبن جدلان من لايعٍ لاعه[/align]
[align=center]ون أبن جدلان من لايعٍ لاعه
* * * * * كن في كبدي دوافير صناعي

ألعب المنكوس وأحب روباعه
* * * * * مملٍ في الوقت والوقت خداعي

مادريت أن ضحكة الوقت خداعه
* * * * * شفت مدخالي ولاشفت مطلاعي

لابغيت أسج والا انبسط ساعه
* * * * * دق قلبي من وراء حدب الأضلاعي

كن مابين الضلوع آلة طباعة
* * * * * تشتغل لانمت وأقوم مرتاعي

هم قلبي مايفرق تجمَاعه
* * * * * غير جر الصوت والناس هجاعي

فاقدٍ لي سلعةٍ وأكبر أبضاعه
* * * * * سلعةٍ تشراء ولاهيب تنباعي

رفقة الطيب ليا غير أطباعه
* * * * * أشهد أنها كيةٍ توجع أوجاعي

راكب إلي صممه صاحب أصناعه
* * * * * جمس بيك أب من حديثات الأنواعي

الغريب الي جديدٍ من أنواعه
* * * * * حوض رفرف مايبي شد وشراعي

لا أونس البنزين عجلٍ تفرقاعه
* * * * * مخطرٍ من سرعته يقلع أقلاعي

لاتحرك شفت في القاع مشلاعه
* * * * * والتواير تظهر الماء من القاعي

ينعش القلب الحزين أبتهملاعه
* * * * * لامشا قام يتهملع تهملاعي

لاوطى الأرض العتش كن تهزَاعه
* * * * * بنت شيخٍ طامحٍ من ولد راعي

في رجاء الغايب تحَرا لمرجاعه
* * * * * تنقد العشاق وتطق الأصباعي

نفسها من جملة الناس منصاعه
* * * * * ماتبي إلا واحدٍ ذكره أيشاعي

ينحر اللي يأخذ الطيب بذراعه
* * * * * الصديق الصافي الصامل الواعي

الوفاء والطيب ساسه ومنباعه
* * * * * يوم بعض الطيب تقليد وصناعي

لاوصلتوا فأخبروني عن أوضاعه
* * * * * وأخبروا راعي السمارا عن أوضاعي

أنشدو ويش السبايب بمهزاعه
* * * * * لاعلي ناقص ولا أبيه فزَاعي

ودَنا نرضيه ونحاول أقناعه
* * * * * كان بن مهمل بعد يسمع الداعي

كان يبغا حق للحق قطَاعه
* * * * * نقنعة والحق ماعنه مجزاعي

وكان مبغضٍ في الرياجيل بتَاعه
* * * * * لايجي ناقد ويلحقني أرياعي

لصَديق نخلَي النفس خضَاعه
* * * * * مانوريه الجفا والتمطَاعي

الصداقة عندنا ذخر وطماعه
* * * * * صحبةٍ ماهيب صحبة تمتاعي

حد جدتها على البرق لماعه
* * * * * وإن خذت يومين مفعولها ضاعي

إن تليمنا على العز والطاعه
* * * * * وأن تفرقنا فجوج الله أوساعي

ما أطرد المقفي ليا صفط أشراعه
* * * * * مخبل اللي للمقفين تبَاعي

من يحط أذنه على كل سماعه
* * * * * جاه فرقاً مابعدها تجمَاعي

والزباد أختام هرجي ومطلاعه
* * * * * يدفعه من ريحة المسك ذعذاعي[/align]


[align=right]الشاعر الكبير/ سعد بن جدلان الأكلبي[/align]

[عاشق الديرة]

مشكورررر اخوي على هالقصيدة تسلم ماقصرت والله
تقبل مروري

[العندليب]

لاهنت يا أسد ..

الف شكر على إختارك لهذهـ القصيدة الجميلهـ ,,

[The Lion]

اقتباس: المشاركة الأصلية كتبت بواسطة عاشق الديرة      مشكورررر اخوي على هالقصيدة تسلم ماقصرت والله تقبل مروري

[align=center]لا شكر على واجب..

وأسعدني مرورك..[/align]

[The Lion]

اقتباس: المشاركة الأصلية كتبت بواسطة العــ أبوصالح ــقيد      لاهنت يا أسد .. الف شكر على إختارك لهذهـ القصيدة الجميلهـ ,,

[align=center]العفووووو يا بو صالح..

والشكر لك على متابعتك الدائمة ....[/align]

[سعيد بن سالم]

قصيده رائعه ومن اشهر قصائد بن جدلان

اشكرك على اضافتها هاهنيه !!

مودتي

[The Lion]

اقتباس: المشاركة الأصلية كتبت بواسطة الطائر المهاجر      قصيده رائعه ومن اشهر قصائد بن جدلان اشكرك على اضافتها هاهنيه !! مودتي

[align=center]أنت الرائع دائماً يا أبو ياسر..

[/align]