زهــــران وغــــامـــد للشــاعــر/ سلطـــان بـن مـلـــه الـدوســي

[محمد بن حسن بن مله]

قصايـــد كتبت عن طريق الشــاعـــر المبـــدع/ سلطــان بـن مـلـــه الــدوســـي
============================================
( خوة الرجال )
خوي خوي ولو جار الزمن كله
حلفت واقسمت ماخليه بلحاله

افداه يوم الطلب وانا ولد مله
ما ارتاح لوكان خلي ضايقن حاله

طبع الرجل يلزمه ياقف معا خله
وقت الشدايد ووقت العز والقاله
=============================================
( سكران ..!!ـ )
لا تحسبني يوم أنا طحت سكران
هذي سواة اللي همومه ثقالي

يسهر طوال الليل هايم وولهان
والبعض في نومه وصل للعلالي

لامن مسك خطه توافيه الألحان
ولامن قفل يقفل ولو جاه عالي

أنا أشهد انه من محبتك عطشان
عطشان قلبه ما روا باتصالي

وأنا أشهد انه دايم الدوم سرحان
ويغلب على طبعه سكون وعدالي

و السر واضح وأدعج العين دريان
راعي الوصوف المفعمه بالدلالي

هذي الجدايل كنها سيل زحفان
و الجلد يلمع مثل لمع الدلالي

العين كحلى و النظر شبه خجلان
والخد راوي و الشفايف هلالي

والعود ناعم وأسفل العود رويان
والطول فيها صاحبنه اعتدالي

والصوت يطرب سامعه طرب الألحان
مير ان هذا الصوت جايز حلالي

يا ناس هذا الوصف والوصف عنوان
واللي يدله فايز(ن) بالغزالي

وختامها صلوا عدد خلق الأكوان
على النبي اللي وصف بالكمالي
==============================================
( أحب غامد )
ان مانطقت الحق ماني برجال
ولا اصير من عد الرجال النقيه

وإن ما خلطت الجد مع شوية هبال
في مجلس(ن) فيه النفوس الزكية

ارمي عقالي دامها حزة عقال
واسج سجة حاملين الوصية

ربعي بني زهران للترك زلزال
حطم جيوش(ن) من كبرها عتية

وانا ولد مله شاعر وخيال
و لي في مرابع دوس ربع وحمية

وأحب أصوغ أبيات شعري بموال
تسمع صداه و يتبع الحر فيه

يا غامد الهيلا تراكم على البال
يا أهل الشجاعه والنفوس الأبيه

أحب غامد لأن غامد بها رجال
ماهم من اللي يفترون الفرية

عيال عمي يا الطحاطيح الأبطال
ياللي منازلكم ديار(ن) عليه

أفعالكم يشهد لها طيب الفال
وتشهد عليها ابيات شعر(ن) قوية

ماضي تليد مطرز بسيرة أبطال
وحاضر مشرف بالفعول الندية

ماهي مجامل لكن الحق ينقال
ولا يزعل من الحق غير السبية

وختامها صلو على الصحب والآل
وعلى محمد خير هذي البرية
============================================
( انحن بني زهران و إبليس ضدنا )
انحن بني زهران وابليس ضدنا
لأنا في الإسلام مضبوط صفنا
وانحن غلبنا الترك من قبل حدنا
وشرب الدما ونحر الأنحار ودنا
وجدنا قحطان وانعم بجدنا
وياللي تنافسنا ترا منت قدنا
----------------
دعا لنا سيد ولد عدنان ِ
محمد رسول الله رفيع الشان ِ
دعا لنا بالهدى ثم الإتيان ِ
دعا لنا حن دوس حن زهران ِ
----------------
أبكي على اللي يجهلون السيرة
سيرة بني زهران ربعي وانعم
غاروا على الأتراك في اقصى الديرة
ياويل من يخطي عليهم منهم
----------------
منا الطفيل وأبو هريرة ومالك
من ردانا بالشر يرجع هالك
ما نمشي إلا في الطريق السالك
يا سيدي زهران من يرقى لك
----------------
وإلنا بني عم(ن) قبيلة غامد
غامد على يمناك قلب(ن) جامد
والباحة ديرتنا وديرة غامد
يالله تحفظها من اللي حاسد
===========================================
( إختلاف الوقت )
لولا اختلاف الوقت والبعـد وسنيـن
نقضي سننها قبـل تقضـي سننهـا


ومفارق بلادي ونـاس(ن) عزيزيـن
وأرواح تجهل سعدهـا مـن نكدهـا


و مجاور الطيب وربع(ن) حريصيـن
على الصلاة اللـي لروحـي عمدهـا


لأهج من ذي الدار لـو بعـد عاميـن
من كثر مـا ذاقـت عيونـي رمدهـا


بعض البشر عالي والبعـض واطيـن
وهناك نـاس(ن) مستقـرة وسطهـا


وناس(ن) رزقها الله وناس(ن) بخيلين
وناس(ن) تحير ضيفها مـن كرمهـا


وناس(ن) على يمناك ربع(ن) ميامين
وناس(ن) تخالف قولها عـن فعلهـا


لا تصحب النمام ولو كان بـه ليـن
ولا تصحب الكـاذب وتتبـع جهلهـا


ولا تصحب اللي دايم الـدوم لاهيـن
وحياتهـم فوضـى ويكثـر هزلـهـا


واحرص على الأخيار اللي هل الديـن
طوال اللحى اللي كـرام(ن) شيمهـا


وخلك حليم بساعـة العسـر والليـن
واعرف حـدودك لا تضيـع حرمهـا


وابعد عن الزلات وانشد عـن الزيـن
مـن الفعـال منومسـة مـن فعلهـا
==============================================

[محمد بن حسن بن مله]

للشـــاعـــر/ سلطـان بـن مـلـــه الــدوســـي

[مـ ـخـ ـربـ ـهـ ـآ]

تسلم يأبو فهد

لا هنت

[سلطان بن مله]

:
::
:::

[align=center]تسلم يا أبو فهد على هالنقل الرائع

والحقيقة أكبر فخر لي عندما أجد قصائدي المتواضعه في هذا المنتدى الكبير


الله يعطيك العافية[/align]

[محمد بن حسن بن مله]

اقتباس: المشاركة الأصلية كتبت بواسطة سلطان بن مله      : :: ::: [align=center]تسلم يا أبو فهد على هالنقل الرائع والحقيقة أكبر فخر لي عندما أجد قصائدي المتواضعه في هذا المنتدى الكبير الله يعطيك العافية[/align]

الله يسلمك يابن سالم وفي الحقيقة قصايد جميلة تشكر عليها وفقنا الله وإياك..