دعـــوة الى الــــتـــكــــاتـــف.....

[الداحشي]

[align=center]هذه قصيدة سأضعها في منتدى آخرلئلا نتفاجأ ذات يوم بوقوفنا على أنقاض ذلك المنتدى،وهي لاتخص هذا المنتدى.

ملاحظة[/align]
[align=center][align=center]القصيدة قابلة للدبغ والمردغة[/align]

[align=center]اقول للي يناقض رده ابرده
ماحان لك ترتدع وتصير صاحبنا

يظن نفس فهيم وماحد(ن) قده
يظن نفسه بما قاله يعذبنا

له شهر فالمنتدى واحنا لنا مده
واليوم لافي بكلماته يعاتبنا

مرخي له الحبل واصبح دايم يشده
نفسه خنقها وفي قصده يودبنا

والله ماودي انه يعلن الصده
ويروح شخص(ن) عزيز(ن) من حبايبنا

حتى ولو هو بعيد ومسكنه جده
والا يكنّه قريب(ن) من قرايبنا

إنا نحبه وربي مانقف ضده
مصيبته نعتبرها من مصايبنا

ماقول للي خرج روحه بلا رده
واقول للي بقي بالله تطربنا

بسوّي اللي علي واللي عليك ادّه
ولانعادي ونكره من يصوبنا

وان كان هرج(ن) بصدرك وضح وبدّه
وكثرة الرمز ماتثري تخاطبنا

ومنتدانا الحبيب (ا) بهزله (ا) و جده
نبقى جنوده وندمغ من يحاربنا

فوق السحب نرتقي به كلنا وده
يصير اذا احنا اتحدنا ما تضاربنا

يبقى منيع(ن) قوي ماينفجر سده
نشرب مياهه ونروي به ركايبنا

قلوبنا البيض ما بتصير مسودة
اذا اتفقنا ووحدنا كتايبنا

كم كان من منتدى مرموق وانهده
تفرق اللي بها واتهدم المبنى

اعضاءها بعضهم قاسي وبه شده
ويِلْحِق الشر بالباقين والغبنا

والبعض عزّل وحط ايده على خده
يقول مابه ولا قسم(ن) يناسبنا

وفيهم الوافي اللي عاهدت يده
ماتكتب الا الحكم ويقول واجبنا

واصبح بعيد(ن) عنه والنفس منسده
يقول ليش اخدم اقوام(ن) تعيّبنا

هذا قصيدي ولي فتره واناآعده
من بعد ماريت شي (ن) قد يخيبنا[/align]

[اسد الليالي]

صح لسانك ولا تعبت ان شاء الله

مشكوووووووووووووووور

تحيااااتي

[آل صرار السعدي]

الداحشي

ابشر

افرش فراشك ونحن عندك

اذا انت زعلان نرضيك

وقصيد ه فيها كلام طيب

بس انت لاتزعل وخل صدرك وسيع

النقد الذي ما تستفيد منه اشطبه من فكرك

تقبل تحياتي

[الداحشي]

اقتباس: المشاركة الأصلية كتبت بواسطة اسد الليالي      صح لسانك ولا تعبت ان شاء الله مشكوووووووووووووووور تحيااااتي

صح بدنك ولاندمت يا اسد بس ليتك مردغت الابيات

[الداحشي]

اقتباس: المشاركة الأصلية كتبت بواسطة آل صرار السعدي      الداحشي ابشر افرش فراشك ونحن عندك اذا انت زعلان نرضيك وقصيد ه فيها كلام طيب بس انت لاتزعل وخل صدرك وسيع النقد الذي ما تستفيد منه اشطبه من فكرك تقبل تحياتي

شكرا لك اخي ال صرار وانا لست زعلان ابدا وصدري اوسع من بكت الدركتل
والقصيدة سبق ان ذكرت انها لاتعني هذا المنتدى وما وضعتها الا للاستفادة من نقد الشعراء الكبار في المنتدى
من دون تحديد اسماء لان ثقتي بهم كبيرة وانا ممن يعشق النقد الهادف ولكن هل هم يحاذرون من فتح الباب على قصائدهم ...
وسوف اوافيكم بتعديلات لاحد اخواني