جاكم العلم

[لورانس العرب]

ابعلمكم ابعلم صارلي انا ورفيق اللي ازحطاني وابي منكم الراي والتعليق








سلمكم الله سنت من السنين كنت في كلية بيشة للمعلمين طبعا خوي القحطاني يبي استراحة او اجازة بغيناها بالنظام وماجت قلنا مالها الا الواسطة الموجود في الكلية 3 زهارين دكاترة مو واحد ولا اثنين في الحقيقه مااعرفهم بس نشدنا ودرينا قلت لخوي لاوالله جاك الفرج ياولد ابحشرهم علني زهراني وولد عمهم والفزعه يارياجيل ولا هام مقصرين معنا المهم مالكم في طوالتها الربع فشوا فيها (فشلونا والله وطيحوا وجهي) قال الخوي ياولد هنيا سبيعي محاضر اسمه محمد بن عبدالعزيز المحمدي ولي الفخر اذكراسمه وطاريه انروحله ومهو مقصر معنا عاد لنا خبره في سبيع وعلوم ذيك الديار...خشينا عليه سلام طيبين زان وقعك وانااااا نعطيه العلم وانا جيناك من رنيه (هو من اهل رنيه) وسبيع الغلباء ونعم ومن ذالعلوم والهياط (هياط البدو) قال ياولد هات الورقه ويكتب عليها لامانع يقول: رياجيل اتجوني بالعلوم ذي واردكم لاوالله مهب لحيتي انا اشهد انه ونعم

وسلامتكم

[بعيدة المدى]

هذا حال الدنيا

مو كل يوم تلقى من

[بعيدة المدى]

هذا حال الدنيا

مو كل يوم تلقى من يساعدك ويساندك

وعلى فكرة الزهراني اذا استلم منصبه معد يعرف احد

ويعطيك العافيه لورانس العرب على العلوم الزينه هذي ,وفالك البيرق .

[لورانس العرب]

انت والله خير ماتمثل لطلاب الجامعه ومافيك حيله وفاللك المليون

[ليه يا دنيا]

دنيا تقلب كل يوم على حال (( هاذا حال الدنيا وانا اخوك بس ))

بس توكل على الله ان الله على كل شي قدير

[الـــــوآفـــــي]

أخوي لورنس ..

(( ليس كل مآ يتمنآآهـ المراء يدركهـ ))

أنت اللهـ يعطيك العافيهـ سويت اللي عليك والبآقي على اللهـ ..

تقبل تحيآتي ..

[لورانس العرب]

الشكر الجزيل لكم ياضوء وياوافي ولوان صوركم ذي شاك فيها بس هم نشكركم وكان ودي الرد على طريقه الزهراين