يوم ياصلني الكهرب ويوم انطفيت

[فلاح بن منشار]

في زمن الفضائيات

وسحر الفاتنات

قيس يسخر من الحب

هذه فاتنة الشاشات

الغربيه

والشرقيه

والشرق اوسطيه

انها ( مَيْس) على وزن قيس!

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قبل الإعلام انا كنت اعشق ام العيون = يوم لي في ديار الحب يامَيْس بيت
كنت فارس وحولي شامخات الحصون=خافقي كان نبضه حيّ واليوم ميت
كنت لامن عشقت اعواذلي يخسرون = شوفي اليوم حالي كني الا انصليت
حاولي تفهمي لاتكثرين الشجون =وش لك بقلب مابه غير همه وهيت
قلب مشغول مستغرب لما ينسجون= وان عشق ماسمعته لو يقول انكويت
بين نيران وافكاري بها يصطلون=واهج الحب كنه عندي اليوم ليت
كني ايميل فيروسات به ينخرون= يوم ياصلني الكهرب ويوم انطفيت
ماعرف الغيّ وان قال الذي يدعون= ماتلوعت من جمره وعفت المبيت
لاتقولين هذا صار عنده جنون = خابر اني بجده واحسب انها الكويت
صار عندي شرود وحل فيني ضنون= وصرت محتار وافكاري لها ماقويت
صرت ادور على نفسي انا من اكون= كل ماشفت واحد قلت! لي مالقيت؟
دوري لي معي والي معك يفزعون = وانشدي لي عَلَيْ ويني انا مادريت
وان لقيتيني ابدربك فمن غير هون = طمنيني عَلَيْ كم لي عَلَيّ اختفيت
سلمي لي عَلَيْ واهدي لمن يعبرون = صادق الود وانا منك ياميس ابيت [/poem]

[العرنين]

صرت ادور على نفسي انا من اكـون
كل ماشفت واحد قلت! لي مالقيـت؟
دوري لي معي والي معـك يفزعـون
وانشدي لي عَلَيْ ويني انا مادريـت
وان لقيتيني ابدربك فمن غير هـون
طمنيني عَلَيْ كم لي عَلَـيّ اختفيـت
.
.
.
والله انك مبدع مبدع مبدع
واكثر من الابداع
صح لسانك
وان شاء الله الكهرب شابك على طول
بس انتبه من السلك
.
.دمت بالف خير

[صالح بن فارس]

الله .. الله .. الله

يا لجنوووووووووووون التصوير


صح لسانك لين ترضى


دوري لي معي والي معك يفزعـون
وانشدي لي عَلَيْ ويني انا مادريـت
وان لقيتيني ابدربك فمن غير هـون
طمنيني عَلَيْ كم لي عَلَـيّ اختفيـت
سلمي لي عَلَيْ واهدي لمن يعبـرون
صادق الود وانا منك ياميـس ابيـت


كم أنت مبدع أبا محمد

لله درك

وسلمت يمينك

تحياتي لك ؛؛