بالصور معمول العيد

[روعه]

مسائكم / صباحكم ورد وكادي ..
اخواتي اسأل الله العظيم ان يتقبل منا ومنكم صالح الاعمال وان يحفظ حجاج بيت الله من كل سؤ ومكروه وان يغفر لشهدائنا الابطال انه قادر على كل شيئ وكل عام وانتم الى الله اقرب ..
وصفتنا معمول العيد هش جدا وعلى ضمانتي بنجاحه معاك بإذن الله من اول مره وراح تعتمديه على طول ودعواتكم لاني تعبت في الموضوع واللي يحتوي على 40 صوره للتوضيح عشانكم يالغوالي ..
نبدء بالمقادير والطريقه حبيباتي :
كوب سمنه قودي + فنجان قهوه زيت + فنجان قهوه سكر بودره + 3 ملاعق حليب بودره مليانه شوي + بيضه وحده + بهارات معمول + يانسون حب + 1ملعقه بيكنغ باودر + 3 اكواب دقيق كويتي + معجون تمر للحشوه
وهنا الصوره توضح لكم المقادير مع بعض طبعا زوجي الله يهديه طلبته حبه بيضه من الثلاجه راح جايب بيضتين وحطهم مع الاغراض بدون ما انتبه فانتو لاتحطون الا بيضه وحده بس ...

هنا الصوره توضح لكم المقاسات اللي راح نستخدمهم طبعا الفنجان الفخاري اللي في الصوره اكبر شوي من الفناجين المعتاده يعني اللي ماعندها هالفنجان تستخدم العادي بس تضيف تقريبا ملعقتين اكل من كل مقدار سواء السكر او الزيت على الفنجان العادي

وهنا لبسنا الكوب غلاف السولوفان عشان تخرج معانا السمنه بكل سهوله وكمان مقياس للدقيق يبقى الكوب نظيف وحطيت السمنه فيه

وهنا لاحظتو كيف خرجنا السمنه بكل سهوله وضمنا ان كلها خرجت معانا بدون بقايا في الكوب

هنا نحطها في العجانه ونستخدم المضرب السلك اللي في الصوره و اللي ماعندها العجانه تخفق بالمضرب اليدوي


هذا مقدار الزيت

نضيفه على السمنه ونخفق لمده دقيقتين

وهنا نضيف البيضه وبهارات المعمول واليانسون الحب ونخفقهم

وهنا صارو بعد الخفق

هذا مقدار السكر البودره انا استخدمت الجاهز افضل في النتيجه

وهنا نضيف السكر للخليط السابق

وهذا مقدار الحليب بملعقه الاكل

وهنا السكر والحليب مع الخليط ونخلط دقيقتين

نغير السلك الحديدي بشنكار العجين اللي موجود في الصوره ومعاه مقدار الدقيق بنفس كوب السمنه

هنا اضفنا الدقيق

[روعه]

وهنا مقدار البكنغ باودر الملعقه مو الصغيره مره لا اللي تستخدم للحلى واعجنيهم لمده دقيقتين

وهنا العجيينه جاهزه للاستخدام

اللحين ناخذ ورق الشمع او الزبده ونغلف الصينيه اللي راح تستخدميها عشان يكون شيلها اسهل وماتنحرق بسرعه وهنا الصور توضح لكم اكثر

هنا نقطع العجينه قطع صغيره ونكور التمر فيها لكسب الوقت

هذي الاله اللي راح نستخدمها

[روعه]

وهنا لما خرجناها من الفرن نشيلها من الصينيه في سبت حق الخبز اتركوها تبرد شوي وهنا في صحن التقديم بدون ماارشها سكر ماشاء الله

ومن قريب

هنا لاحظو لونها كيف من الاسفل وباين هشاشتها

وهنا رشيتها بالسكر البودره

وهذي حطيتها لزوجي في العمل

وعن قرب

وفي الختام اتمنى تعجبكم الوصفه
تقبلو خالص الــــود

[طوق الياسمين]

دمع الاحزان
الله يعطيك الف عافية على هالمجهود الرائع
تقبل الله منا ومنكم صالح الاعمال والله يوفقك ويرزقك من حيث لا تحتسبين
تحياتي لك ياقمر .!

[البرنسيسة]

رووووعه
يعطيكِ العافية يالغلآ
ع الطبق اللذيذ
تقبلي أجمل تحية..,,,

[روعه]

اقتباس: المشاركة الأصلية كتبت بواسطة طوق الياسمين      دمع الاحزان الله يعطيك الف عافية على هالمجهود الرائع تقبل الله منا ومنكم صالح الاعمال والله يوفقك ويرزقك من حيث لا تحتسبين تحياتي لك ياقمر .!

بكل الود حياك

منوره دائما

[روعه]

اقتباس: المشاركة الأصلية كتبت بواسطة البرنسيسة      رووووعه يعطيكِ العافية يالغلآ ع الطبق اللذيذ تقبلي أجمل تحية..,,,

البرنسيسه

مرورك الاروع

[غربة مشاعر]

الله يعطيك الف عافية على هالمجهود الرائع

[روعه]

اقتباس: المشاركة الأصلية كتبت بواسطة غربة مشاعر      الله يعطيك الف عافية على هالمجهود الرائع

يعافي قلبك

[ام تركي]

شكله جميل ولذيذ.سوف اجربه.ولك تحياتي.