فن الشوفه الشرعية هههههههههههه

[ملاك زهران]

بسم الله الرحمن الرحيم ..
صباح الخير / مساء الورد

قررت انا بعد الاجتماع معي لازم اسوي دورة تدريبية مو للمعرس ولا للعروس بس لالا ذولا شبعوا دورات وكتب وكلش كلامنا اليوم اكثر شي عن اخو العروس تراه يشكل 77% من نجاح الشوفة الشرعيه او طلعة المعرس خاوي اليدين فاق الخشه خخخخ

اغلب البنات اللي مروا بالشوفه الشرعيه إلا يصير لها موقف و السبب يا ابوها ولا اخوها .. تعلموا لامن صارعندكم بنات شلون تدخلون معهم لشوفه الشرعيه
اول شي اسمعوا هـ لكم سالفه عن كم وحده اعرفها عشان تنبط اتسبدكم زي ما انبطت تسبدي

وحده من بنات لمّا دخلت للمجلس وجلست يقالك ابوها يبي يخليها تتكلم عشان يلتفت عليها قالها وش اسم المدرسه اللي تجيك كل يوم ؟خخخخخخ عاد البنت قالت ام حسام
يا انا دخت من الضحك يوم قالت لي السالفه ضاقت الاسئله يعني
لا والثانيه يوم جلست قال لها ابوها الساعه كم تطلعين الصبح ؟ خخخخخ قالت 7
ووحده من البنات اخوها حمش كل ما التفت المعرس على البنت قال سالفه عشان يلتفت عليه احس المعرس يقول وشوله جاي انا اتسمع سواليفك الماصله خخخخخخخخ
ووحده تقول دخلت وطلعت ما كني دخلت حتى ما ردوا علي السلام حسيت اني شفافه ذاك اليوم خخخخ


الحين لازم تعرف شلون تتصرف لمّا يكون في بيتكم مخطوبه لامن دخلت اختك للمجلس حتى لو ماسلمت قلها وعليكم السلام هلا اهلين تبن اي شي حتى لو ما سلمت حسس المعرس انه هو الاصقه ولا اختك مسلمه خخخخخ ولمّا تجلس قل للمعرس هذي اختي فلانه عشان يقدر يرفع راسه ويشوفها لانه مستوا الاحراج بيكون طاق الانمبير خخخخخ وقل لختك هذا فلان حتى لو هي عارفه حاول تطري الجوا شوي وبعدين طلع جوالك سو نفسك لاهي عشان الولد يقدر يتمقل زين ما يحس انه مستحي
ولمّا تقوم اختك تبي تطلع قلهم الله يوفقكم ويتمم على خير كان فيه خيره لكم

وحده من بنات عماتي اخوها ماشاء الله عليه البنت من زود الارتباك دخلت وحطت العصير على طرف الطاوله وطاحت الصينيه وانكب العصير هي بغت تصيح إلا ثانيه خخخخ قالها اخوها عاادي عادي هو اصلاً ما يبي عصير صح قال هو ايه مابي وجلست وقعد يعرفهم ببعض وينكت عليهم لين راحت الفشله
عاد زوجها يقولها تصدقين العصير ذاك اليوم كان نفسي فيه بس ماني مفشلتس خخخخخخ
زبدة الموضوع انت الحلقة الاقوى في ذاك اليوم خلك حبيب ولين الوضع وحاول تخفف الارتباك نرى الدنيا دوراه وتبي تنحط بنفس الموقف خخخخخ

عطوني العروس
انتي تبي تكونين في قمة الاحراج ذاك اليوم طبعاً (ما اتكلم عن فئه وجه ابن فهره اللي كلش عادي) يعني لمّا تدخلين سلمي مو ما يسمعون إلا حرف السين مايدون هي السلام عليكم ولا مساء الخير خخخخخ وتزعلين لمّا مايردون مساكين مايدرون يقولون وعليكم السلام ولا مساء النور خلي صوتس عالي شوي يكون مسموع اقل شي .. ولمّايتكلم معاك اخوك ولا المعرس موب تردين وانتي مدنقه رقبتس ترى ماتكلوا يبون يسمعون الصوت يبونك ترفعين راستس وعيونتس
حاول يكون شعرك مرفوع عشان مايقولك اخوك ارفعي شعرتس عن وجهتس عاد اللبس انتي ابخص بوه

عطوني عريس الغفله
انت عاد الكينق اليوم لمّا تدخل البنت تمقلها زين موب تقول خلوها تجي مره ثانيه خخخخخخخخ صار اختبار وزاره ويبي دور ثاني
صدق وحده تقرب لصديقتي واحد من اللي خطبوها بالشوفه جلست ربع ساعه (اطول شوفه مرت علي ) يوم دخلت قال لبوها ممكن تجي مره ثانيه ماشفتها زين قال ابوها بشوفها
يوم قالها ابوها ارجعي يقول ما شافتس زين قالت والله ما ارجع اصلاً ما ابيه
بس والله لو يقول خطيبي خلها ترجع مره ثانيه بقول لخوي قله الدنيا فرص وانت راحت فرصتك ما استغليتها صح خخخخخ <~~ تيت بس خخخ

عاد انا بشوفتي يوم جيت اقوم قالي اخوي اجلسي شوي جلست ثانيه وقمت احس ان قلبي يغلي عصبت عليه مدري ليه وماصار نصيب

وبكذا نكون خلصنا الحلقة الاولى من الدورة (لحد يحتري الحلقه الثانيه )
انصراف
طوط طوط طوط

تنويه كبر قريح
يعني لحد يشره
اتوقع الاخطأ الاملائيه إلا الليل لاتضيق صدركم لامن روقت بزبطهن

[مُـخْ تَلـِفـ]

ههههههههههههههههههههه
صدقيني اكبر هم اللي يبي يخطب هي النظره الشرعيه
انا سمعت قصص عن النظره تموت ضحك
وزي ماقلتي ابو البنت او اخوها لازم يكون عنده اسلوب ويقدر يشيل جو الخجل
وحركه حلو يطلع الجوال
انا دايم اذا انحرجت من شئ اطلع جوالي هع
وانتظر اخواني المفهين يعطونا فضايحهم مع النظرهـ الشرعيه
شكرآ ملاك

[فاره القرص]

بصراحه احسن شي صينيه العصير

وبعدين خير النضره ربع ساعه >>>امداها ذابت

دقيقتين بالكثير ومع السلامه
والله بنظره يميز حتى لون الكحل
عاد هم حادين النضر
تدرين ان نضرهم اقوى منا ثلاثين مره




متشكره عالدوره اللزيزه وننتظر الدوره الجايه

[جمرة غضى]

هههههههههههههه


خوش دورة بس اذا جربت بعطيكم تجربتي مع عريسي

بس والله ياانها لحظات احراج البنت تتدوده

ماتعرف شو تسوي مع اهلها او مع عريسها بس الله ياهب معونه ياسفانيه

[الســرف]

قالت وتغصب خجلها والكسوف ...كيف حالك ؟ قلت هاااااه وفغرت

طبعاً صعوبة هاللحظات يعتمد على شخصية البنت والشاب

يعني ممكن تكون صعبه للبنت والشاب لا والعكس


عموما استازه ملاك اذا تبغين محاضر لهذي الدوره في "فن النظرات " دزي لي خبر

وياليت تخلينها حلقات وعناوينها

- التهيئه النفسيه والجسديه ليوم الحشر
- كيف تستغلي وجود اخوانك الصغار في البروفات
- تهئية المكان والتعود عليه وزيارته قبل وصول الطوفان << بعض البنات نسيت مجلسهم

وهكزا

ثانكس ألوووووووط

[خطيرالملامح]

هههههههههههههههههههه يارب ارزقني وطول بعمري عشان اشوف مختلف يوم زواجه وهو مكشت بالبشت
موضوع رائع وخفيف يعطيك الف عافيه

[« Ĝŋōŋ Ğŋōβy »]

يوم جت النظره الشرعيه لاختي كنت بالقهوه انا ههههههههههه

لانهم يعرفون اني بآكل الجو وبقعد انكت واستهبل وهم ظلموني ماكانو يبوني موجود اصلا هم المستفيدين مو انا خخ هع

[نسيم السروات]

يوم النظرة الشرعية حقتي أخترت أمي وأصغر أخواني كان باقي سنه أولى متوسط مايفهم يعلق

عشان ما أتخنطل بالزولية من شدة الحياء لو كان أبي وأخواني الكبار موجودين

ومع ذلك جتني نفاضه صارت سنوني تقربع في بعض من الخرعه .



بعدين تعالي ياملاك زهران وشبك يخته تكلمين قصيمي عمتس ووشوفتس وشعرتس

يبي لك دروس بقسم التراث وسواليف الأولين _ أخاف موضوعك منقول من وحدة قصمنجية صح


تسلمين على هيك موضوع رائق .

[غرور أنثى]

خخخخخخخخخخخ
بصراحه الموضوع خطوري
تسلم يداتك ملاك
والله انا بافي ماصار لي شيء
وانشاء الله مايصير
بس اذا تبيني احكيك على قصص
يوم النظره لصاحباتي ولايهمك...

[ملف ضآيع]

[align=CENTER][tabletext="width:70%;"][cell="filter:;"][align=center]أبغيت أتهور وأثبته
بس وصلت عند جملة عررفت ان الموضوع مفقوش
لاني رديت على صاحبه هنآكـ قبل فتررة
_________________________

سوالف الشوفة كثييير وعرف من كان ضحية هالشوفه
اللي من الحوسة لبس ثوب وسخ
واللي كب العصير وهو قاصد
واللي عمته قالت له : انتبهه على بنتي ,, وارسلها لنا بين فترة وفترة < تفكر بنتها تخش في البريد




ننتظر قلمك الساخر انتي ,, وبنعقلك فوق [/align][/cell][/tabletext][/align]