تــجهيزات شـــهر العســـل

[عطر الكون]

السلام عليكم ورحمه الله وبركآته


(هذا الموضوع منقول من الايميل )

أترككم مع الموضوع ..

/////


مرحبآآآ للجميع ، شلونكم ؟ ان شاء الله تكونون بأحسن حآل




بصراحه مو عارفه كيف أبدآ الموضوع بس هو بإختصار اني قليله خبره في الشوبنق وخصوصاً شوبنق العرايس

فـ إشتريت كل شي احس اني احتآجه في حياتي وفي شهر العسل بس ابي منكم تعطوني رايكم بإختياراتي

وبرضه ابغاكم تعلموني ايش الاشياء الي نسيت اجيبها ، لانو مابقى وقت باليالله يمديني اجيب النواقص

واصلا فلوسي خلّـصن فيارب ما تكون الاشياء مكلفه يا اخوات لاني توي متسلفه من امي خمسين











نجي للملابس الرئيسية واولهم الي هو فستان الزواج

وبصراحه مره مرررره مليت من اللوك بالفستان الأبيض وخصوصاً ان زواجي راح يكون عائلي لاني قلت لكم خلص المهر

وبرضه حبيبي ابو نجر بيكون لابس ابيض فـ ماحبيت نكون مطقمين تقل زمزميات ، حبيت اتميّز

فـ انا حبيت اغير وجبت فستآآن اخضر فآآآتح

ومره شيك من عند مصمم هندي بس مبدع وحبيت اضيف له بعض الافكار وكذا <<اخاف خيآط حارتكم وملتبس عليك !!

















زي منتم شايفين إضافتي كآنت بـ البيلت _الحزام_ البينك مررره اعطاه شكل غريب ومُلفت

كل الي شافوه انهبلووو عليه وسألوني من وين على بالهم من فرنسا





~



فستان السهره الثاني هو الي نويت ان شاء الله اني ألبسه ثاني يوم من الزواج عند اهل زوجي

وحبيت يكون سآآتر وبنفس الوقت يكون انيق وطقّمت معه شنطه سلفر_فضيّه_ مره راقيه

وراح البس شوز اصفر عشان اكسر حده الالوان الغامقه















~

الحين نجي لفستان سهره ثاني

احس اني طقمته بإحترافيه

بليز بنات اذكرو الله









لونه اورنج وما حبيت يكون عااري ويطلع يديني فـ جبت له بلوزه بكم طويل بنفسجيه بس طالعه جناااااان

خصوصا مع العقد البني وتركواز ، وحبيت اضيف لها شي سبور عشان يكسر الشكل الكلاسيكي

فـ وقع اختياري على شنطه نادي ارسنال الانجليزي وفعلاً طلعت جداً مناسبه ورائعه مع اللبس









~

نجي الحين للسبورات وملابس الطلعآت

وبصراحه مخمخت عليهم بقووووه واخذو من وقتي ومجهودي وميزانيتي الكثيييير

طبعاً اول شي هذي البدله التوب من مصمم مصري مبدع

والبنطلون اشتريته من السوق العادي وحبيت اعطيه لمسه خاااصه بوجود الخط الاصفر عشان احس بتميز وغرابه

وحبيت اضيف شنطه بيج مره رووووعه اخذتها من دولاب مآمي كانت شاريتها من الكويت قبل تتزوج ايام الجمس









~

القطعه الثانية طبعاً مراح تتكرر ابد

كلاسيك على فنكي مره مره

إعتمدت فيها على خطّ السته أقصد على خطّ المصممين الفرنسيين

وخصوصاً الجآكيت لاني تعبت ادور نفس الموديل هاذا والي عرفته بعدين ان اسمه موديل نآمق

وحطيت على الرقبه إيشارب صوووف بيج علشان يقصّر عنقي لانهم يسموني ام عنق ما شا ءالله عليّ

وطبعاً الشورت معروف جداً موديل سمير غانم_عبدالسّميع اللمّيع_ والحمدلله كآن التطقيم موفق جداً










~

اللبس الجاي هذا ما تعبت فيه كثير

ولا فيه ابتكار مررره مجرد اني شفته على المنيكان(العارضه البلاستيك) الي برا المحل على طول قلت للبيآع اليماني ينزله لي زي مآهو

بصراحه مره مره حبيته

حسيت انه يحكي وحسيت انه مرهّم لي خصيصاً

مجرد اضفت عقد سوارفسكي من النمسا موصيه عليه وشنطه لونها لقيته يناسب











~

طبعاً حمولتي مره ملتزمين ما شاء الله عليهم

ربي يسعدهم

فـ قلت يعني لو أبو نجر يآخذني فجأه لهم ألبس هاللبس

مره مره انيق ويحلّــــــي الجسم بشكل وحطيت معه جزآم عشان يقسم جسمي تقسيييييم ـ

وما راح تخافين من براآآآد المكيف لو كانو مطولين عليه لانه يدفي وكشخه بنفس الوقت










~





اما هالتطقيمه بصراحه موفرتها لأي ظرف طآآآرئ



ودمجت فيها بين الكلاسيكيه وبين السبور في الذوق البرازيلي

وبذكائي دمجت معها شنطه من اللي عندي وما احتجت اشتري شنطه جديده

وطله اللبس كآمل من اروع ما يكون

ما تصودقون يا بنات فرحتي انه طلع حلو كذا ما توقعت ابد











واللبس هذا اخذته خصوصا عشان اذا جيت اروح لصاحباتي

حبيت يكون مريييح وبنفس الوقت فخم مره يعني تعرفون عروس ولازم اكون مميزه

طبعاً تعبت لين لقيت سكارف _ وشآح_ يناسب التطقيمه














اما التقطيمه هذي

اخذتها لطلعاتنا انا وابو نجر للمطاعم والكافيهاات ، يعني حبيت يكون شي انيق ومريح وفيه دلع ويحلي الجسم

ابي دايم بعيونه اكون راقيه ومميزه لبى قلبه ولبى عيونه

فـ وقع اختياري على هالقطع

جاكيت جنز خفيف مشجر

بلوزه ام رقبه _هاي نك_ مخططه

بنطلون مقلم بـ 3 الوااان روووووعه ووآسع لان التوب ضييق حبيت البنطلون يصير واسع














وهذا لبس سبور مره

للبيت ولطلعاتي لاهلي ، ما حبيت يكون متكلّف

بلوفر اخضر

بلوزه ورديه عليها خاروف منبين طرفه

بنطلون ابيض بلمعه بس انه انتيك(فنتج) كآنه ملبوس ومكروف والا هو جديد جداً

وراااايق جداً










جبت الاشياء المهمه والضروريه لكل بنت تحب نعومتها وشعرها وتهتم بصفااوه بشرتها

واشيائي هي كالتالي



صمغ / لـ تلصيق الرموش الصناعية

فازلين شعر / لمعه للشعر ورائحه رائعه بلا حدود



قاروره زيت زيتون/ لصفاء الوجه وترطيبه وللسلطة أيضاً



فيكس / للمواطي ولنعومه اليدين



دواء كحه/ لرائحه الفم



بف باف بودره / لقمل الراس



نوعين مشوط / الكبير للتمشيط العادي والصغير لتفكيك العقد والتشابك الي براسي وللمساعده على حتّ القمل الميت



علوك مرّ / احبهن







النهايه يا بنات اتمنى انكم تدعون لي بحياه سعيده الله يبااااارك فيكم

وعقبالكم كلكم

واذا اعجبكم شي ياليت تذكرون الله

[شذى الريحان]

هههههههههههه

ربي يسعدك ويسعد حبيبة ابو نجر ونجر بذات نفسه هههههههه

اشكرك بحجم ضحكي
موديلات روعة ايش اقول وايش اخلي بالذات الاحمررررر ابو شنطة فضي جوووناااان
ماركات رائعة

الله يلطف بحالها ويهدي نجر ولا يبعد عنها بعد ماترش بودرة البف بااف
تسلمي عطر الكون ماننحرم من مواضيعك وتواجدك العطر

[نور الجنوب]

بالله انتي من جدك والله عيوني فاتحتها حتى مارمشت .ماشاء الله عليك ذوق جنان مره لو يشوفني عطيه بيها كان تخبل عليا زياده

بس لولبستي هذا وانتي على البحر مع زوجك في شهر العسل يوه مره يتجنن

[عطر الكون]

شكرآ عزيزتي - نور الجنوب - علي المرور والاعجاب - وعلي فكره عزيزتي ماهو انا العروس الله

يعطيك العافيه - التجهيزات لقيتها في الايميل - - وانتي ما جيتي تحطين توقيعك الا ذامعك التكروني

بغا ياخذ عقليه - يالله الصلاح يالله

[طوق الياسمين]

هههههههههههههههههههههههههههههههههههههههههههههه
كلها كوم وسروال خط البلدة مع تيشرت الرياضة كووووووووووم
الله يسعد قلبك اختي عطر الكون على هالموضوع الفلته .. ضحكت من قلب
واللي ألفت اللإيميل مهويه
شكرا لك

[عطر الكون]

شكرآ لكي عزيزتي - طوق الياسمين - علي المرور والاعجاب - ابيكم تظحكون - وألا ما احد يلبس مثل هلملابس - العالم تطور
ماعد الا ماركات وموديلات - بس وشرايك ما تموت من الظحك

[حظ عيني]

مشكوووووور والله يعطيك الف عافيه

[عطر الكون]

شكرىلكي عزيزتي - حظ عيني - علا المرور

[شمسuae]

ههههههههههههههههههههههههههههههههههههههههههههههه


ذوق ولا ارقى لا ومتفننه بالتطقيم وكسر اللون


يسلموو على نقل الموضوع

[عطر الكون]

شكرىلكي عزيزتي - شمس - علا المرور - والاعجاب - لا تفوتك تلماركات - كل عام وانتي بخير