من نسى الحب عفناه... !!

[بنت عز]

[align=center]
ياقلب لاتنهي حياتك بفرقاه
ماهو كفو ينهي حياتك وينهيك

دامه نسى وش كان حبك ومعناه
ماهو لزوم تكون وافي ويعنيك

ادري تهزك لاطرت بس طرياه
لكن ترى ياقلب ماعاد يطريك

حتى ولو تسمع كلامه من شفاه
ما أظن من منطق كلامه بيشفيك

أعلن رحيلك وتركه ليه تتلاه
وانت الذي حبيت ماجاك يتليك

واعفيك ياقلب العناء قوم واجفاه
هو من بدأ بالظلم بادي بيجفيك

من صد لو هو كامل الزين عفناه
وكلمة كرامه حر ياقلب تعفيك

وحده بوحده ظلمها كان ترضاه
طبق كلامي وأظلم وقول يرضيك

دام الجزاء نكران بالعين شفناه
وش فيك ياقلبي تمناه وش فيك

مني ومنك صادق الحب سقناه
ومنه الجزى للحب حرمان يسقيك

تزرع وغيرك يملك الحق بجناه
ولاهو بحقه وانته الموت يجنيك

يمكن ابا كذب لو بأقول تنساه
حاول وعالم في خفاياك ينسيك

حسبي على من صد والقلب يبلاه
حسبي عليك ويا عسى الله يبليك

يبليك في شخصٍ تحبه وتهواه
ويعاهدك بعدين حرمان يسقيك

ياقلب بشـــــرني تخطيت فرقاه
وقم ياصدوق وشلون غدار ينهيك

وقولي يا ( ... ) من نسى الحب عفناه
قولي حروف الحب ماعاد تعنيك[/align]

[هريري]

قصيدة روعه يابنت العز

نشكرك على مشاركتك لنا احساسك العذب

الف شكر .. وتحية طيبة لك

[بنت عز]

[المميز]

دائماً مشاركاتك حلوه يابنت العز

[بنت عز]

مشكور والله ع المرور المميز