مفارق ..

[عبدالرحمن الزهراني]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اشتقت لليل بعيونك وأنا شارق=يا صبح نور الجبين اللي بدا ضوه
لا تنهز الروح من غارق وأنا غارق=في حبك أرجوك لا تنهزه بالقوه
تقول سارقـــك بالله من هو السارق=والقلب مابين كفينك غدى جوه
شفني وان قبْل بيتك سارح ومارق=اتعبت قلبي وانا الهقوات مرجوه
يا سامي الحسن لا تشره على الطارق=اما اقض له حاجته والا العن الخوه
مصعب من الدمعه اللي تسكن مفارق=ومصعب من الغصه بصدره وهو توه
يشوفك الغيم والهتان والبارق=وانته بخيل ومطرك اقفى معا نوه
خذني سوالف ورق يا جمري الحارق=وخذني بقايا صور لا تكبر الهوه
ولا تشتكي الليل بعيونك وأنا شارق=يا صبح نور الجبين اللي خفت ضوه[/poem]

[العرنين]

اقتباس: يشوفـك الغيـم والهتـان والبـارق وانته بخيل ومطرك اقفى معـا نـوه خذني سوالف ورق يا جمري الحارق وخذني بقايا صور لا تكبـر الهـوه

.
وش نقول يا مبدع
صح لسانك ملايين ولا يسدون
صحيح للشعر في حضرتك رونق خاص
تقبلنا متابعين لك ولا بداعك
.
دمت بالف خير

[ابو نضال الدوسي]

رائع ومبدع كعادتك
عطرت متصفحك بعبق الشعر الراقي
دمت في حب وود

[العتمه]

صليب الراس



راااائعه بروعتك

صح لساانك ملاااايين

والله يعطييك العااافيه

[ابو دوس]

اقتباس: يشوفـك الغيـم والهتـان والبـارق وانته بخيل ومطرك اقفى معـا نـوه

صورة راقية

مميز ياصليب الرأس كعادتك

تقبل التقدير

[صالح بن فارس]

الله الله الله

دائما مبدع يابو محمد

صح لسانك

ولا خلا ولا عدم

مع ودي

؛؛؛

[عبدالرحمن الزهراني]

العرنين

ابو نضال

العتمه

ابو دوس

بن فارس

شكرا لكم احبتي على المرور جميعا

دمتم في حفظ الرحمن ورعايته

تحياتي وتقدير ي

[حمدان بن راشد]

اقتباس: المشاركة الأصلية كتبت بواسطة صليب الراس      [poem=font="Simplified Arabic,6,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"] مصعب من الدمعه اللي تسكن مفارق=ومصعب من الغصه بصدره وهو توه يشوفك الغيم والهتان والبارق=وانته بخيل ومطرك اقفى معا نوه خذني سوالف ورق يا جمري الحارق=وخذني بقايا صور لا تكبر الهوه ولا تشتكي الليل بعيونك وأنا شارق=يا صبح نور الجبين اللي خفت ضوه[/poem]

لله درّ الجمال ،، وتطويع المفردة حسبما تريد 00

شاعرنا القدير : صليب الراس

لك أجمل شكر على ما أمتعتنا به من جمال 000

[بحــــار]

يا سامي الحسن لا تشره على الطارق
اما اقض له حاجته والا العن الخـوه
-----------------------

أراهن على قصيدة بهذا النسج والهاجوس والطاروق أن لها مرتبة الشرف عند شاعرها وعند المتلقي لنسماتها
فخلف هذه القصيدة بناء محكم ونسج ملهم وحس منعم يحملها إلى الأمام من بين بنات الأفكار

صليب الراس لن أقول أكثر مما قالوا الأخوة الأعضاء ولكن سأشكر الشعر مرات كثيرة على هكذا قصيدة
دمت مبدعاً....وصح لسااانك ولا هنت



بحـــــار

[هريري]

ياسلام ياسلام يا صليب الراس

والله قصيده من القلب للقلب .. كل بيت فيها محبوك وسلس وجزل

ابدعت جداًَ واجدت بقصيدتك من اولها لآخرها

ولو انك مقصر معانا شوي وبخيل حبتين علينا بقصايدك السنعه ..

وانا اخوك لا تطول الغيبات وخلك قريب منا بهذي العلوم الطيبه ..

الله يسلمك ويبارك فيك

بو مازن