|
|
|
|
|
 |
 |
 |
|
#1
22-10-2009, 10:51 PM
|
||||
|
||||
مدري (تفو) هي مدح ولا شتيمه
مدري ( تفو ) هي مدح ولاّ شتيمـة حــتــى وردنـي تالـي الـليـل جــوال وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يـا طيّـب الفـال قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب أطفـال ) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقتفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـ خـلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة؟؟ِ ملطوش  
|
 |
 |
 |
|
|
|
|
|
23-10-2009, 05:57 AM
|
#2 |
 |
رد: مدري (تفو) هي مدح ولا شتيمه
××
تحتمل الرآيين هع \ ثآنكس ع الموضوع ×× |
|
|
|
|
|
|
|
|
|
|
|
24-10-2009, 07:51 PM
|
#4 |
|
رد: مدري (تفو) هي مدح ولا شتيمه
لا مدحه خخخ
وتسلمييين ع النقل بس المفروض يكون في قسم الشعر  شكراً يا كوووله |
|
|
|
|
|
|
|
|
|
|
|
|
26-10-2009, 10:26 PM
|
#5 |
|
رد: مدري (تفو) هي مدح ولا شتيمه
مخربها
شكرا على مرورك هذا شعر نوع من الفكاهه حسيت انو من الافضل يكون في الاستراحه |
|
|
|
|
|
|
|
|
|
|
|
|
26-10-2009, 11:17 PM
|
#6 |
|
رد: مدري (تفو) هي مدح ولا شتيمه
{ تـفـو } عليهاااا ،،
انا انسجمت مع الشعر هههههههههههههههه << اركد خلك ثقيل ،، تصدقين احلى و ارق كلمة سمعتهاا بحياتي { تفو } ياااااااااااااااهـ على ذيك اتفلااات اقصدد اتفو << يبي ينكبك انتباااااهـ ،، جميل شكراا ع الموضوع ،، |
|
|
|
|
|
|
|
|
|
|
|
|
26-10-2009, 11:27 PM
|
#7 |
|
|
رد: مدري (تفو) هي مدح ولا شتيمه
صقر المهاوي
عجيب امرك تحب التفلات شكرا ع مرورك |
|
|
|
|
|
|
|
|
|
|
|
|
26-10-2009, 11:34 PM
|
#8 |
|
|
رد: مدري (تفو) هي مدح ولا شتيمه
8
8 8 اوخس عرفتي ايش يعني { تفو } ،، كانت مجرد دعــآآآآآبهـ والله يكرمنا عن التفلات ،، الله يصلحك ،، |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : مدري (تفو) هي مدح ولا شتيمه
|
||||
| الموضوع | كاتب الموضوع | المنتدى | مشاركات | آخر مشاركة |
| ذكاء مدري ابداع مدري فضاوه مدري وش اسميه ...!! | الســرف | الإستراحة | 11 | 05-07-2009 10:54 PM |
| مرة أخرى ! | عبدالله العلي | المنتدى العام | 23 | 28-06-2009 12:15 AM |
| مجرد حلم ......... مجرد حلم ....... مجرد حلم | olas | المنتدى العام | 2 | 28-03-2008 03:31 PM |
| مدري من احب | خالد رجب | الموروثات الشعبية | 7 | 31-08-2007 11:51 PM |
| موقف محرج ولاعنده موقف محرج يتفضل لايبخل به | البرفسور الحنون | الإستراحة | 8 | 15-05-2007 04:38 PM |
