حـــبّ الـــــوطـــــن

[عبدالله الطنيني]

حب الوطن

ديوان الطنيني ص(37)

[poem=font="Simplified Arabic,6,green,bold,normal" bkcolor="transparent" bkimage="backgrounds/6.gif" border="inset,4,gray" type=1 line=0 align=center use=ex num="0,black""]
حب الوطن ياغلى من الروح والعين=مالك علينـا الا الـولا والخضـوعِ
لله ربـي ثـم لـك حيـن تدعيـن=تفديك روحي باختيـاري وطوعـي
كم صار فيك امثال بـدرٍ وحطّيـن=يومٍ على العـدوان بقعـا تصـوعِ
وفيـك نجـدٍ زهــرةٍ للمحبـيـن=دار آل مقـرن سابقيـن الجمـوعِ
حكامنا في حـزّة الضيـق والليـن=تدلّلـي رايتـك ترقـى الطـلـوعِ
أخـوان نـورة يالثقـاة المياميـن=أصلٍ مـن الريحـان مـدّ الفـروعِ
كثبانها تحكـي تواريـخ وسنيـن=أبطـال نجـدٍ ممّنيـن الـربـوعِ
وانتي حجاز النور مهوى الملاييـن=منها بدا الاسـلام صافـي النبـوعِ
خدّك جميـلٍ زيّنـه شامـة الديـن=الكعبـة اللـي ماتمنـى طـمـوعِ
إنـه يمـسّ اركانهـا الاّ الملبيـن=الطايفيـن الساجديـن الـركـوعِ
مكة وطيبة تاجنـا اللـي تِحِلِّيـن=على ذُرى الهامات مالـك وضـوعِ
وبك القسم مذكور في سورة التيـن=لما ذكرت اسمك هنانـي متوعـي
وانتي شمال الخير سورٍ وتحصيـن=على غلال ارضـك مـلاذ النجـوعِ
وانتي خليج الخيـر بيـدك تمدّيـن=نفطٍ على العالم يضـوّي الشّمـوعِ
وانتي شواطِ البحر لحمر تضمّيـن=الساحل الغربـي ضميـن الـدروعِ
وانتي الجنوب على جبالك تَعَلَّيـن=مصيـاف للـي بالسياحـة ولـوعِ
باشجارك الخضرا وزهرك تحلّيـن=فيك اعتدال الجوّ يشفـي الوجـوعِ
سحر الطبيعة فيـك كلـك بساتيـن=حسنك ينسّينـي ظمايـه وجوعـي
بجبالـك الشمّـا قـروم المياديـن=بالذود عنهـا فـي نهـار القُـرُعِ
لما ذكرتك هزّنـي الوجـد والبيـن=واكتب قصيدي من غزيـر الدمـوعِ
والروح ترخص يا بلادي وتشريـن=قرار صادق ليـس فيـه الرجـوعِ
كلك عزيـزة يـا بـلادي وتُفْدَيـن=يا سكنة قلـبٍ تضمّـه ضلوعـي [/poem]

وسلامتكم يا كرام

[فواز المالحي]

طابت ايامك وطابت اوقاتك استاذي العزيز : ابو رشاد
تحيه مني لك والى جبال تنومه الزهراء - تحيه لك حرف كتبته في هذه القصيده
المفحمه بالحب والاصالة المدمجه بالتعلق بالوطن الكريم يا رجل من بين الكرام مكانك .


تحياتي،،

[Mansour Al-zahrani]

صح لسانك
والله يعطيك الف العافيه

[عبدالله الطنيني]

اقتباس: المشاركة الأصلية كتبت بواسطة فواز المالحي      طابت ايامك وطابت اوقاتك استاذي العزيز : ابو رشاد تحيه مني لك والى جبال تنومه الزهراء - تحيه لك حرف كتبته في هذه القصيده المفحمه بالحب والاصالة المدمجه بالتعلق بالوطن الكريم يا رجل من بين الكرام مكانك . تحياتي،،

**************************
الأخ العزيز : فواز المالحي

أحييك من كل قلبي على ردك الوافي ، ومرورك العطر ، وثنائك الجميل ، ووطنيتك الملتهبة

أدامك الله وشكر لك حسن الحضور

[عبدالله الطنيني]

أخي زهران للمجد عنوان707

صح بدنك والله لا يهينك

[العندليب]

المتألق عبدالله ..
هنا قصيده إنتمائيه للوطن ..
أستمتعت بقرائتها ..
شكراً يليق بحجم ماكتبت ..

[عبدالله الطنيني]

العندليب الغالي :

وأنا سعدت كثيراً بحضورك ، وقراءتك لهذا النص الوطني

شكراً على المرور ، والثناء ، والوطنية الأصيلة