::: نــزع الـســتــار عــن بـعـض مـطــاعم الـفــول والــكــبــده :::

[أبــو زيــاد]

السلام عليكم ورحمة الله وبركاته


نزع الستار عن بعض مطاعم الفول والكبدة وغيرها






الكل منا يعرف انتشار المطاعم في الاونه الاخيره وكان الانتشار ملحوظاً , فلذا ان 99%
لا يعلمون عن مدى نظافة هذه المطاعم , والله اللي اشوفه انه يذهب العقل كما يذهب عقل شارب الخمر وانا جايب لكم اكثر من صوره لكي تفقهون ما يحدث داخل المطاعم وانتم لا تعلمون


-1-

زي ما انتم شايفين كيف وضع الثلاجه هنا هي في حاله يرثى لها هل رأيتم كيف يتم التخزين !! واغلب المطاعم تكون ثلاجاتهم كذا

-2-

شوفو كيف فتحة الصرف الصحي مكشوفه جنب جرة الفول


-3-

وش رايكم بهذي الصوره والصرصور يتسبح في طشة غسيل الخضروات


-4-

شوفو يا احبتي وش يسوي اخينا في الله البكستاني اكيد ما عرفتو وش يسوي انظر للصور اللي بعدها وتعرفون



-5-

شفتوو اخينا في الله صار يفرم البصل بقطعة قماش وتم اخذ مسحه طبيه من هذي القطعه وجدنا عدد البكتيريا 2800 بكتريا والحد المسموح للبكتريا وبعدها تتلف 250 بكتريا شفتو الفرق, كل هذا بخل عشان يشتري فرامه بصل ولا همه صحة الناس اللي تشتري منه


-6-

هذا احد التوانكي لدى احد المطاعم المشهوره وشوف التانكي


تقولون ما فيه شي اوكي انا معكم ان ما فيه شي بس انا حاطه استهبال لالا دققو زين في الصنبور ,
شوفو الكوع اللي على اليسار تحصلونه من حديد وفي جوف الكوع يوجد صدا متراكم ,
وهذا الصدا يعطي نكهه مميزه من بد المطاعم

-7-

شفتوو لون الزيت ذهبي براق وانا اصوره انعمت عيوني من قوة البريق اعوذ بالله شوفو وشلون درجة السواد
برضو هذا احد البخلاء عشان ما يغير الزيت



-8-

نفس خوينا اللي فوق


-9-

عاد هذي الصور انا بغيت اتهور واطق البكستاني يوم شفت معه الزقاره واقوله ليه تدخن يقول هذا سيجاره مافي حق انا ,


-10-

هذي فتحة الصرف الصحي وموقعها داخل المطبخ يعني انواع القذاره في الاكل


-11-

نفس الصوره بس من جهه اخرى


-12-

شوفو الاكل الصحي << صحي ببطنك وش رايك بالمنظر يشهي صح وهو مكشوف يم يم << تقوطر سعابيله يوم دخلنا هذا المطعم كانت الساعه 11 الصباح ما طلعنا منه الا الساعه 12.30 دخلنا وطلعنا الاكل مكشوف الله العالم من متى وهم مصلحينه ومخلينه مكشوف وشف كم بكتريا وكم ذبابه اخذت لها لقمه وطلعت وااااااااو اكلاً شهي


-13-

العامل اقوله وش ذا السواد اللي بظافرك يقول هذا من الشغل وربي انه كذوب ياخوفتي انه يشتغل في الورشه اللي جنب المطعم والمطعم نقصهم واحد وجابوه على طول ولا غسل يدينه وقعد يقطع الزلطه>> السلطه اللي يتكلمون بالاتيكيت وعلى فكره ترا هذا العامل يعمل لدى مطعم معرووف العالم منكبين عليه كب


-14-

انواع الامراض في يدين ذا العامل شوفو اليد اللي على اليمين شوفو اظافره واليد اللي على اليسار البثور اللي فوق السبابه


-15-

بالله هذي صاطوره يقطع بها لحمه ولا يقول هذي الصاطور من احسن الصواطير عندنا ولو تلاحظون ان اللحمه متجمده و من الغلط تقطيع اللحمه متجمده و وضعها في القدر وهو ساخن


-16-


تعليق الصوره تتحدث

وأشك انها كبدة حمار


منقوول لصحتكم

[فكـــر مزدوج]

يا اخي ملقيت تطرح الموضوع هذا الا وقت حزة الغذاء

ويقولون من اين تأتينا الامراض

تاتيك من المطاعم التي تاكل وجبتك الهنيئة منها

[آمـيرهـ بآح ــساسي]

وع وع وع الله يقرفهم
البلديه نايمه على هالمطاعم،،
مشكور اخوي

[ابن الفقهاء]

تحياتى ابو زياد والله يعطيك العافيه
االله انى كنت جوعان وناوى اطلع اتعشى براء..وسديت نفسى
او لا لك كل الشكر..
وسؤلى من هو المسئول عن كل هذا ..حسبنا الله ونعم الوكيل
هذا المطعم ..مثله الف مطعم بهذا المنظر واكثر بعد
ولكن ..من الذي مسئول وهل المسئولين يعرفون با الى يحصل ولا يا غافل لك الله
وما ادرى ..ليش ما تذكرون اسم المطعم عشان الناس تتعض منه
وياليت اعرف شصار لهم سكرو المطعم واكتفو بكذا ولا عطوة شهادة صحيه فوق البيعه
يا اخى تعبنا وربى تعبنا اصبح العماله هم ابناء البلد ونحن الغرباء
حسبنا الله ونعم الوكيل

[جمرة غضى]

والله حسيت بالقرف والله احس اني ماعاد اطيق الاكل

وش هالوصخ العامل كنه سنه ماوقع الماء والصابون

على يده خل عاد يلبس قفازات ويتبع الانظمة الصحية

والا الزيت وياعيني عالزيت صراحة

ودي اسدح ذالعامل فيه عشان يحس بالمرض معه ههههه

ابو زياد حذرتنا وهذا اللي شفته بس اجل اللي مانشوفه اعظم

والله كرهت اكل المطاعم مع اني كان نفسي اطلب

من المطعم اللي جنبنا لكن حرمت اكلهم الله يقرفهم

[قلب من ذهب]

مشكور يابو زيزوووو على هذا النقل الرااائع لكي يتعض من ادمن على اكل المطاعم وما خفي كان اعظم في مرة من المرات رحت في بوفية عند العمل وطلبت شاهي وجلبه لي قلت صديق ما فية نعناع قال فية واخذ الكاس الشاهي من امام ورجعها لي مرة اخرى وفيه ثلاثة ورقات نعناع وأناظر في الكاس اذا دودة الحقول الذي تتغذى من ورق الأشجار تطفو على كوب الشاهي فناديته وقلت تعال بسرعة ويش هذااااااااااا لاشعوري وبخوف شديد اخذ الدودة من وسط الكاسة كانه منقار طير من سرعته فكانت ردت فعلي ان امسك الكاسة بشاهيها الساخن وظربها على صدرة وخرجت وانا متقزز وبعد فترة حلفت ماخذ من عندة شي لو اموت جوعاً وعطشاً وبعدها بفترة دخلت وهو يعرفني جيداً فتحت الثلاجة واخذت علبة كولا وجسلت واذا بهذا الصرصور الزاحف يركظ على طاولة التي يقطع بها السندويش لزبائنة وقل لة ياحمار اشي هذا ففي غفلة من دخل الصرصور بين القزاز ومنظدة البوفية ماذا تتوقع فعل امام ناظري اخذ السكين التي يقطع بها الطلبات ويدخلها بين هذه الفتحة حيث كان الصرصور في موقع يفظحة من خلف القزار بعدها اخبرت علية الجهات المختصة وتم قفل محلة الى يومك هذا ففعلاً يا ابو زياد ما لنا الى الظاهر والباطن يعلم الله به . شكراً على الموضوع وتقبل مروري ودمتم بود

[الهيثم 07]

صور مقرفه وتشمئز منها النفوس
يازين اكل البيت بس
والله لايحرمنا منه

[احمد1399]

طيب وش اسم المطعم عشان نعرفه

[عبدالرحمن بن شحمان]

اووووووووووه ماشفتم شيء هذا غيض من فيض ...... اتمنى من كل الأزواج أن يجعلوا زوجاتهم يطبخون لهم في البيووت احسن لهم ولأطفالهم ..صحة ..ونظافة ..وجودة ونكهة.
بس أغلب الشعب كسلااااان .. ومعودين حريمهم على المطاعم وبالذات أهل الحضاااااره الكذابة .
والله لو ماتاكل في بيتك إلا قرص مع عسل وسمن أفضل لك من المتخبي في هالمطاعم ... .
لو ومره شفت نفس موضوع الأخ ابوزياد الله يعطيه العافيه ... بس كانت الصور في مطعم بالرياض لا وخمس نجووووم والله أنواع القرف وكل مايسأل موظف البلديه المسؤول عن المطعم يقووم يبرر ويصرف الموضوع .. بس كان الموظف ذكي وجاد معه .. قال بدل ماتعترف ووتخاف من الله في الناس .. تقوم تبرر .. المهم كان اللقاء جاد وحاد بالصوت والصورة .
تحياتي لكم ،،،،،،،،،، وانتبهوا لبطونكم .

[رغدة]

يخليلي هالايادي ونفسها في الطبخ اللي قاعدة تأكلنا وتشربنا من يعي السعودي الدنيا