شطحات من غير منشطات !!

[عالمي زهران]

تكيه عالرمل >>
لو انت بناديك مغتر .. ولا بطولاتك اكثر .. لاتجي تبلف علينا .. تلف وتحوس وتفتر .. ترى بنصيح في وجهك .. غرق الغرقان اكثر !!

بقوم اتكي عالبست >> والبست يعني مكان افضل .. لايروح تفكيركم بعيد !!
ولا قووم ياولد يحسبونك تتعاطي منشطات !!

عشان كذا بتكي عالشاطي >>
واقول ::
اصبحت لجنة المنشطات فرع لمكافحة المخدرات .. وعليها واجب تنظيف المجتمع من متعاطي الدرقز !!
لجنة ( انت فيك بلى ) تعال حلل !!
توها تشتغل هاللجنه منذ اسست واصدرت اول قرار.. تدرون ليش !!
لانها في كل مره تحلل تلقى واحد من حبيب القلب متورط ,, وش الدبره ياولد ؟
تدري حطها في الدرج .. وانسى الموضوع .. ماحد داري عنك يبو .. حنا اللي نحلل .. وحنا اللي نورط .. حنا اللي نطلع قرار !!
من الحماس يالجنه طافت عليكم .. اننا ندري منهو اللي تورط .. ومنهو اللي فكه الله !!
ومن الحماس يالجنه هانوا عيال خلق الله عليكم وبديتوا بالتشهير والتفضيح !!
وينكم لما انقفط خوينا في الله .. وطلع شارب ريد بل !!
ولا حرام على عيال الناس وحلال على كل ماهو ازيرق !!
يعني على الاقل اقفطوا واحد شبهه .. واحد نقدر نقول انه راعي فله .. مو واحد مثل علاء الكويكبي !!
ولا عشانه انتقل للاصفر .. وعاقبتموه على تحقيق رغبه طالما تمناها !!
وجاك الدور ياغالي .. غالي علينا .. وهاين عليهم !!
وبكره تلقاهم قافطين الدغيثر ( بتهمة الدعايه لمشروب روحي ) >> هذا عاد صار منكم وفيكم .. وقفطته صعبه !!
ياحليلكم يالمولد والكويكبي .. يوم جاكم القرار وكنكم تقولوا ( ياعيني حظنا تعبان ) !!
ايوا الله تعبان .. ليش تاخذ علاج .. ومن قلك تعالج .. انطق انت واصابتك وخل الرباط يرتخي !!
اما غيركم .. فلن نتجرا الا ان نقول له ( مكانك والله ماتقوم ) !!
غيركم مدعوم .. غيركم عنده ناس تتفزع له .. ويطلع من الملعب وكننه مصاب .. وانحش ياولد لايقفطونك !!
الغريب في الامر ان الصحف المزرقه تنادي بدعم اللجنه .. ونسيت او تناست ان اغلب لاعبيهم تحت النظر .. لمن يشاهد ويرى .. ولكن ليس بيدك سوى ان تقول وما تطول !!
كل اللجان تصفق .. وتحييك .. يالله عسى القفط حولك حواليك !!
************************************************** *******

منشطات >>>
% لانه رجل صاحب اخلاق عاليه فرضوا شروطا لاصارت ولا استوت .. (ياتوقع ولا انطق هاوي ) بامر من صاحب تسع سنترات قصدي تسع مهمات !!
% في سلم الطايره .. شكيت غصبن بكيت .. على محبين لوني .. ليه ماتوجوني !! ياحبكم للتشكي والتبكي .. حتى الطايره ماسلمت .. لو خسرتوا سباق سياكل .. قلتوا حدونا عالرصيف !!
% يقول مو شغلي .. مدير الاحتراف ابخص .. وانت خليت احد يشتغل ولا يقول .. يكفي انهم كلهم فضحوك .. قال ايش .. قال مشاكلنا داخل البيت ال..... !!
% فازوا بثنتين .. والثالثه في الطريق .. اصعد اصعد .. بس يمديك عالفرق اياها .. عن نفسي اتمنى وقف التخصص .. فانت الوحيد الذي عجزت عن كسر القيود البيضاء .. وغيرك لزخهم تلزيخ بالسبعات والاربعات !!
% من هنا انا استقلت .. ومن هنا مسنتر في المنصه .. متى ناوي تنزل المشرط .. ترى قطعت القلوب !!
% ابو ثلاث صنايع والبخت ضايع .. مازال لايفرق بين عمله في الاتحاد .. وعمله كعضو في الاتحاد .. ياخي اذلف !!
% ماخذ من اسمه نصيب ... فمازال يعقر عنق الاخضر بلاعبين سبايك .. القلعه ستهوي ان استمر يذرف دموع التماسيح !!
% رئيس لجنة الزي الاسود سابقا .. ابى الا ان يخفي ماكاد ان يظهر .. تفرمت الاجهزه ليه .. فيه شي خايف يبان .. ولا عشان الجهاز كله فيروسات .. مو اللي حولك كلهم فيروسات .. وانا اقول ليه دايم هالحكم مايحكم الا للفريق الاوحد !!
% النصر لاقيها من مين ولا مين .. مره احتراف .. ومره حكام .. ومره منشطات .. ويافيصل روق .. لايهمك هالبلك !!
% مطرب الصافره الزرقاء .. عرف لهم زين .. بطل ياصبي غامد .. حشرتهم حشر.. وعلى فكره .. هذا الحكم احد الذين رشحتهم يالزيد .. اذكرك .. ولاتسوي نفسك كنك مادريت !!
************************************************** ******
خلاص >>
اللي يبي يشطح يتفضل هنا ....
شكرا

[الوآصل]

يعطيك العاافية

مـوضـوع تـشــكر علية

[ابواحمد الدوسي]

عالمي زهران /دائما مواضيعك احب امر عليها

الى الامام وفقك الله

[عبدالرحمن بن مساعد]

لجنة المنشطات ما هي إلا لجنة فساد
وتصفية حسابات وتتحكم فيها العاطفة
والميول 0
عمل عشوائي وتشهير ومداراة حسب المزاج
وحسب الأوامر وماهي إلا أمتداد للجان الفساد
في الاتحاد السعودي لكرة القدم , لجنة الاحتراف
واللجنة الفنية واللجان المالية .................

لك الله يامولد ولك الله ياكويكبي فقد ذهبتم ضحايا
لجنة الحث على المنشطات 0

تحياتي أخي عالمي زهران ,,,

[ملف ضآيع]

[ALIGN=CENTER][TABLETEXT="width:70%;"][CELL="filter:;"][ALIGN=center]

اقتباس: وجاك الدور ياغالي .. غالي علينا .. وهاين عليهم !!

بتاع الكشري وولد حارة صعايدة كول حالفن بالله وقاضبن ارضه ويحلف انه بريء
بس ان إدارته ماش قالت له تزلع ياتسسسذوب خخخخ أجل تروح معد عيال ديرتك تشرفونهم
عند ذولا مهايطية الطبول ونقلك وحنا نشوفك تلعب " بالروح بالفلوس نحبك ياغالي "
لكن ماش ياظلال أبوك طلعت منب قدها ,,, منشطاات ياغالي منششطات تدري هيآ تزلع
ومعد بنكلمك اذ نبيك بنرسلك فاااكسات ,,, ولانقولك حتى الفاكسات خسارة فيك يكفي الفواتير
اللي علينا والديون اللي كسرت ظهورنا ,,, بنرسلك الدكتور حقنا ذا اللي ودنا نكلم لجنة المنشطات
برضوه تكشف عليه لاننا نشك في وضعه

فـــ تنرفز المصري وغضب وراح بالغلط يمسك جلال الصلاة ويقول ( ياربي دناااا بريء دنا بريء يا كحييييلان )
فــ قرر عدنان سوري قصدي (غالي) وقال : انا حسافر لــ ماليز وكشف على نفسي ووالله لو طلعت النتيقة (النتيجة)
سليمة حتعامل معا إدارة النصر بشكل تاااااااااني ( ثاني )


( بــــ صراحة مب صااااحي هالمصري ,, اللحين حسين عبدالغني يذب على المسكين )

http://arabic.cnn.com/2010/sport/3/1...ter/index.html

\\

اقتباس: % مطرب الصافره الزرقاء .. عرف لهم زين .. بطل ياصبي غامد .. حشرتهم حشر.. وعلى فكره .. هذا الحكم احد الذين رشحتهم يالزيد .. اذكرك .. ولاتسوي نفسك كنك مادريت !!

هذا ابراهيم النفيسة من اسمه نصيب
غث (غازي صدقة) كل شوي ومرسل له رسالة يقول يخوك ( قول النادي الملكي ) وريحنا
ابو صدقة سحب على المسكين ,, فقرر ابو نفيسه انو يرسل رسالة ثانية
ارسل لــ صدقة من باب عساه يتصدق عليه خخخخخخ (أخوي فرصتك الآن تقول النصر الملكي بدلاً من الهلال الملكي )
فمرتن اخرى سحب عليه ابو صدقة ,, والله لو اني من هالنفيسة اني لـ اصفق برأسي بالجدار ولا افهم
ان ناديي مب ملكي خخخخخخخخخخخخخخخخخ ,, الا اذا تسسسآن قطع تشــ.....!! جمس ملكي
اللحين عصب النفيسة وارسل رسالة قوية شوفوا وش يقول ( المؤمنون عند وعودهم، وعدتني العام الماضي أنك تقول في أول مباراة للنصر وأنا في انتظارك) خخخخخخخخخخخخخخخخخخخ ياهو الي قفلت اخلاقة
الزبدة ان السالفة ماطولت ونكشف المسكين << مسكين مخسسر نفسه 25 هلله في الاخير ينقفط
النفيسة اللحين موقف ياظلالك يــ غازي صدقة خخخخخخخخخخ !!


بعد يقول ان ( الحكم \ عبدالرحمن الغامدي ) أنه لا يشجع بطل الدوري والكأس ولم يقود له أي مباراة رسمية، وقال: "ميولي نصراوية، وأنا عاشق للنصر، والجميع يعرف هذا الشيء، وأنا لم ارتكب جريمة"، مؤكداً أنه ضحية لتصفية
حسابات بين الإعلام الذي ينتمي للأندية

http://www.alarabiya.net/articles/20...12/102849.html



طبعا الاخبار من تعليقي << يالله ماينشب لي إبراهيم النفيسة


عالمي زهران






[/ALIGN][/CELL][/TABLETEXT][/ALIGN]

[العود الازرق]

رساله للادارة العزيزه للمشرفين الكرام اعتقد ان منتدانا هذا صار لمن يثبت جهله وتعصبه بنشر اكاذيبه على الهواء نتنى الوقفه الصادقه بردع من يمتهن الكذب وارسال من يجهل قوانين الفيفا ليتعلم ماعندنا وقت نعلم بعض الجهال قوانين الفيفا او غيرها 000قاتل الله الجهل وقاتل الله الجهل وقاتل الله الجهل 000000

[مُـخْ تَلـِفـ]

اقول وش صار مع حسام الرخيص بيتعاقب ولا واسطه رئيسكم بتحل المشكله ودي

[ملف ضآيع]

اقتباس: المشاركة الأصلية كتبت بواسطة مُـخْ تَلـِفـ      اقول وش صار مع حسام الرخيص بيتعاقب ولا واسطه رئيسكم بتحل المشكله ودي

[ALIGN=CENTER][TABLETEXT="width:70%;"][CELL="filter:;"][ALIGN=center]الرئيس حقهم سحب عليه [/ALIGN][/CELL][/TABLETEXT][/ALIGN]

[ابو يزيد الحريري]

لجنة المنشطات غير سوية .. ولماذا طلعت لنا لجنة المنشطات في اخر الدوري
اينهاااااا من اول الدوري .. في الرمق الاخير قبل الانتهاء من الدوري ..
اختاروا لغة لجنة المنشطات لاادري لماذا ... لم يكون هناك ...
بداية فالبداية تجعل من الجميع الالتزام ..

[شعب الحماطه]

تعاطى الدرقز واقعد في بيتكم

بس مو تتعاطى المنشطات وتنزل تحرث الملعب