مع خادم البيتين ، عبد الله آل سعود

[عبدالله الطنيني]

مع خادم البيتين ، عبد الله آل سعود

بمناسبة الأوامر الملكية الكريمة 13/4/1432هـ

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
على الباب يا تاريخنا الحاضر المشهـود=مع الوقت لا تعجـل وخلّـك علـى بابـه
مـع خـادم البتيـن عبـد الله آل سعـود=حبيب الجميع ويرحـم اللَّـه مـن جابـه
عطا الشعب من حبّه وطيبه بدون حـدود=وغيث العطـا للمملكـة فاضـت اشعابـه
سخيّ اليمين وما يـدوّر علـى المـردود=يكون الدعا المخلص من الشعب يسخى به
فنطلبك يـارب المـلا الواحـد المعبـود=قريب الرجـا للعبـد مـا خـاب طلاّبـه
تديم الزعيم الحانـي الفـارس المعـدود=أبو متعب الّـي مـا نفـذ وابـل اشبابـه
وتكسيه ثوب السعد والصحـة المنشـود=وتكفيـه ياربـي مـن الضيـم واسبابـه
وتجعل سنينه كل عـامٍ وهـي فـي زود=يواصل طريق الخيـر: ذا شـرّع ابوابـه
أقوله وكل الشعب قالـه بـدون جحـود=زرع للوفـا والحـب بقلوبـنـا غـابـة
جزيل العطايا ما طوى حبلهـا الممـدود=وعهد الرخا والسعد والأمن عشنـا بـه
نقيّ السريرة سمح لطباع راعـي جـود=حريصٍ لنشر الدين والنـور يسعـى بـه
أبٍ لليتيـم الـي وليّـه غــدا مفـقـود=وعون الفقيـر ان خيّـم الفقـر باطنابـه
وهو للصبي حاني وهـو معنـزٍ للعـود=أيلا زاع في القومـة ولا لقـي مشعابـه
وهو عايد المرضـى ولا يلحقـه منقـود=ولا غـاب واجبهـم علـى قلبـه النابـه
وهو للعدا لطامهـا فـي الليـالِ السـود=ولـو يرجـع النمـرود يخشـاه ويهابـه
فسر يا سليـل المجـد ياثابـتٍ كالطّـود=فلا هو يجيب المجد من لم يضرّى : بـه
أوامرك زادت في رصيـد البـلاد ابنـود=وفيها البشاير ضافهـا الشعـب لحسابـه
وممّا عطاك الله وجـودك مـن الماجـود=شملـت الإمـام الّـي يصلـي بمحرابـه
وفي غاير الوديان للماء : بنيـت سـدود=تروّي بها العطشان ايـلا شـحّ صبّابـه
انا امدح فريد العصر والعالميـن شهـود=كلامي صحيحٍ في دُجى الليل يُسْرى : بـه
قيادة عليهـا ساكـن المملكـة محسـود=ثـرىً بالرسالـة ربنـا طهّـر اتـرابـه
تساميـت يافخـرٍ عليـه اللـوا معقـود=علـى برنـا والبحـر والجـوّ واسرابـه
ويفديك منّا الروح ايـلا ذعـذع البـارود=من الحاقد الّـي هاجـس الحقـد ينتابـه
ولرهابي ان حاول يرود ارضنـا ويعـود=نـردّه علـى لعقـاب ويمـوت بارهابـه
وحن ياملكنـا شعبـك الوافـي المعهـود=على البيعة الّي تدحـر ابليـس واحزابـه
وحن سيفك الساطي رهيف الشبا وحـدود=وحن للوطن حصنه وجيشـه ومشهابـه
نحبك وحبّك في صميم الحشـا مرصـود=قلوبٍ نزل فيهـا فـلا تنبـض الاّ : بـه
ولك يا حبيب الشعب منا الـولا وعهـود=عهـود الـولا و بسـنّـة الله وكتـابـه [/poem]

الحقوق محفوظة حفظكم الله

وسلامتكم يا كرام

[عبدالرحمن الخزمري]

صح لسانك وبيض الله وجهك و مشكوووووور والله يعطيك الفــ عافيهــ

..

دائمـا راائع بــ قصائدك المميزة

..

الله يحفظ ملكنا ويطول في عمره

[جبل ابراهيم]

لـرهـابـي ان حـــاول يــــرود ارضــنــا ويــعــود

نــــــردّه عـــلـــى لــعــقــاب ويـــمـــوت بــارهــابـــه

وحـــــن يـامـلـكـنـا شـعــبــك الــوافـــي الـمـعـهــود

عـلــى البـيـعـة الّـــي تـدحــر ابـلـيـس واحــزابــه

وحـن سيفـك الساطـي رهـيـف الشـبـا وحــدود

لـرهـابـي ان حـــاول يــــرود ارضــنــا ويــعــود

نــــــردّه عـــلـــى لــعــقــاب ويـــمـــوت بــارهــابـــه

وحـــــن يـامـلـكـنـا شـعــبــك الــوافـــي الـمـعـهــود

عـلــى البـيـعـة الّـــي تـدحــر ابـلـيـس واحــزابــه

وحـن سيفـك الساطـي رهـيـف الشـبـا وحــدود

مشكوووووور والله يعطيك الف عافيه

[ابو عازب العدواني]

صح لسانك قصيده رائعه

[عبدالله الطنيني]

رسبما

أشكرك من القلب

[عبدالله الطنيني]

جبل ابراهيم

تحيا وتدوم

[عبدالله الطنيني]

مختار الدار

حضورك أروع

شكرا لك

[سعد الحبيطه]

يعطيك العافية
دمت بوود

[عبدالله الطنيني]

سعد الحبيطة

شكرا لك

[أبوعدي]

صح لسانك