(المثيرة ) قصيدة تهكميـّة ، ولكنها هادفة

[عبدالله الطنيني]

قصيدة تهكميـــّة ومحليــّة جداً ولكنها هادفة

المـــــــــثـــيــرة

[poem=font="Simplified Arabic,5,darkred,bold,normal" bkcolor="transparent" bkimage="" border="double,4,green" type=0 line=0 align=center use=ex num="0,black""]
عطتنـي الدنيـا دروسٍ كثـيـرة=عمـرٌ بـلا درسٍ قليـل الفوايـد
دنيا العجب دنياً غريبـة مثيـرة=إن وجَّهتْ ماهي تفيـد السدايـد
إذا حلت ساعاة فساعـة مريـرة=المكـر فيهـا والتحـدِّي بزايـد
هي علمتني في الظروف العسيرة=أدوسها واصبر علـى كـلّ كايـد
قالت لي احذر من خبيث السريرة=لو ضحك لك عشرين عامٍ وزايـد
في ضحكته يخفي سمومٍ خطيـرة=في لَدْغ صدقانه له الطَّبـع سايـد
تأخذه من طبع المسافيـر غيـرة=حكل الشَّبا لـو ينطلـق ملغمايـد
يبقى وضيعٍ تحت قـاع الحفيـرة=لو شاف نفسه فوق كوكب عطارد
عسى على فرقـاه ميتيـن خيـرة=ويولِّـي المعثـور لاعـاد عايـد
خلَّـه يولِّـي لا تقـوِّد بعـيـره=يلقى علـى شكلـه دليـلٍ وقايـد
ليّام قالت لـي عليـك البصيـرة=في ندب كيس النوم تلقـاه راقـد
من كثر نومة جاك يشكي سريـره=وتشتكي راسـه وثيـر الوسايـد
وان عاسرك خلّه يواصل شخيـره=شهْمٍ على السُّفْرة صبيّ العصايـد
ثور المراميد اتركه في الحضيـرة=أقرب له العِلْفـة وعـبّ المـذاود
والِّي بنا مجده على اكتاف غيـره=منْه الوفـا يبقـى بعيـدٍ وشـارد
لاعوَّدوا لبطـال تسمـع هديـره=ويقول غبني ما حضرت الطرايـد
وان جاك في بعض المعاني كسيرة=فاترك خناق البخل عوق الضمايد
أبليس للمعقـود يبقـى شويـره=يعمى دليله بيـن حـادر وسانـد
عليـه شرهـات الزريّـة مغيـرة=لا كان له عـونٍ علـى ردّ كايـد
ملبخل ما يصخي بحبّـة شعيـرة=وان مدّهـا ظـلاّ لكفّـه رعايـد
وايلا ذبح في الحول جَفْرة صغيرة=يعرض محاسنها على كـلّ وافـد
طبع الردي راعي اليمين القصيرة=ماله على درب الطلاقـة عوايـد
من قُصْر باعه مايعـدِّي شبيـره=فـي سيرتـه برنامـجٍ للمشاهـد
أنانيٍ حسـاد مـا حَـبّ غيـره=من صحبته لجواد ظلّـوا طرايـد
وايلا نصاه الضيف تسمع زفيـره=ويزيد في نار الخصيمـة وقايـد
دنياي قالت صُنْ حقوق العشيـرة=قـرمٍ بـلا ربـعٍ حياتـه زهايـد
وايضا حقوق الرِّحْم وحْقوق جيرة=في صونها تبلغ جميـل المحامـد
وايلا نوى الفتّان خصْـمٍ يثيـره=واشتبت الفتنـة فخلّـك محايـد
لاشكّ بعـد النـوّ تأتـي غويـرة=تسْدِلْ على جوّ الحقيقـة سوايـد
واختر خويَّك من وجيـهٍ سفيـرة=تلْقى عليهم عزوةٍ فـي الشدايـد
والفسل لاترْقعْ بخيطـه وسيـره=يعْقُد في السَّيـر الميسَّـر عقايـد
في منطقه محْض العلوم الحقيـرة=يقربك مالشّرهـة كبيـر الزنايـد
تمتاز عينـه بالرمـاح المطيـرة=فيهـا لخلـق الله سهْـمٍ ومـارد
واحذر تجافى من خوي المسيـرة=لو كان تُبْلـى بالخـويّ المعانـد
وصلّوا على من سيرته خير سيرة=الّي على نهجه جميـع المحامـد
[/poem]

ديواني أناشيد المجد - ص (46)


وســـلامـــــتكـــم يـــاكرام

[نادر الجنوب]

===&& اخي عبدالله الطنيني &&===

كلمات رقيقة

حروف هامسة

قصيدة ايحائية

تخرج من قلم حساس

وتنبع من قلب ولهان


تقبل مني ورد الربيع

واحترامي لك ولقلمك

[ابو احمد العدواني]

مشكور والله يعطيك الف عافيه

[أبوعدي]

كلمات رائعه ... سلمت يداك

[عبدالله الطنيني]

أخي الجارح الحر

شكر الله لك طيب الحضور

وكل عام وأنتم بخير

[عبدالله الطنيني]

أخي العدواني:


شكر الله لك طيب الحضور

وكل عام وأنتم بخير

[عبدالله الطنيني]

أخي : أبو عدي



شكر الله لك طيب الحضور

وكل عام وأنتم بخير

[قلب العنا]

قصيده رائعه بيض الله وجهك
وكل عام وانت بخير

[عبدالله الطنيني]

قلب العنا :

شكر الله لك وجمل الله حالك

وكل عام وأنتم بخير