خمس حقائق عن نفسكـ !!

[ابو نواف العدواني]

اعضاء استراحتنا الكرام

السلام عليكم ورحمة الله وبركاته

مسآءَ الإخآءَ .. صبآح آلنقآءَ

أعضآءَ يجمعنآ مكآنَ وآحدَ ..

قلوبَ تجمعنـآ .. وروحَ رآئعهَ تربطنآ

آخوآنَ , أحبآبَ , أصدقآءَ بل أكثرَ

بِـ آختصآرَ كنآ وسنكونَ عآئلهَ وآحدهَ

( موضوعيَ )

عبآره عنَ خمس حقائق تذكرها عن نفسكـ وذآتكَ ..

الصرآحهَ محورنآ , والإخآءَ دآئماً يربطنــآ ...

وفي الختآمَ

آتمنىَ من آلجميعَ الرقيَ بالطرحَ والالتزام بقوانين الاستراحه ...

والآستمتآعَ معنآ بهذه الحقآئقَ ~

انا ابدأ

1- احب مساعدة الجميع وقد آتي على نفسي احيانا
2- الحزن انا وياه علاقه قديمه
3- أحاول ان لا اكون سبب لمشكله حتى لو اضطر الامر الى ان اتنازل عن حقوقي
4- لا أحب الإتكال على أحد في أموري الخاصة أو أمر يوضع تحت يدي
5- مهووس بمتابعة كرة القدم واشجع الهلال واعشق كشتات البر

دمتم بود وبانتظار تفاعلكم ومشاركاتكم

[حكــ حنين ــآية]

انا واعوذ بالله من كلمة انا ...

انسانه مزاجيه لابعد حد يعني مبسوطه بعد خمس دقايق مكتئبه وطفشانه ..
اذا تعكر يومي من اوله يستمر الى اخره متعكر
احب اكل الموز

واحب قياده السياره >> بالمشمش تحلمي

الظلم واكل الحقوق يحولني انسانه شرسه لابعد حد
اتجرد عنده عن كل صفاتي الجميله والانوثيه

دقيقه لابعد حد في كل شي واهتم بالتفاصيل الصغيره

احسن الظن بالناس والتمس لهم العذر لاي تصرف يقومون به

باقي في اشياء كثيره اذا تذكرتها اجي اقولها هنا ان شاء الله

شكرا باص

[ياسرالزهراني]

لازم يعني يامشرفنا < ليه احد ماسك مع اذنك

طيييييييييييييب

1. احب شي اسمه تجمع العايله

2. اجتماعي بشكل عام ولله الحمد

3. اكره وبقووه واحقد ع احد يفتش شي خااص فيني

4. احب اروح النادي كل يووم

5. احب السفر

.....

طبعا هذي شووي يعني لو ذكرت كل اللي عندي كان ياساتر بس لي رجعه للموضوع

[أم وجد]

بنوع يعني مو كل شي زين شوي زين وشوي شين

اول شي انا انسانه مسالمه لابعد درجه

ثاني شي فيني صفه شينه اني غير اجتماعيه وامل بسرعه اذا كان عندنا ضيوف وانتظر متى يروحون

ثالثا احب اصغر الامور في الاوقات الي اشوف في مشكله جايه اذا المشكله لي او لغيري يعني اهون والطف الجو <<فاعلة خير دائما ماهو غريب عليك


رابعا اغلب وقتي هاديه جدا ما اتكلم افقع المراره بسكوتي <<اختها دائما مفقوعه مرارتها

خامسا احب النت واكثر شي اليوتيوبات كا ما قالت لي اختي تعالي شوفي هالمقطع اقولها قديمه انتي شفته من زماان معروف عني بالبيت محرك بحث على قولت اخوي يقول قولولها المقطع وهي على طول بحث .



اخر شي وليس اخرا عجبني الموضوع شي حلو الواحد يقول عنه نفسه اشياء . ويمدح نفسه


يسلمك ربي اخوي تقبل مروري

[رفيعة الشان]

1- كفو مسؤوليآت كيفمآ تكون
2- مستمعة ممتآزة جدآ جدآ
3- رهيّفة ودمعتي قريبه
4- كآتمة أسرآر جيّدة ,
5- متسآمحه الحمدلله ومَ أعرف أحقد على أحد


شكرآ بآص

[ابو نواف العدواني]

وين باقي الربع

[شتآتـ]

1_ عجوله ومتســـــرعه يعني مربوشه بعض الشيء

2_ حنونه وطيبه ومتسامحه وبنفس الوقت شخصيتي قويه

3_ منظمه واحب الترتيب واكره الفوضى والا موبالاه

4_ احيان اكون عنيده جهدا جهدا واحيان لا .

5- مااحب الظلم ابد آ واقول كلمة الحق ولو على نفسي .

موضوع نايس شكرا باص

[* كاتلوني *]

/ نظآمي درجه أولى و أحب الترتيب و الإلتزآم بـ الموآعيد
/ أحب الهدوء و الحر و أكره الإزعآج و البرد
/ إنسآن مزآجي
/ كآتلوني و نصرآوي
/ أكره سآهر و حليب السعوديه





يعطيك ألف عآفيه بآص ع الموضوع المميّز ’

[ابو نواف العدواني]

شكرا لكم على المشاركه
ولازلنا ننتظر باقي اعضاء استراحتنا

[سعــود]

كائن حي بسيط ياكل ويشرب ويضحك ويبكي بس مايحقد أبداً
سريع الزعل وفي نفس الوقت سريع الرضى
مثالي وملتزم ودقيق جداً لدرجه ماتعجب بعض اللي يعاشروني
طموح حالم وأعشق امي والصباح والشتاء والمطر
أحلم ومازلت أحلم بالماستر

شكراً باص