صـرخـة ٌ مـن دمـشـق

[عبدالله الطنيني]

صـــرخــة ٌ مــن دمــشــق

[poem=font="Simplified Arabic,6,darkred,bold,normal" bkcolor="transparent" bkimage="" border="double,4,darkblue" type=1 line=0 align=center use=ex num="0,black""]
يالله انك تجير الشـام سـو العطـوب=وانصر الشعب وتقدّيه نحـو الصـواب
يا حِمِص جارك الله نايبـات الخطـوب=فالك النصر باذن الله وعـزم الشبـاب
الجبان النصيري قـام شـبّ الحـروب=يقتل الشعب لعزل لـم يخـاف العقـاب
منظر القتل بارض الشام يدمي القلـوب=منك ياربنـا المعبـود جبـر المصـاب
آه من كثر آهـآت الوجـع والكـروب=من دمشق العروبة صرخة لـم تُجـاب
والضمير انتحر والعدل ملحـه يـذوب=والقرار المصيري صـار بيـد الكـلاب
فيتو الروس لو يغلق علينـا الـدّروب=يفتح الله بدل باب الكـلاب الـف بـاب
ثورة الشعب يا بشّـار تلهـب لهـوب=حان وقت القصاص وكل شي بالحساب
من شمالي حلب لاحـدّ درعـا جنـوب=عن دسايسك يالخاسـي تميـط النقـاب
أنت للروس واهل الصين شاةٍ حلـوب=وانت لاهل العمايـم خاضـعٍ بانتسـاب
بعد كاس السعادة خذ من المـر كـوب=جيل لحـرار ينخانـا وعـزّ الخطـاب
أقبلوا ينتفون الريش من كـل صـوب=لو تدسّ النعامة راسهـا فـي التـراب
من سواد الجرايم كـم تلبّسـت ثـوب=ما يـواري جرايمكـم سـواد الثيـاب
راح وقتٍ سلبتوا فيـه حـق الشعـوب=أقبـل اليـوم جيـل مقـدمٍ لا يهـاب
في دروب الثقة والدين نعـم الـدروب=إنتفظ شامنـا ضـد الدجـل والكـذاب
كم تكلم عن الإصلاح هـذا الكـذوب=قد نزعنا الثقة بالنـذل والظـن خـاب
ركب دبابتـه للعـار بئـس الركـوب=واستباح الذمـم بالقتـل والإغتصـاب
في الخطابات يغنج مثل غنـج اللعـوب=وابتسامات ميّاسـة وضحكـة ربـاب
ما اعتبر من معمّر يـوم عيـا يتـوب=سامه الله على ايدي الشعب سوء العذاب
عصبة الشر لو تاخـذ زمـام الهـروب=والله ما دون نشلاها بـروس الحـراب
وان تعود السنن تعلا متـون النصـوب=وان تعود الحرايـر تحتشـم بالحجـاب
وان تغرّب نجوم البعث نحـو الغـروب=وان تعود النعامـة يفترسهـا العقـاب
ياهل الشام مـا عنكـم بديـلٍ ينـوب=واصلوا وابشروا بالنصروالنصر طـاب
الشهـادة لموتاكـم وغفـر الـذنـوب=ماتوا احرار يا طوبى وحسـن الثـواب[/poem]

الحقوق محفوظة

وسلامتكم يا كرام

[احمد صعمود]

حماس ونخوه واخاء ومشاعر متوهجه تفتح نوافذ الفرج
وصدق التوكل على الله مهما كانت العقبات والصعوبات
بارك الله في فكرك وقافيتك التى تسخرها دائما لاهداف ساميه
وتساير وتواكب بها الاحداث

تقديري

[عبدالله الطنيني]

أخي العزيز الشاعر : أحمد بن صعمود

بل أنا الذي أشكرك على مرورك المشرّف ، وردك الذي يحوي معاني النخوة والوفاء

ولكنه طبع الكرام ، وفقك الله

[جمعان مفرح (ابو طلال)]

شكرا لك وافر التحية

[عبدالله الطنيني]

ولك الشكر والتقدير أنت أخي العزيز : جمعان

وفقك الله

[خالد العمري]

صح لسانك يا ابن العم واعتلا شانك
واسأل الله ان يفرج كربة الشعب السوري

[عبدالله الطنيني]

أخي الكريم : خالد العمري

أشكرك على تفضلك بالمرور

فحياك الله

شرفتنا