قصيدة شايب العشرين

[عبدالله الحديبي]

بيوت الطين وظلال الجبل والغيم والنوّير
وبساطٍ مكتسي خضرة يداعب عذب وادينا

وطيرٍ .. ماعليه اللوم .. غنّى فالسما ويطير
بـ ريشه تكتمل لوحه .. عليها ختم اسامينا

رسمها شايب العشرين / شباب وشيّبه تفكير
يدوّر في شروق الشمس لصبره ساحل ومينا

على طاري شروق الشمس يا حلوة مساء الخير ؟
غفا [ موعد لقانا ] والصبر ما عاد يكفينا &&

تعثر خطوة الصابر وطاح ولا لقى له غير %
سهام الوجد والحسره .. يسار الصبر ويمينا

على طارِ الصبر ايضاً .. تعالي واتركِ التصوير
تعالي نرسم اهداب الصبر في وجه ماضينا

تلاشت في رجا بكره .. يدوّر للفرج / ويصير
مثل من هم حوالينه # ويهنا غرسة التينا

حسافه " ما قطف غير الدموع وخيبة التعبير
وتجاعيـدٍ على كفه .. تـزوّد بلةة الطينا !!

نبت عجزه على كفه .. وله ستين عام يْدير
رحاة الصوت .. يا جعله يفيد .. وثمْ يصحينا

عجز يرسم لنا واقع قيوده [ منتظر تحرير ]
وحنّا ما نسينا واقعه .. حنّا تناسينا ××

رسم طفل الحجارة تحت ظل الهدم والتفجير
وطفـلٍ ^ رملوا أمه .. وطفتلٍ ماله يْدينا *

وفتاةٍ تغتصب .. واجساد شبانٍ (بلا تقدير )
ترامى فـ الخلا .. والذيب عيّد بين نابينا

رسمها مع مغيب الشمس يوم انه يميل عْصير
ونهاية لوحته [ كلبٍ تبختر في اراضينا ]

على جثة صلاح الدين يرقص !! منتهى التحقير
وحنا يا * بني الاسلام .. في غفله ولاهينا !!

سكتنا ننتظر [ مجلس وهن ] يكتب لنا تقرير ،
يندد فعلة الظالم && وتتحقق .. امانينا #

ولازلنا على الذله .. وباقي في مسار السير
وامانينا / بلا سكّه ووجهه .. والبــلا فينا

بعدنا عن مضامين الكتاب وعن هدى التفسير
وصرنا في ميادين الهوى / نطرب بـ اغانينا

نسينا !! قصة التحرير للاقصى .. تحت تكبير
رجـالٍ .. سلّت سْيوف الولا "" لله و الدينا

غِلطْنا وللغلط علّة .. ولكن قُبح من تبرير !!
تفيينا بـ طيـرٍ للسـلام .. و ما يفييــنا #

اذا دمنا على الذلة تحَت جنحان ذاك الطير
فلا والله ما عشنا ولا بـ نرسي على مينا

لـ /عبدالله الحديبي
9/1/1434هـ

[سعيد مشحن البلوي]

صح لسان اخوي عبدالله الحديبي قصيده بمنتها الروعه والابداع

صحححححححححححححح لسانك صححححححححححح لسانك صححححححححححححححححح لسانك

تحياتي وتقديي لك

[عبدالمجيد العدواني]

صح لسانك

[احساس العالم]

صح لسانك ياشاعر المنشبه

تقبل مرورى

[بن حكمان]

على طاري شروق الشمس يا حلوة مساء الخير ؟
غفا [ موعد لقانا ] والصبر ما عاد يكفينا &&




انت شاعر حقيقي بالفعل وفيك موهبة ما شاء الله تبارك بعد هذه الملحمه أقول لك(سر ونحن من ورائك داعمين لك وانا اول الداعمين)

الله يوفقك يا عبدالله وصح لسانك مليون مره انت مبدع بالفعل والمبدع يجازى بمثل ابداعه

[سعيد بن سالم]

على طاري شروق الشمس يا حلوة مساء الخير ؟
غفا [ موعد لقانا ] والصبر ما عاد يكفينا &&


صح لسانك يا عبدالله قصيدة جميلة

ولكن

على طاري شروق الشمس يا حلوه
مساء الخير

او

صباح الخير


لك اجمل تحيه

[عبدالله الحديبي]

اقتباس: صح لسان اخوي عبدالله الحديبي قصيده بمنتها الروعه والابداع صحححححححححححححح لسانك صححححححححححح لسانك صححححححححححححححححح لسانك تحياتي وتقديي لك

صح بدنك ملايين اخو سعيد
والله يبيّض وجهك على الحضور المشرّف
لك ودي .. @

[عبدالله الحديبي]

عبدالمجيد العدواني + احساس العالم

صحت ابدانكم

[عبدالله الحديبي]

اقتباس: انت شاعر حقيقي بالفعل وفيك موهبة ما شاء الله تبارك بعد هذه الملحمه أقول لك(سر ونحن من ورائك داعمين لك وانا اول الداعمين) الله يوفقك يا عبدالله وصح لسانك مليون مره انت مبدع بالفعل والمبدع يجازى بمثل ابداعه

اخوي وصديقي الغالي بن حكمان
على راسي انت وشهادتك ووالله انها من دواعي سروري شهادة مثلك
وانا ما استغني عنك ولا عن المطاليق شوراك ووقفتك معي تشرفني
وبيّض الله وجهك عليه وعلى غيره

صح كلك ..
وتقبل تحيتي

[عبدالله الحديبي]

اقتباس: على طاري شروق الشمس يا حلوة مساء الخير ؟ غفا [ موعد لقانا ] والصبر ما عاد يكفينا && صح لسانك يا عبدالله قصيدة جميلة ولكن على طاري شروق الشمس يا حلوه مساء الخير او صباح الخير لك اجمل تحيه

شاعرنا : سعيد بن سالم
حيّاك الله وبيّاك
ولاهنت

@
بالنسبة لجملة مساء الخير ..!!
فـ انا استخدمتها هنا كاسلوب تعجب واستفهام وكأنني اقول للمعني في القصيدة
انني انتظرت موعد لقانا ولكنه نائم بينما ان الصباح حلّ وهو لازال في نومه ومساءه

اتمنى تكون وصلت الفكرةة .. #