تقوول شب النار

[عبدالرحمن العياشي]

تقول شب النار شفِّي بفنجال
والنار مني والفناجيل بيدي

البن عندي وجوزة الطيب والهال
وانته لك المركى مع الليل سيدي

ونجر الشقا غنّى مع الليل موال
تقول له عدها ويكر ويعيدي

موزون قافن ما يجي زود مثقال
وطرق القوافي يالغلا يوم عيدي

انا شقاهن لا بغوا ضرب الامثال
حتى طيور الصبح ترفع قصيدي

الحس فيها يا انجل العين سيّال
ينقط على سطر القوافي وريدي

بيتن اشيده ما يبي شغل عمّال
بيطارها قلبي وسطري يشيدي

احطها اوعارن واضرِّبهن اسهال
والم شمل القاف يومه بديدي

لا يا عيونن وسطها الموت يجتال
فيك الوعد ويجاوره لي وعيدي

يا للي لبست الزين والملح لك شال
ياللي على جمل الصبايا فريدي

اليا بغيت اهجيك والله ما احتال
في المدح لك يا حلو شلت تغريدي

اشبه لطيرن فوق الاغصان مياَّل
عينه عليك ولا لك ا لله يحيدي

هروجن بقلبي لك مع القاف تنقال
العالم الله فوق خلقه, شهيدي

[محمد الساهر]

صح لسان الشاعر

[محارب التنين]

سلمت يداك


كلمات رووووعه

[غيمه]

شكراً عالنقل