قــــــنـــــــــاة الــــــــحـــــــــــــــــــــــب

[عبدالله الطنيني]

قناة الحب

[poem=font="Simplified Arabic,6,green,bold,normal" bkcolor="transparent" bkimage="" border="none,6,purple" type=1 line=0 align=center use=ex num="0,black""]
أشرقت وامضيت ليلي في سهر=والكرى يُحرم على عيني هناه
همت في لحظٍ ذبحني بالحـوَر=وانفتح للعشق في قلبي قنـاة
أمس ريته عابرٍ بعـد العصُـر=غصن موزٍ راويٍ عوده ثنـاه
التفت وجهٍ يشابـه للقمـر=وابتسم ثغرٍ كما البارق سناه
مكسي الوجنات بالورد الحَمَـر=والندى والورد يتكامـل حـلاه
أكحل العينين ترمـي بالخطـر=سهم عشقٍ طرفه الرامي رماه
لحظةٍ ما فادني منهـا الحـذر=قمت سلّمت الفؤاد وْما حـواه
حبه الغالـي تمكـن وانتشـر=في عروقي صار ينبض بالحياة
صورته نقّيتها بيـن الصـور=الملاك وْمالنـا دونـه غنـاة
طلعته في ليلتي نـور السّمَـر=واختفى بدر السما خلف العماه
واستغار الليل من لون الشعـر=واكتسى العُنّاب من لون الشّفاة
حب نظرة صابني منها .. شرر=ولّعت قلبي وزادت في ضنـاه
لو يكن في حالتـي ردّ النظـر=ريّح القلب المولّع مـن عنـاه
ما رماني في هـواه الآ القـدر=وما يداوي علتي طـبّ سـواه
[/poem]

من ديواني (أناشيد المجد ) ص (116)

وســـلامـــتــكـم يـــاكـــرام

[عبدالمحسن بن عطية]

وأنت سالم وغانم
صح لسانك على هذا الابداع اللي نثرته
هذا الغزل الراقي والعفيف

لاتحرمنا من إبداعاتك
والله انها تثري المنتدى وتفيدنا

تقبل مروري

[عبدالله الطنيني]

أخي الكريم : عبد لمحسن بن عطية

بل هذا من ذوقك الرفيع ، وكرمك المعهود

أشكرك على مرورك الغالي ، وثنائك الراقي

[احمد صعمود]

مــا رمـانـي فــي هــواه الآ الـقــدر
ومــا يــداوي علـتـي طـــبّ ســـواه

صح لسانك وعلا شانك شاعرنا المتجدد والمتالق دائما

دمت بود

[عبدالله الطنيني]

أخي الشاعر الأستاذ : أحمد صعمود

الله يصح بدنك

ولك شكري وتقديري

حفظك الله

[انا السليمي]

صح لسانك على الكلمات الرائعه

[عبدالله الطنيني]

وصح بدنك وقلمك وفكرك يــــــــــــــــــا : أنا السليمي

[الشاعره شمايل]

مـا رمانـي فـي هــواه الآ الـقـدر
ومـا يـداوي علتـي طــبّ ســواه

صحيت ووفيت

[عبدالله الطنيني]

الشاعرة : شمايل

تشكرين يالغالية

[امل سعيد]

ماشاء الله..