الحنشل

[فيصل]

السلام عليكم ورحمة الله
أمس الخميس حصلت لي قصة وهي :
ارسلت ولدي البقالة وهي تبعد عن البيت 150م
المهم ان الولد دخل البقالة من هنا والحرامي سرق الدراجة من هنا
وشوية جاء السبع.........
قلت له :وين الدراجة؟؟؟؟؟
قال: دخلت البقالة أشتري الأغراض وبعد ما خرجت مالقيتها؟؟
وصاح الصايح ,
وشغلت االسيارة ورحت أدور الحنشل
لفيت حارتنا شارع شارع ولكن الحرامي حراااااااامي
ما وجدت له أثر , وتركناه ورحنا نصلي المغرب
قال جاري: سلامات وش بك بغيت تدعسني قبل الصلاة
وعلمته بالسالفة وقال: هيا ندور لها
قلت له: يارجال تعال القهوة والمه
قال:القهوة والشاهي حرام علي قبل ماحصل السيكل
قلت :عز الله ماعد تطعمها
وراح البيت وخرج بشي طوله يجي متر ؟؟؟؟؟؟؟؟؟؟؟؟؟
قلت :وش هذا؟؟؟؟
قال :امش امش
ومشيت وكلما شاف سيكل قال شفه شفه أسرع أسرع
وصاحب السيكل يوم يشوفنا نطرده المسكين يشرد ويتركه
جنن الأولاد................
وبعدما تعبنا ولاحصلنا فايدة
قلت :خلاص يارجل ملينا أصلا قيمة السيكل كلها 260ريال
قال: لكن أنا حلفت لاجي به, ونزل من السيارة وترك العازة وقال:
نتقابل في صلاة العشاء
وودعته وانا ادعو له بالنصر على الحنشل
ورجعت البيت , ودخلت بالسيارة في الموقف والولد
ينظر لي بأمل والم يحسب الدراجة في شنطة السيارة
ويوم وصلت عنده عرف أن الحرامي فاز علينا (1 \0)
قلت :ابشر بالعوض وانا ابوك باشتري لك واحد جديد
قال: والحرامي
قلت: يوم القيامة يجيبه إن شاء الله
قال : وش ابغي به يوم القيامة .
قلت:لاياولدي يبدلها الله لك بحسنات إن شاءالله..
وإلى الأن ننتظر , يمكن اهل الحرامي يسالونه
من أين لك هذا؟؟؟؟؟؟

[العرنين]

يعطيك العافيه
الموضوع رووووعه
تعال لحظه
.

اقتباس: قلت له: يارجال تعال القهوة والمه قال:القهوة والشاهي حرام علي قبل ماحصل السيكل قلت :عز الله ماعد تطعمها

ههههههههههههههههههههه
.
يا رجال رح شف جاركم تراه يطرد من امس
.
دمت بالف خير

[هريري]

ههههههههههههههه

خلنا من السيكل وقلنا وش سوى جاركم

أم ان التحقيق مازال مستمراً ؟؟

[العتمه]

اقتباس: لفيت حارتنا شارع شارع ولكن الحرامي حراااااااامي

اقتباس: قال : وش ابغي به يوم القيامة .

هههههههههههههههههههههههههههههههههههههه

يعطيك العااافيه

وجاارك الحين يلمح في الشااهي والقهووه بالعين الصغيرره >> يبغى الشااهي مسكين


خخخخخخخخخخخخخخخخخ




تقبل تحيااااااااتي

[الزرعي]

اقتباس: قلت له: يارجال تعال القهوة والمه قال:القهوة والشاهي حرام علي قبل ماحصل السيكل قلت :عز الله ماعد تطعمها

أولاً

الله يحفظ لك الولد ويخليه لك أن شاءالله

ثانياً

حرام عليك والله أنك ورط ذا الجار المسكين

الله يعينك بكره أغد أشتر سيكل للولد الاوله في المشمش أنه يحصلها

الله يخلف عليك يا صاحبي

والله يعطيك العافيه

دمت ودام ولدك بعزك

[ذيب زهران]

لا لا لا تشتريله ذلحين

قوله لا نجحت وجبت درجه كويسه


<<<<< وش النذاله ذي خرب على الولد


واما الحرامي فانا اقولك وين تلقاه

روح محلات بيع السياكل وأكثرها يشترون مستعمل

ودور سيكل الولد ... لكن امداه باعه وخلص

لو كان رحت حبس ما انسرق كان تلقاه


<<<< تخصص سياكل









تقبلوا تحياتي

[فيصل]

اهلا بكم إخوتي الأعزاء
شكرا لكم من الأعماق على مروركم العذب
ومداخلاتكم الجمييييييلة