:×:أخــآف أبكيـے من عيونيـے وأبعثر جية وصـــآلك:×:

[البرنسيسة]

::

تجيني طيف ياعمري على جنحان شوقي لك..

أخاف أرمش من عيوني وأبعثر جية وصالك..

حبيبي لاتجيني قول وين انت وأنا أجيلك..

أبيك تقول وين انت وعلى عيوني أنا اسعى لك..

وربي فوق روس الشوك لخلي القلب يمشيلك..

وأخلي ظلالي يسبقني قبل يحضني منزالك..

ثواني بس ابي اتهنا من عيونك وابي اهديلك..

في عينك ضحكة حتى تكحل عين عذالك..

يقولو الناس بغيابي تشب القلب ويضويلك..

حنيني... من وهج شوقه يميل القلب لامالك..

تعبت أهرب من الاشياء البسيطه من تفاصيلك..

تعبت أسأل زوايا البيت عن اول وآخر أحوالك..

وحتى الشوق من صبح الدرايش قام يهديلك..

عصافير الرضى ترفرف على بيبان مدخالك..

هنا ترمي صباح الخير قبل لتروح وأدعيلك..

وهنا تضوي مساء الخير في عيني من هلالك..

أنا من الليل يقطفني شعوري لك واغنيلك..

أنا من الصبح يليلني الحزن من زمن لون موالك..

حرام الليل ماهوليل إذاماكنت في ليلك..

وحرام الصبح ماهو صبح إذا ماكنت بضلالك..

تروح وقلت أحط روحي على كفي واناديلك..

نزعت العمر من شفت الغلا بالروح نادالك..

بربك قول وش سوى الفراق بوجه منديلك..

تسيل الوان طيفي الا من البكا سالك..

حبيبي لا يبكيك الفراق ولا يهد حيلك..

أخاف الدمع من عينك يجفف صورتي في بالك..

تعال احتاج اسولفلك عن الايام واشكيلك..

وافض غيم الحزن وانثر حنين الشوق بأقفالك..

تعال وحط في قلبي هموم الفرقى واشيلك..

لان القلب ماهو قلب إذا في نبضه ما شالك.. !!

وقف دمعي في عيني ابي من عينك ابكيلك..

اخاف ابكي من عيوني وابعثر جية وصالك..




::


للشاعر / سالم السيار


::

[سعيد بن سالم]

تعال احتاج اسولف لك عن الايام واشكي لك..
وافض غيم الحزن وانثر حنين الشوق بأقفالك..

اظنها باقبالك وليس بأقفالك

ولكن النص رائع ومثير


شكراً لك برنسيسه

اختيارك الجميل دليل ذوقك الراقي


مودتي

[The Lion]

اقتباس: المشاركة الأصلية كتبت بواسطة الطائر المهاجر      تعال احتاج اسولف لك عن الايام واشكي لك.. وافض غيم الحزن وانثر حنين الشوق بأقفالك.. اظنها باقبالك وليس بأقفالك

[align=center]صادووووووووووووووه[/align]


[align=center]هههههههههههه[/align]

[سعيد بن سالم]

اقتباس: المشاركة الأصلية كتبت بواسطة The Lion      [align=center]صادووووووووووووووه[/align] [align=center]هههههههههههه[/align]

تصدق

طلعت صحيحه

باقفالك وليس باقبالك

سبقها (افض ) في بداية الشطر

ولكن الشطر مكسور

( وافض غيم الحزن وانثر حنين الشوق بأقفالك)

بصراحه النص بالرغم من روعته الا انه محير وعليه ملاحظات كثيره
اتمنى ان يحظى بقراه من الاخ الحسني

مره اخرى

شكراً برنسيسه

[The Lion]

اقتباس: المشاركة الأصلية كتبت بواسطة الطائر المهاجر      تصدق طلعت صحيحه باقفالك وليس باقبالك سبقها (افض ) في بداية الشطر ولكن الشطر مكسور ( وافض غيم الحزن وانثر حنين الشوق بأقفالك) بصراحه النص بالرغم من روعته الا انه محير وعليه ملاحظات كثيره اتمنى ان يحظى بقراه من الاخ الحسني مره اخرى شكراً برنسيسه

[align=center]

هههههههههههههههه

عاش مصرف يا صاحبي

على العموم اقدم لك اعتذاري على الوعد اللي وعدتك ونسيته ولك شكري وتقديري


[/align]

[~~سحر انثـى~~]

هنا ترمي صباح الخير قبل لتروح وأدعيلك..

وهنا تضوي مساء الخير في عيني من هلالك..



أبيـآت روعهـ يعطيكـ الف عافيهـ عالنقــل ..

لكـ تحيــآتـــــــــي ..

[خليل الحريري]