ديرة حســــــــد

[مسفر العدواني]

ديرة حسد

من دفتر الذكرى ( قراءة في بعض وجوه المدينة القروية !)

**توطئة :

( مصطاف في شهر العسل )

كلها يومين يا قلبي ونرجع

طيب اسمع

ليه نطلع ..!!

ديرتك ديرة حسد

يا حياتي ديرتي غيم ورعد

ها ها ها

اسكت اسكت لو سمحت

**مدخل:

( بعض المصطافين اللي ساكنين في المدينة )

يا اخي الديرة حسد

أهلها متخلفين

الحضاره عندنا

أنحن أصحاب النظافه

أنحن أصحاب الثقافه

أنحن ... أنحن ... أنحن

شف كلام أهل القرى ما ينفهم ..ما علينا ..خلهم متخلفين

إيه نعم متخلفين ...!

** نفاق :

( أقبل الصيف وجاء المصطافون )

يا سلام ديرتي ديرة كرام ..

ديرتي فيها (مفاطيح) وسلام ..

ديرتي فيها براد ..لا حسود ولا عناد

شف يا بو(سعد الله ) ديرتنا جميلة

أهلها أهل الفضيلة

كلهم متعلمين ..كلهم متثقفين ..

يا سلام .. يا سلام

خلنا نشبع وبعدين الكلام

**لطف:

أخس يالديرة تحضرتم كمان ..

شي عصير وشي حلا أخس أخس

شوفي شوفي يعرفون معجنات

جاتوهات يعرفون الفن كله

والله أهل الديرة علّه



**عادة سيئة:

( اثنين مصطافين في أحد الأركان )

أف .. أف

يا خي الديرة قرف

يا خي الديرة غبار .. يا خي الديرة دمار

نفسي أعرف كيف (ذولا) عايشين

شين شين

ضاق صدري ..


نوم بدري ..


لا بحر لا سوق لا مطعم نظيف ..

لا صياعة لا شوارع لا سهر ..
أف أف

ديرتي ديرة قرف



** VIP:

( شلة مصطافين)

آااااه يا محلى دبي

قال ديره قال

يا بعد قلبي ندندن

يا بعد روحي يا لندن

قال ديره قال

كلها مغص وسعال

............!!!!!!!!!!





**عرضة :

الله الله يا زمن كيف غيرت النفوس

الحقير أصبح بطل والفهيم أمسى ذليل

بعضنا مشغول بالمظهر الزايف وماله

لو نشدته عن مباديه ما يدري بها






**سمرة:

(مجموعة مصطافين بعد العرضة )

يا لالا لالا لالا

يا لالا لالاله

لو نشدته عن مباديه ما يدري بها

وش قصد يا بو (مناحي) بالقصيدة

أنت تفهم بالقصايد

هههههههه

القصيده يا ولد مثل العصيده

بس وش به ما مدحنا

حرشوه المرجفين

لا تضايق من كلامه

عندنا يوم الأحد حفله مجيده

بلغووووه إني هنا

واكتبوا لها شيك مفتوح(ن) رصيده





**مظاهر :

شي بشوت وشي خنافس

شي كلام(ن) ما يهرج

بعضنا للشيخ نافس

لا ترجه مايه أ رج


**مغادرة:

والله الديرة غبيه

كلها حقد وأذيه

ناسها متخلفين ..

ناسها متعجرفين

والله الديره حسد

شووووووفها في جيدها

يا شيخ

حبل(ن) من مسد

[OVERLINE]
** مخرج : [/OVERLINE]

[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
تسعه أشهر لا نفاق ولا غبار=وان لفوا في الصيف جابوا كل شي

الصغار صغار والباقي كبار=والشجاعه يا قصيدي لك ولي

قبل ما ياجوننا ما به شجار=ليش لا جونا يصير الأي (وي)..!

التخلف في طبايعنا ستار=عن دروب(ن)كلها ظلم(ن) وغي

يا حبايب دار ذاك الوقت دار=والحضاره عندنا علم(ن) وضي

والكلام اللي يجينا من ...=لاهيا نكويه وسط الراس كي

والذي جائع وهرجه هرج ضار=لحمنا ـ قل للمغفل ـ لحم ني .!

قله أن اللي تسّبه طار طار=وأنت يا مسكين تطوي الهم طي

والذي يغبنك ميت وسط غار=والذي يحييك دايم شخص حي

بعضنا لو يعرف آداب الحوار=له هديه (DELL)وإلا( أتش بي)

جوّنا جنّه وجوّ الغير نار=فرق واضح بين ذاك وبين ذي

((حيزبون وعيطموس وجلّنار=وطرطبيس ودردبيس وسي ودي

خربصيص وطرفسان وخنفشار=عطلبيس وعطمطيط وكوز مي))[/poem]

[أديب]

طيب . . يمكن فيه تشابه بين العصيده و القصيده


لكن :

اقتباس: المشاركة الأصلية كتبت بواسطة مسفر العدواني      [poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] خربصيص وطرفسان وخنفشار=عطلبيس وعطمطيط وكوز مي))[/poem]

هذي وش معناها

ههههههه

= = =

صح لسانك عزيزي ، و بارك الله فيك
و تشخيصك سليم لواقع الحال

شكراً لك بسماقة قلمك و عذوبة شعرك
تحيتي و تقديري لشخصك الكريم
///

[S T C]

اقتباس: المشاركة الأصلية كتبت بواسطة مسفر العدواني      ((حيزبون وعيطموس وجلّنار=وطرطبيس ودردبيس وسي ودي خربصيص وطرفسان وخنفشار=عطلبيس وعطمطيط وكوز مي))

[ALIGN=CENTER][TABLETEXT="width:90%;"][CELL="filter:;"][ALIGN=center]شكلك تحمّست
لو سمحت فهمني هذي البيتين حرف حرف
والله ما فهمت البيتين ذي وش معناها

شكراً لك على القصيدة الرائعة أخي الكريم
لولا البيتين الأخيرة [/ALIGN][/CELL][/TABLETEXT][/ALIGN]

[عازف كيبورد]

الله الله الله

[الســرف]

يعني جدتي كانت على حق يوم قالت

" الله يسقي ديار الفسده ولايسقي ديار الحسده "


قراءه شاعريه
وتشخيص انيق لواقع مرير

يعطيك العافيه مقال رائع يستحق الوقوف عنده كثير والاشاده بجماله

[ابو عبدالله العمري]

صح لسانك ...

ملامسه للحقيقة

بارك الله فيك يالشاعر

[العين الثالثة]

الله الله
حيا الله مسفر
أسفرت وأنورت

الموضوع جميل ويلامس الحقيقة
للأسف البعض عايش طول عمره في الديرة ولا طلع قال الله يلعنها ديرة حسد

لكن لا نعمم إن شاء الله إنهم قلة
مشكور على الموضوع

[مسفر العدواني]

اقتباس: المشاركة الأصلية كتبت بواسطة أديب      طيب . . يمكن فيه تشابه بين العصيده و القصيده لكن : هذي وش معناها ههههههه = = = صح لسانك عزيزي ، و بارك الله فيك و تشخيصك سليم لواقع الحال شكراً لك بسماقة قلمك و عذوبة شعرك تحيتي و تقديري لشخصك الكريم ///

هلا أديب :

الشكر لك على مرورك العذب

[الفقار]

مسفر العدواني
تقبل شكري على تصويرك لواقع غريب متناقض
شخصيات مزدوجة تأتي ولا تتمنى أن تأتي
تتحدث ولا تعلم بما تتحدث

جمال الديرة بأهلها
جمال الديرة بهوائها وشجرها وطيورها وجبالها وكل مافيها

دمت بخير

[ذكرى المفارق]

ديرة الفسد و لا ديرة الحسد
شكرا لك..