ورقة مقاضي ...!!!

[الســرف]

ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..





المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين??

طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي


مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ..


المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..




وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه








الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!!


المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري ..

الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) ( الله على الجمس الأول وارد الستين ) << رسالة داخله بالغلط خويته ابوها شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس


وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه


مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه







" من الإيميل "

[جمرة غضى]

هههههههههههههههه قسم تقطع بطني وانا اقرا الرسالة وربي شيء مضحك

ياعيني بدل ماتكتبي المقاضي روحي جيبيها معاه ههههههههههههههههه

وبعدين اهل بيتك اولى من الحريم اللي بيجون عندك ذوقيهم طبخ

من تحت دياتك وبعدين ذوقي قريباتك

بس شنو نسوي طبع بعض الحريم مايتغير لو تنبههم الف مره

السرف


رجعت قريتها مره ثانية وماقدرت اتحمل اضحك الله سنك مثلما اضحكتني

[لمى عادل]

هههههههههههههه


تراهااا بنت حلااال والله اذا هي راحت تقضي بنفسها الله يعيييينك <<

( وانت جاي جب اعواد اسنا ن ) اعواد اسنان في نص الليل الله من الاعذار بس


ههههههههههه<< نفسي اعرف ليش قد كذا ضروري عشان تطلبها في نص الليل

ولا تشوف غلاها عندكـ خخخخخ


الله يسعدكم ,,,,موضوعك مهضوم

كلش عادي تصير في ارقى العائلات ههههههه

[الســرف]

اقتباس: المشاركة الأصلية كتبت بواسطة جمرة غضى      هههههههههههههههه قسم تقطع بطني وانا اقرا الرسالة وربي شيء مضحك ياعيني بدل ماتكتبي المقاضي روحي جيبيها معاه ههههههههههههههههه وبعدين اهل بيتك اولى من الحريم اللي بيجون عندك ذوقيهم طبخ من تحت دياتك وبعدين ذوقي قريباتك بس شنو نسوي طبع بعض الحريم مايتغير لو تنبههم الف مره السرف رجعت قريتها مره ثانية وماقدرت اتحمل اضحك الله سنك مثلما اضحكتني

دوم الضحكه يارب

بالله قولي لهم ياجم جم

حرام اللي يسوه في اجمل والطف واحلى مخلوقات الله ..هذولا ازواجهم لازم يهتموا فيهم

ثانكس

[الســرف]

اقتباس: المشاركة الأصلية كتبت بواسطة لمى عادل      هههههههههههههه تراهااا بنت حلااال والله اذا هي راحت تقضي بنفسها الله يعيييينك << ( وانت جاي جب اعواد اسنا ن ) اعواد اسنان في نص الليل الله من الاعذار بس ههههههههههه<< نفسي اعرف ليش قد كذا ضروري عشان تطلبها في نص الليل ولا تشوف غلاها عندكـ خخخخخ الله يسعدكم ,,,,موضوعك مهضوم كلش عادي تصير في ارقى العائلات ههههههه

لمى شايفتيني ثلاطعش عشان تقولي الله يسعدكم

قم شو لو سمحت
اها
يمكن قصدك التفخيم لحضرة جنابي ...مو همّا يقولوا للملك " جنابكم المعظم" وهو يقول " بعون الله نحن "


ثانكس على مرورك

[ابو مشعل الحريري]

الحقيقه ان واقع لبعض الازواج ههههه
والله يخلي المطاعم وقت الزحمه تجيب الطلبات بدون ورقه 000
السرف لك مودتي 0

[بـ ـروٍوٍوٍق]

ههههههههههههههه

مأسآة وربي احسه كاتبها من قلب مقهور

بس وش نقول الله يعينه

والنصابه والكذابه هذي كوم ثاني هههههههههههههههههه

مشكور السرف على النقل الرائع


/

[مشعاب عتم]

وش ذا يامعوود

والله غربلة مع هالحريم ... كله خذ خذ .... خــذ ورقة مقاضي خذ كيس مخلفات ورقة المقاضي ،
وباقي حياتهم هـــاااات نعلبوكم ذبحــتونا كذا فينا وكذا فينا ههههه

حبيبي السرف من عذر مصور كعشتك وتمعك الصنادح هذي اوراق المقاضي وما تسوي في الطف وابرد مخلوقات الله بعد الديناصورات > معلومة جديدة ترى الديناصورات سبب انقراضها من حريمهم ،

تصدق يا السرف أن كان عندنا جارة وهي حامل توحمت على ورقة مقاضي هههههههههه
وعلى ظهر المسكين حمال المقاضي هههههههههه

تصدق يالسرف أن بعض الرجاجيل ما عاد يقدر يقرأ ورقة المقاضي إلا وهو جاااالس وعنده كأس سوبيا الخضري هههههههه

السرف جميل وسلخ مضبوط ما نقلته من بريدك "
دور لنا واحدة اقوى منها شوية

[الســرف]

اقتباس: المشاركة الأصلية كتبت بواسطة ابو مشعل الحريري      الحقيقه ان واقع لبعض الازواج ههههه والله يخلي المطاعم وقت الزحمه تجيب الطلبات بدون ورقه 000 السرف لك مودتي 0

والله ماصارت تفرق مطاعم وإلاّ ورقه مقاضي

هلابك ابو مشعل

[الســرف]

اقتباس: المشاركة الأصلية كتبت بواسطة بـ ـروٍوٍوٍق      ههههههههههههههه مأسآة وربي احسه كاتبها من قلب مقهور بس وش نقول الله يعينه والنصابه والكذابه هذي كوم ثاني هههههههههههههههههه مشكور السرف على النقل الرائع /

العفو

هلابك

احس أنه كاتبها ودموعه خربت الورقه